પાટણઃ સુજનીપુર માર્ગની સાઇડમાંથી કપડાંમાં લપેટલ નવજાત બાળકી મળી, પોલીસે તપાસ શરુ કરી, જુઓ

પાટણના સુજનીપુર માર્ગ પર રોડની સાઇડમાંથી એક વહેલી સવારના અરસા દરમિયાન એક કપડામાં લપેટેલ નવજાત બાળકી મળી આવી હતી. બાળકી હોવાનું જણાતા જ સ્થાનિક લોકો દોડી આવ્યા હતા અને 108 એમ્બ્યુલન્સ મારફતે બાળકીને સારવાર માટે ખસેડવામાં આવી હતી. ઘટનાને પગલે હવે પોલીસે પણ તપાસ શરુ કરી છે.

TV9 Gujarati
| Edited By: | Updated on: Feb 06, 2024 | 9:46 AM

પાટણના સુજનીપુર રોડની સાઇડમાંથી એક નવજાત બાળકી મળી આવી હતી. બાળકી એક કપડામાં લપેટેલી હાલતમાં હતી, પરંતુ તેના હલનચલ અને કીકીયારીઓને પગલે રાહદારીના ધ્યાન પર બાળકીનો અવાજ આવ્યો હતો. જેને લઈ આસપાસમાં જાણ થતા અન્ય લોકો સ્થળ પર પહોંચી આવ્યા હતા. ઉપરાંત નજીકમાં રહેતી મહિલાઓ પણ દોડી આવી હતી.

આ પણ વાંચો: મહાનગરપાલિકાનો દરજ્જો મળનારા શહેરોમાં ઘણું બધું બદલાઈ જશે, કેવા થશે ફેરફાર? જાણો

બાળકીને તુરંત સારવાર માટે ખસેડવામાં આવી હતી અને નવજાત બાળકીની માતા સામે ગુનો નોંધીને તપાસ શરુ કરવામાં આવી છે. સ્થાનિક ધીરુભાઇ ભીલે આ અંગેની પોલીસ ફરિયાદ નોંધાવી છે અને તેની માતા અને પિતાની શોધખોળ શરુ કરવામાં આવી છે. પોલીસે આ અંગે આસપાસની હોસ્પિટલમાં તપાસ શરુ કરી છે. હાલ તો બાળકીની સ્થિતિ નિયંત્રણ હેઠળ હોવાનું જણાવવામાં આવ્યુ છે.

 

ગુજરાતના તમામ જિલ્લાના સમાચાર વાંચવા માટે અહીં ક્લિક કરો

 

 

Follow Us:
g clip-path="url(#clip0_868_265)">