Bhavnagar : આર્મી જવાનની બહાદુરી, મહુવામાં કોઝવે પરથી તણાતા 6 લોકોના જીવ બચાવ્યા
આર્મી જવાન ભગુડા માતાજીના દર્શન કરીને ઘરે પરત ફરી રહ્યા હતા. તે સમયે કસાણ ગામની નદીમાં એક કાર સાથે 6 લોકોને તણાતા જોઈ આર્મીમેન વિશાલ ડોડિયાએ પોતાના જીવની ચિંતા કર્યા વિના નદીમાં ઝંપલાવ્યું હતું.. અને બહાદૂરીપૂર્વક તમામ લોકોને બચાવી લીધા હતા
Bhavangar : આર્મીનો જવાન ભલે દેશના ગમે તે ખૂણામાં હોય,, તે પોતાની દેશસેવાની ફરજ નથી ભૂલતો. તેનું જીવતું જાગતું ઉદાહરણ ભાવનગરના મહુવામાં(Mahuva)જોવા મળ્યું.મહુવાના કસાણ ગામ પાસે કોઝવે પરથી ડ્રાઈવર સહિત 6 લોકો કાર સાથે તણાતા હતા. આર્મીના જવાને તમામને બચાવી લીધા.જાગધાર ગામના વતની આર્મીમેન વિશાલ ડોડિયા જમ્મુ-કાશ્મીરમાં ફરજ બજાવે છે.
આ પણ વાંચો : Amreli : રાજુલાનો ધાતરવડી ડેમ ઓવરફ્લો થતા જોવા મળ્યો આહ્લાદક નજારો- જુઓ તસ્વીરો
તેઓ રજા લઈને વતનમાં આવ્યા છે. આ દરમિયાન તેઓ ભગુડા માતાજીના દર્શન કરીને ઘરે પરત ફરી રહ્યા હતા. તે સમયે કસાણ ગામની નદીમાં એક કાર સાથે 6 લોકોને તણાતા જોઈ આર્મીમેન વિશાલ ડોડિયાએ પોતાના જીવની ચિંતા કર્યા વિના નદીમાં ઝંપલાવ્યું હતું.. અને બહાદૂરીપૂર્વક તમામ લોકોને બચાવી લીધા હતા.તેમની કામગીરીને જોઈ ઘટનાસ્થળે પહોંચેલા બગદાણાના PSIઅને મામલતદારે પણ તેમના કાર્યને બિરદાવ્યું હતું.
હવામાન અને ગુજરાતના તમામ જિલ્લાના સમાચાર વાંચવા માટે અહીં ક્લિક કરો
