રૂપિયા ઉધાર લઈને શરૂ કર્યો હીરાનો વેપાર…4800 કરોડની નેટવર્થ, જાણો કોણ છે રાજ્યસભાના ઉમેદવાર ગોવિંદ ધોળકિયા
ગોવિંદ ધોળકિયાએ વેપાર કરવા માટે 410 રૂપિયા ઉધાર લીધા હતા. હીરાના વેપારમાં ઝંપલાવ્યા બાદ પાછું વાળીને જોયું નથી. ત્યારબાદ આ ઉદ્યોગમાં સતત પ્રગતિ મેળવી અને અનેક સેવાકીય કાર્યો પણ કર્યા. તેમણે રામ મંદિરના નિર્માણમાં 11 કરોડનું દાન આપ્યું હતું.
ગુજરાતમાંથી રાજ્યસભાના ઉમેદવાર તરીકે ભાજપે સુરતના ઉદ્યોગપતિ ગોવિંદ ધોળકિયાની પણ પસંદગી કરી છે. તેઓ ગુજરાતના દુધાળા ગામના વતની છે. 1964માં 17 વર્ષની ઉંમરે તેમને પોતાના જાહેર જીવનની શરૂઆત કરી હતી અને તેઓ હીરા ઘસવાના કામ માટે સુરત આવ્યા હતા અને ત્યારબાદ તેમને કંપનીની સ્થાપના કરી અને આજે રામકૃષ્ણ એક્સપોર્ટ તેમની કંપની સફળતાના શિખરે પહોંચી છે અને તેઓ બિઝનેસમેનની સાથે લોકસેવાના કાર્યોમાં પણ ખૂબ જ આગળ રહ્યા છે.
લોકો વચ્ચે તેઓ પ્રેમથી કાકા તરીકે ઓળખાય છે. તેમણે 1964માં 17 વર્ષની ઉંમરે જાહેર જીવનની શરૂઆત કરી હતી. 1964માં સુરતમાં કારકિર્દીની શરૂઆત કરી. શરૂઆતમાં હીરા કાપવાનું અને પોલિશિંગનું કામ કરતા હતા. ત્યાર બાદ 3 મિત્રો સાથે મળીને સ્વતંત્ર રીતે કામ કરવાનું નક્કી કર્યું.
શ્રીરામકૃષ્ણ એક્સપોર્ટ કંપની બનાવી જેમાં રફ હીરાના વેપારી હીરાભાઈ વાડીવાલા સાથે વેપાર શરૂ કર્યો. વેપાર કરવા માટે 410 રૂપિયા ઉધાર લીધા હતા. હીરાના વેપારમાં ઝંપલાવ્યા બાદ પાછું વાળીને જોયું નથી. ત્યારબાદ આ ઉદ્યોગમાં સતત પ્રગતિ મેળવી અને અનેક સેવાકીય કાર્યો પણ કર્યા. તેમણે રામ મંદિરના નિર્માણમાં 11 કરોડનું દાન આપ્યું હતું.
આ પણ વાંચો રિક્ષા ચાલકથી રાજ્યસભા ટિકિટ સુધીની સફર…જાણો ગુજરાત ભાજપના રાજ્યસભાના ઉમેદવાર મયંક નાયક વિશે
