ટી-20 લીગ: દિનેશ કાર્તિકની ફિફ્ટી, પંજાબને જીતવા માટે 165 રનનો લક્ષ્યાંક

શુભમન ગીલે આજે તેની છઠ્ઠી ફીફટી ફટકારી હતી. શુભમન ગીલ હાલમાં જોરદાર ફોર્મમાં ચાલી રહ્યો છે. શુભમન ગીલે 47 બોલમાં 57 રનની શાનદાર રમત રમીને રન આઉટ થયો હતો. ઇયાન મોર્ગને 23 બોલમાં 24 રન કર્યા હતા અને રવિ બિશ્નોઈનો શિકાર થયો હતો. કલકત્તાએ તેમની શરુઆત જ નબળી કરી હતી. તેના ઓપનર રાહુલ ત્રિપાઠીએ 10 બોલ રમીને માત્ર ચાર રન કરી શામીના બોલ પર ક્લીન બોલ્ડ થયો હતો. નિતીશ રાણા પણ બે જ રન કરીને રન આઉટનો શિકાર થયો હતો. આ ઝડપથી જ બે ખેલાડીઓની વિકેટ કલકત્તાએ ગુમાવી હતી. જોકે બાદમાં શુભમન ગીલ અને ઇયાન મોર્ગને બાજીને સંભાળવા પ્રયાસ કર્યો હતો. જોકે તે બંને આઉટ થતા દિનેશ કાર્તિકે આજે કેપ્ટનશીપ નો ભાર સ્વિકારતી રમત દાખવી હતી અને મધ્યમક્રમની રમત સંભાળી લીધી હતી. દિનેશ કાર્તિકે અડધી સદી ફટકારી હતી. 58 રન કરીને મેચના અંતિમ બોલે કાર્તિક રન આઉટ થયો હતો. જોકે આંદ્રે રસેલ ફરી એકવાર ઓછા સ્કોર પર પોતાની વિકેટ ગુમાવી બેઠો હતો અને તે અર્શદિપ સિંઘના બોલ પર આઉટ થયો હતો.

મોહમંદ શામીએ તેની 50મી વિકેચ ઝડપવા સાથે ઇનીંગ્સની પ્રથમ વિકેટની સફળતા અપાવી હતી. તેણે ત્રિપાઠીને ક્લીન બોલ્ડ કર્યો હતો. ચાર ઓવરમાં શામીએ 30 રન આપીને એક વિકેટ ઝડપી હતી. રવિ બિશ્નોઇએ પણ ઇયોન મોર્ગન જેવા ખેલાડીને પોતાની ફીરકીમાં ભેરવી આઉટ કર્યો હતો. તેણે ચાર ઓવરમાં 25 રન આપીને એક વિકેટ ઝડપી હતી. અર્શદિપ સિંઘે રસાલની વિકેટ ઝડપી હતી, તેણે  ચાર ઓવરમાં 25 રન આપ્યા હતા. મુજીબ ઉર રહેમાન આજે ખર્ચાળ સાબીત થયો હતો અને ચાર ઓવરમાં 44 રન આપ્યા હતા.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો