Himachal Pradesh : ખભા પર બાઇક ઉઠાવીને રસ્તો પાર કરી રહેલા બાહુબલીનો Video Viral
જો આ વ્યક્તિનો પગ જરા પણ લપસી જતો તો તે ઉંડી ખાડીમાં જઇને પડતો. પરંતુ આ વ્યક્તિએ તો પોતાના ખભા પર બાઇક ઉઠાવીને મિનિટોમાં રસ્તો પાર કરી દીધો.
હિમાચલ પ્રદેશના (Himachal Pradesh) ચંબામાં વરસાદે તાંડવ મચાવ્યો છે. ભારે વરસાદના (Heavy Rainfall) કારણે કેટલાક રસ્તાઓ બ્લોક થઇ ગયા છે. વરસાદના પગલે રસ્તાઓ પર અને લોકોના ઘરમાં કિચડ ઘૂસી ગયો છે. જેને લીધે લોકોને ભારે મુશ્કેલીનો સામનો કરવો પડી રહ્યો છે. સોશિયલ મીડિયામાં વાયરલ થયેલા કેટલાક વીડિયોમાં (Viral Video) લેન્ડસ્લાઇડને (Landslide) કારણે સર્જાયેલા તબાહીના દ્રશ્યો જોવા મળી રહ્યા છે. તેવામાં હવે એક બાહુબલીનો (Bahubali) વીડિયો વાયરલ થઇ રહ્યો છે.
તમને સુપરહિટ ફિલ્મ બાહુબલીનો એ સીન તો યાદ હશે જેમાં શિવા એટલે કે પ્રભાસ પોતાના ખભા પર શિવલિંગ ઉઠાવીને તેને જળાભિષેક કરવા લઇ જાય છે. બસ આવુ જ કઇંક ચંબામાં એક વ્યક્તિએ કર્યુ. તેણે પોતાના ખભા પર બાઇક ઉચકી લીધી. ચંબાના તિસ્સામાં (Tissa) રસ્તા પર વરસાદના કારણે કાટમાળ અને કિચડ ભરાયેલુ છે જેના કારણે રસ્તો બ્લોક થઇ ગયો હતો. માટે આ વ્યક્તિએ પોતાના ખભા પર બાઇક ઉઠાવી લીધી અને કાટમાળની વચ્ચે ચાલવા લાગ્યો
આ વીડિયો જોઇને લોકો ચોંકી ઉઠ્યા છે. કારણ કે જો આ વ્યક્તિનો પગ જરા પણ લપસી જતો તો તે ઉંડી ખાડીમાં જઇને પડતો. પરંતુ આ વ્યક્તિએ તો પોતાના ખભા પર બાઇક ઉઠાવીને મિનિટોમાં રસ્તો પાર કરી દીધો. સોશિયલ મીડિયા પર આ બાહુબલીનો વીડિયો ખૂબ જ વાયરલ થઇ રહ્યો છે.
વીડિયો પર લોકોએ વિવિધ પ્રકારની કોમેન્ટ્સ કરી છે. કેટલાક લોકોએ તેની હિંમત અને તાકાતના વખાણ કર્યા તો કેટલાક લોકોએ તેણે લીધેલા આ પગલાને ખતરનાક કહ્યા અને લખ્યુ કે તેણે આ રિસ્ક લેવાની જરૂર ન હતી. જો જરા પણ ભૂલ થતી તો વ્યક્તિ ખાડીમાં પડીને પોતાનો જીવ ગુમાવી બેસતો.
આ પણ વાંચો – Google ક્રોમમાં આવ્યુ નવુ ફિચર, વેબસાઇટ સાથે શેયર કરવામાં આવેલી માહિતીને કરી શકાશે ટ્રેક
આ પણ વાંચો – અમેરીકામાં ભારતીય ડૉક્ટર્સ પર લાંચ આપવાનો આરોપ, 3.75 કરોડ ડૉલર ભરીને કરશે સમાધાન