પંચમહાલમાંથી ઝડપાયું ગેસ રિફિલિંગ કૌભાંડ, એજન્સીના સંચાલકોની જ સંડોવણી સામે આવી, જુઓ વીડિયો

પંચમહાલમાં ગોધરાના ભુરાવાવમાંથી ગેસ રિફિલિંગ કૌભાંડ ઝડપાયું છે. HP એજન્સીના ગોડાઉનમાં જિલ્લા પુરવઠા અધિકારીએ દરોડા પાડતા ગેસ રિફિલિંગનો ભાંડો ફૂટ્યો હતો. ગેસ એજન્સીના સંચાલકો એ જ કૌભાંડ આચર્યું હોવાની માહિતી મળી છે. 19 કિલોના ગેસ સિલિન્ડરમાંથી 5 કિલોના સિલિન્ડરનું રિફિલિંગ કરવામાં આવતું હતું.

તપાસમાં ગેસ સિલિન્ડરો સહિત 10.10 લાખના મુદ્દામાલની ઘટ સામે આવી હતી. એજન્સીના સંચાલકોએ દસ્તાવેજો પણ યોગ્ય રીતે રાખ્યા ન હતા. 91 હજારની કિંમતના 19 અને 5 કિલોના ગેસ સિલન્ડર જપ્ત કરવામાં આવ્યા છે. જિલ્લા પુરવઠા અધિકારી, ગોધરા શહેર મામલતદાર અને SOGએ સંયુક્ત કાર્યવાહી કરી હતી. આ મામલે ગુનો નોંધી વધુ કાર્યવાહી શરૂ કરાઇ છે.