Uttarakhand: પોલીસનું નામ સાંભળીને જ સામાન્ય માણસ ડરી જાય છે. પોલીસ પોતાના કડક વલણ માટે ઓળખાય છે, પરંતુ હાલમાં એક પોલીસ કર્મીનો વીડિયો સોશિયલ મીડિયા પર વાયરલ થઈ રહ્યો છે. આ વીડિયો અને તેમાં જોવા મળતો પોલીસ કર્મી લોકોનું દિલ જીતી રહ્યો છે. આ વીડિયો જોઈને પોલીસને લઈને તમારા પણ વિચાર બદલાય જશે તો સૌથી પહેલા હવે તમે આ વીડિયો જુઓ
આ વાયરલ વીડિયો ઉત્તરાખંડનો (Uttarakhand) છે અને વીડિયોમાં બે બાળકો રસ્તાના કિનારે ઉભા રહીને મકાઈ વેચી રહ્યા છે. ત્યાંથી પસાર થતો પોલીસ કર્મી આ બાળકોને જોઈને ઉભો રહી જાય છે. તેમનાથી આ બાળકોના હાલ જોવાયા નહીં. તેઓ બાળક પાસે ગયા અને પહેલા તેમને માસ્ક પહેરાવ્યુ અને બે ઘણી કિંમત ચૂકવીને તેમની પાસેથી બધી મકાઈ ખરીદી લીધી. આ વીડિયો લોકો દ્વારા ખૂબ પસંદ કરાઈ રહ્યો છે.
હાલ દેશમાં કોરોના વાયરસનો કહેર યથાવત છે, જેની સીધી અસર લોકોના જીવન પર પડી રહી છે. હાલાત એવા છે કે લોકોની રોજી-રોટી પર સંકટ આવીને ઉભુ છે. લોકો પોતાનો ધંધો-રોજગાર ગુમાવી ચૂક્યા છે અને પરિણામે આખો પરિવાર મળીને જે પણ કઈ કામ મળે તે કરવા તૈયાર છે. તેવામાં આ બાળકો પરિવારને મદદ કરવા માટે રસ્તાની સાઈડ પર ઉભા રહીને મકાઈ વેચી રહ્યા હતા.
આ વીડિયો જોઈને લોકો ભાવુક થઈ રહ્યા છે. વીડિયોને સોશિયલ મીડિયાના વિવિધ પ્લેટફોર્મ પર શેયર કરવામાં આવી રહ્યો છે. ઈન્સ્ટાગ્રામ પર આ વીડિયો ‘uttarakhandpolice’ નામના એકાઉન્ટ પરથી શેયર કરવામાં આવ્યો છે. વીડિયોની સાથે આખી ઘટનાની માહિતી પણ શેયર કરવામાં આવી છે. લોકો આ વીડિયો જોઈને પોલીસ કર્મીના ખૂબ વખાણ કરી રહ્યા છે.
જલદી વપરાઈ જાય છે તમારા ફોનનું ઈન્ટરનેટ ? તો બસ આટલું કરી લો સેટિંગ
