IPL 2024 MI vs SRH: પોઈન્ટ ટેબલમાં ટોપ-4 ટીમો કઈ હશે? આજની મેચના પરિણામ બાદ ચિત્ર લગભગ સ્પષ્ટ થઈ જશે
IPL 2024ના પોઈન્ટ ટેબલમાં ચોથી ટીમ કઈ હશે તે મુંબઈ ઈન્ડિયન્સ અને સનરાઈઝર્સ હૈદરાબાદ વચ્ચે રમાનારી મેચના પરિણામ પછી લગભગ નક્કી થઈ જશે. આ મેચના પરિણામ બાદ ફેરબદલ થઈ શકે છે. હાલ KKR ટોપ પર છે જ્યારે RR બીજા અને CSK ત્રીજા સ્થાને છે. સોમવારે મુંબઈ અને હૈદરાબાદનો મુકાબલો છે અને આ મેચના પરિણામ બાદ ટોપ 4 ટીમોની સ્થિતિ વિશે પણ સ્પષ્ટતા થઈ જશે.
5 મેના રોજ ધર્મશાલામાં રમાયેલી મેચમાં ચેન્નાઈ સુપર કિંગ્સે પંજાબ કિંગ્સને હરાવ્યું હતું અને તે જ દિવસે કોલકાતા નાઈટ રાઈડર્સે લખનૌ સુપર જાયન્ટ્સને તેના જ ઘરમાં હરાવ્યું. આ બે મેચોના પરિણામોની સીધી અસર IPL 2024ના પોઈન્ટ ટેબલ પર પડી હતી, જ્યાં KKR અને CSKને બમ્પર ફાયદો થતો જોવા મળ્યો હતો. આ સાથે જ 6 મેના રોજ રમાનાર સનરાઈઝર્સ હૈદરાબાદ અને મુંબઈ ઈન્ડિયન્સ વચ્ચેની મેચ બાદ ચોથા ક્રમની રેસમાં કોઈ પહોંચે છે તે લગભગ નક્કી થઈ જશે.
KKR એ LSG ને 98 રનથી હરાવ્યું
5 મે સુધી રમાયેલી મેચ બાદ હવે કોલકાતા નાઈટ રાઈડર્સ નંબર 1 પર છે. આનો સીધો અર્થ એ થયો કે રાજસ્થાન રોયલ્સનું લાંબા સમયથી વર્ચસ્વ હવે છીનવાઈ ગયું છે. KKR એ LSG ને લખનૌના એકાના સ્ટેડિયમમાં 98 રનથી હરાવ્યું, જે IPLના ઈતિહાસમાં KL રાહુલની આગેવાની હેઠળની ટીમ માટે રન મામલે સૌથી મોટી હાર હતી. કોલકાતાની ટીમ પોઈન્ટ ટેબલમાં રાજસ્થાન રોયલ્સને પાછળ ધકેલવામાં સફળ રહી. મતલબ કે RR ટીમ હવે બીજા સ્થાને સરકી ગઈ છે.
KKR નંબર 1 ટીમ
KKR પાસે 11 મેચ બાદ 16 પોઈન્ટ છે અને તેનો રન રેટ 1.453 છે. જ્યારે રાજસ્થાન રોયલ્સ માત્ર 10 મેચ રમી છે અને તેના 16 પોઈન્ટ પણ છે. પરંતુ, તેનો રન રેટ કોલકાતા કરતા ઓછો (0.622) છે એટલે શ્રેયસ અય્યરની કપ્તાની હેઠળની KKR ટીમને આનો ફાયદો થયો છે. જેના કારણે શાહરૂખ ખાનની KKR નવી નંબર 1 ટીમ બની ગઈ છે.
CSKએ પણ લાંબી છલાંગ લગાવી
KKR અને RR પછી ચેન્નાઈ સુપર કિંગ્સ IPL 2024ના પોઈન્ટ ટેબલમાં ત્રીજા સ્થાને છે. ધર્મશાલામાં પંજાબ કિંગ્સને 28 રને હરાવીને CSK ત્રીજા સ્થાને પહોંચી ગઈ છે. CSK પાસે હવે 11 મેચ બાદ 12 પોઈન્ટ છે અને તેનો રન રેટ 0.700 છે. સનરાઈઝર્સ હૈદરાબાદ હાલમાં 10 મેચમાં 12 પોઈન્ટ સાથે ચોથા સ્થાને છે. SRHનો રન રેટ 0.072 છે. લખનૌ સુપર જાયન્ટ્સને KKR સામે હારનો નુક્સાન સહન કરવું પડ્યું છે કે તેઓ ટોચના પાંચમા સ્થાને આવી ગયા છે.
MI vs SRH મેચ બાદ ટોપ-4માં ફેરફાર થશે
હવે સવાલ એ છે કે હાલમાં SRH પોઈન્ટ ટેબલમાં ચોથા નંબર પર છે. જો SRH આજે મુંબઈ ઈન્ડિયન્સને હરાવી દે છે, તો તે 14 પોઈન્ટ સાથે IPL 2024ના પોઈન્ટ ટેબલમાં ત્રીજા સ્થાને પહોંચી જશે. જ્યારે ચેન્નાઈ સુપર કિંગ્સ ચોથા નંબરે સરકી જશે. પરંતુ જો મુંબઈ ઈન્ડિયન્સ તેમને હરાવે છે, તો SRH નંબર 4 પર જ રહી જશે. 11-11 મેચ બાદ SRH અને LSGના સમાન પોઈન્ટ હશે પરંતુ સારા રન રેટને કારણે સનરાઈઝર્સ હૈદરાબાદને ફાયદો થશે.
આ પણ વાંચો : એવી જગ્યાએ બોલ વાગ્યો કે 11 વર્ષના બાળકનું મેદાનમાં જ મોત થયું, જુઓ Video
Latest News Updates
