40 દિવસમાં 7 વાર માર્યા ડંખ ! શનિવાર અને રવિવારે જ સાપ લે છે બદલો, જુઓ ઘટનાનો વીડિયો
ઉત્તપ્રદેશના યુવાનની પાછળ સાપ પડ્યો હોવાની ઘટના સામે આવી છે. આ ઘટના એવી છે જેમાં 40 દિવસમાં 7 વાર સાપે ડંખ માર્યા છે. શનિવાર અને રવિવારે જ સાપ બદલો લે છે તેવું પણ તેમનું કહેવું છે. ત્યારે હવે એક બાદ એક સાપના બદલાથી પરિવારના લોકો રક્ષણની માગ કરી રહ્યા છે.
કોઈ વ્યક્તિ બદલો લે તો વાત સમજાય. પણ શું સાપ બદલો લે તે વાત માની શકાય ખરાં ? માનવામાં ન આવે અને વિચારતા જ અચરજ થાય તેવી ઘટના બની છે ઉત્તરપ્રદેશના ફતેહપુરના “સૌરા” ગામે.
ICUમાં ભરતી વિકાસ દ્વિવેદી નામના યુવક સાથે આ અજીબ ઘટના બની છે. આ યુવકને પાછલા 40 દિવસમાં 1 કે 2 નહીં પણ 7-7 વાર સાપે દંશ દીધો છે. અને દરેક વાર ડંખના બનાવ પછી યુવકને ગામની હોસ્પિટલમાં સારવાર માટે ખસેડવામાં આવ્યો છે.
આ ઘટના અંગે પરિવારના લોકોનું કહેવું છે કે અત્યાર સુધી જેટલી વાર સાપે ડંખ માર્યો છે તે શનિવાર અને રવિવારે જ માર્યો છે. જો કે પરિવારના લોકોએ જેવું વિચાર્યું કે આ શનિવાર બાલાજી જતાં રહેવું છે તો ગુરુવારે જ સાપે ડંખ મારી દીધો હોવાનું પિડિતના સ્વજન કહી રહ્યા છે. અલબત, પિડીતના સ્વજનોની હવે ચિંતા વધી છે અને તેની પાછળનું કારણ છે પિડિતને આવેલું સપનું.
હવે પરિવારના લોકો પણ આ મામલે યોગ્ય કાર્યવાહી કરી “સાપના બદલા”થી યુવકની રક્ષાની માંગણી કરી રહ્યા છે.
