ભરૂચ : નો પાર્કિંગમાં પાર્ક ટુ વહીલરને પોલીસે મારેલું લોક તોડનારની ધરપકડ કરાઈ, જુઓ વીડિયો

ભરૂચ : ભરૂચમાં પોલીસે કરેલી કાર્યવાહી સામે તંત્રને ઠેંગો દેખાડવાનો પ્રયાસ કરનાર યુવાનની અંકલેશ્વર પોલીસે ધરપકડ કરી છે. નો પાર્કિંગમાં પાર્ક ટુ વહીલરને પોલીસ લોક મારતા દંડની કાર્યવાહીથી બચવા યુવાને લોક તોડી નાખ્યું હતું જોકે આ ઘટના કેમેરામાં કેદ થઇ જતાં પોલીસે લોક તોડનારની ધરપકડ કરી માફી મંગાવી છે.

પોલીસ સૂત્રો અનુસાર 12 જાન્યુઆરીના રોજ અંકલેશ્વર બી ડિવિઝન પોલીસે ટ્રાફિકને અડચણરૂપ પાર્ક ટુ વહીલરના ટાયરને લોક મારી દીધું હતું. વાહન ચાલકે દંડ ભરવાના બદલે પોલીસે લગાવેલ લોક તોડી નાખ્યું હતું અને વાહન લઇ રફુચક્કર થઇ ગયો હતો. આ ઘટનાનો વિડીયો પણ વાયરલ થયો હતો. ઘટના બાબતે પોલીસ હરકતમાં આવી હતી. એકટીવાની નંબર પ્લેટ પણ ન હતી જોકે કાયદાની ઐસીતૈસી કરનારને સબક શીખવાડવા ભારે જહેમત બાદ આખરે ગાર્ડન સિટી ખાતે રહેતા સુજીતસિંઘ રણબહાદુરસિંઘ રાઠોડને ઝડપી પડાયો હતો.