Gandhinagar Video : આજે મુખ્યપ્રધાન ભૂપેન્દ્ર પટેલની અધ્યક્ષતામાં કેબિનેટ બેઠક મળશે, પ્રિ-મોનસૂન કામગીરી સહિત અનેક મુદ્દા પર થશે ચર્ચા

ગાંધીનગરમાં મુખ્યપ્રધાન ભૂપેન્દ્ર પટેલની અધ્યક્ષતામાં કેબિનેટ બેઠક મળશે. કેબિનેટ બેઠકમાં આજે અનેક મુદ્દાઓ પર ચર્ચા કરવામાં આવશે. આજે  57 દિવસ બાદ કેબિનેટની બેઠક મળશે. લોકસભાની આચારસંહિતા પૂર્ણ થયા બાદ પ્રથમ કેબિનેટ બેઠક છે.

નરેન્દ્ર મોદી સતત ત્રીજીવાર PM બનતા બેઠકમાં આભાર પ્રસ્તાવ રજૂ થશે. પ્રિ-મોનસૂન કામગીરી, શાળા પ્રવેશ ઉત્સવ સહિતના મુદ્દાઓ પર મંથન થશે. કેબિનેટ બેઠકમાં યોગ દિવસની ઉજવણી મુદ્દે ચર્ચા થશે. કમોસમી વરસાદથી ખેડૂતોને થયેલા નુક્સાનની સહાય મુદ્દે ચર્ચા થઈ શકે છે.

ભાજપની પાસે મોટી બહુમતી

ભૂપેન્દ્ર પટેલની સરકારે સૌથી મોટી બહુમતી મેળવી લીધી છે. હવે વિધાનસભામાં ભાજપના 161 ધારાસભ્ય છે. સામે વિપક્ષની સંખ્યા 17 પર જ સમેટાઇ ગઇ છે. જેમાં કોંગ્રેસના 13 ધારાસભ્ય છે. જ્યારે આમ આદમી પાર્ટીના 4 ધારાસભ્ય છે.