કામની વાત : EPFO તરફથી તમને કેટલું પેન્શન મળશે ? એક ક્લિકે જાણી લો આખી ગણતરી અને ફોર્મ્યુલા

EPFO ની EPS (Employees’ Pension Scheme) યોજના અંતર્ગત કર્મચારીઓને ઓછામાં ઓછી 10 વર્ષની સેવા પછી પેન્શન આપવામાં આવે છે. નિયમિત યોગદાન આપતા કર્મચારીઓને નિવૃત્તિ પછી દર મહિને પેન્શન મળે છે. ઘણા લોકોનો સવાલ હોય છે કે — “નિવૃત્તિ પછી મને EPFO તરફથી કેટલું પેન્શન મળશે?” અહીં તેના વિશે વિગતવાર સમજાવ્યું છે.

EPFO પેન્શન કેવી રીતે કાર્ય કરે છે?

જો તમે કોઈ ખાનગી અથવા સરકાર માન્ય કંપનીમાં કામ કરો છો, તો તમે EPFO થી સારી રીતે પરિચિત હશો. EPFOની સ્થાપના કર્મચારીઓને નાણાકીય સુરક્ષા ઉપલબ્ધ કરાવવા માટે કરવામાં આવી હતી. નોકરી દરમ્યાન કર્મચારી પોતાના પગારના 12% હિસ્સા જેટલું યોગદાન PF ખાતામાં જમા કરે છે. આ 12% માંથી:

• 8.33% રકમ EPS (Employees’ Pension Scheme) માં જાય છે
• 3.67% રકમ EPF (Employees’ Provident Fund) ખાતામાં જમા થાય છે
• બધી રકમ નિવૃત્તિ સુધી સલામતી સાથે જમા રહે છે અને 58 વર્ષની ઉંમર પછી EPS હેઠળ માસિક પેન્શન મળે છે.

EPS પેન્શન મેળવવા માટેની શરતો

• EPS પેન્શન મેળવવા માટે નીચેની મુખ્ય શરતો ફરજિયાત છે:
• ઓછામાં ઓછી 10 વર્ષ સતત સેવા
• PF ખાતા હેઠળ નિયમિત યોગદાન
• 58 વર્ષની ઉંમર પછી પેન્શન મળવાનું શરૂ થાય છે
• કર્મચારી જેટલો વધુ સમય નોકરી કરે છે અને જેટલો વધારે પગાર મેળવે છે, તે મુજબ પેન્શન રકમ વધે છે.

EPFO પેન્શન કેવી રીતે ગણવામાં આવે છે? (ફોર્મ્યુલા)

• EPFO દ્વારા પેન્શનની રકમ નીચેના ફોર્મ્યુલા પ્રમાણે નક્કી થાય છે:
• માસિક પેન્શન = (પેન્શનપાત્ર પગાર × પેન્શનપાત્ર સેવા) / 70

અહીં:

• પેન્શનપાત્ર પગાર = છેલ્લા 60 મહિનાના સરેરાશ પગાર
• પેન્શનપાત્ર સેવા = કુલ સેવા વર્ષો (ઓછામાં ઓછી 10 વર્ષ)

ઉદાહરણથી સમજીએ..

• ધારો કે કોઈ કર્મચારીનો પેન્શનપાત્ર પગાર = ₹15,000
• પેન્શનપાત્ર સેવા = 10 વર્ષ
• ફોર્મ્યુલા મુજબ ગણતરી:
• માસિક પેન્શન = (15,000 × 10) / 70 = ₹2,143
• અથાર્ત કર્મચારીને નિવૃત્તિ પછી દર મહિને ₹2,143 પેન્શન મળશે.

મહત્વનું છે કે સેવા વર્ષો અને પગાર વધતા પેન્શનની રકમ પણ વધતી જાય છે.

EPS પેન્શન યોજના કર્મચારીઓને નિવૃત્તિ પછી નાણાકીય સુરક્ષા પ્રદાન કરે છે. જો તમારી સેવા લાંબી હોય અને પગાર ઉંચો હોય તો EPFO હેઠળ મળતું માસિક પેન્શન વધારે મળે છે. તેથી PF માં સતત યોગદાન આપવું અને નોકરીમાં સતત સેવા આપવી પેન્શન માટે અત્યંત મહત્વપૂર્ણ છે.

અમીર બનવા માટેની PPF યોજના, દર મહિને ફક્ત 7,000 રૂપિયાનું રોકાણ કરો, મળશે આશરે 57.72 લાખનું ફંડ !