News9 Global Summit, Germany : ભારતને ફૂટબોલ રાષ્ટ્ર તરીકે વિકસાવવા જર્મની સાથે ભારતની નવી પહેલ
વડાપ્રધાન નરેન્દ્ર મોદી 21 થી 23 નવેમ્બર દરમિયાન જર્મનીના સ્ટુટગાર્ટમાં યોજાનારી TV9 નેટવર્કની ન્યૂઝ9 ગ્લોબલ સમિટમાં ‘ઈન્ડિયા : ઈનસાઈડ ધ ગ્લોબલ બ્રાઈટ સ્પોટ’ (India: Inside the Global Bright Spot) પર સંબોધન કરશે.
TV9 નેટવર્કની ન્યૂઝ9 ગ્લોબલ સમિટ દ્વારા ભારત અને જર્મનીના રાજદ્વારી અને આર્થિક સંબંધો વધુ મજબૂત થશે, તેની 2024 આવૃત્તિ સ્ટટગાર્ટના MHP એરેનામાં 21 થી 23 નવેમ્બર દરમિયાન યોજાશે જેમાં વડા પ્રધાન નરેન્દ્ર મોદી ‘ઈન્ડિયા : ઈનસાઈડ ધ ગ્લોબલ બ્રાઈટ સ્પોટ’ (India: Inside the Global Bright Spot) પર સંબોધન કરશે.
ભારતની પ્રગતિને ઉજાગર કરવાની ઉત્તમ તક
સમિટની આ આવૃત્તિ વૈશ્વિક, ખાસ કરીને અને યુરોપીયન પ્રેક્ષકો સમક્ષ વિશ્વ ક્રમમાં ભારતની પ્રગતિને ઉજાગર કરવાની ઉત્તમ તક હશે. કોર્પોરેટ જગતના ટોચના નામો અને ભારત અને જર્મની બંનેના નીતિવિષયક નેતાઓ સમિટમાં ભેગા થશે અને ‘ભારત અને જર્મનીઃ એ રોડમેપ ફોર સસ્ટેનેબલ ગ્રોથ’ થીમ પર ચર્ચા કરશે.
કેન્દ્રીય મંત્રી ભારત સરકારનું પ્રતિનિધિત્વ કરશે
જર્મન ચાન્સેલર ઓલાફ સ્કોલ્ઝની ભારતની સફળ યાત્રા પછી ટૂંક સમયમાં જ સમિટ યોજાશે, જ્યાં તેમણે એક બિઝનેસ ડેલિગેશનનું નેતૃત્વ કર્યું, અને ભારતને રોકાણ માટે સંભવિત બેસ્ટ સ્થળ તરીકે ઓળખાવ્યું હતું. ન્યૂઝ9 સમિટ બિઝનેસ, અર્થતંત્ર, ટેક્નોલોજી, રમતગમત, સંસ્કૃતિ અને અન્ય ઘણા બધા મુદ્દાઓ પર ચર્ચા કરશે. કેન્દ્રીય મંત્રી અશ્વિની વૈષ્ણવ અને જ્યોતિરાદિત્ય એમ સિંધિયા ભારત સરકારનું પ્રતિનિધિત્વ કરશે જ્યારે જર્મની તરફથી બેડન-વર્ટેમબર્ગના પ્રમુખ વિનફ્રેડ ક્રેટશમેન કાર્યક્રમમાં હાજરી આપશે.
Join us for an insightful session on ‘Artificial Intelligence: Advantage India?’ featuring Tech Mahindra’s Harshul Asnani, Micron India’s Anand Ramamoorthy, MHP’s Stephen Baier, and Institute of Anthropomatic’s Dr. Jan Niehues at the #News9GlobalSummit.
Watch the session LIVE… pic.twitter.com/bNGEVTvgGP
— News9 (@News9Tweets) November 18, 2024
ભારતને ફૂટબોલ રાષ્ટ્ર તરીકે વિકસાવવા પ્રયાસ
ચાર વખતની વર્લ્ડ ચેમ્પિયન જર્મનીએ ભારતને ફૂટબોલ રાષ્ટ્ર તરીકે વિકસાવવા માટે ઊંડો રસ લીધો છે. આગામી વર્ષોમાં તેઓએ જર્મનીમાં પ્રતિભાશાળી યુવાનોને સ્ટાર તરીકે વિકસાવવા અને તેમને પ્રોત્સાહન આપવા માટે પહેલ કરી છે. બુન્ડેસલીગાના ચીફ માર્કેટિંગ ઓફિસર પીર નૌબર્ટ, જેમણે ગયા વર્ષે મે મહિનામાં ન્યૂઝ9 પ્લસ કોર્પોરેટ કપની વિજેતા ટીમની જર્મની પ્રવાસમાં સક્રિય ભૂમિકા ભજવી હતી, તેઓ ‘ઈન્ડિયા એઝ એ ફૂટબોલિંગ નેશનઃ એ જર્મન ટેમ્પલેટ’ (‘India As A Footballing Nation: A German Template’) વિષય પર પેનલ ચર્ચામાં મુખ્ય વક્તાઓમાંના એક છે.
દિગ્ગજો હાજર રહેશે
તેમની સાથે ગેસ્ટ સ્પીકર તરીકે જર્મન ફૂટબોલ એસોસિએશન (DFB)ના મીડિયા રાઈટ્સના ડાયરેક્ટર કે ડેમહોલ્ઝ, બુન્ડેસલીગા સાઈડ VFB સ્ટુટગાર્ટના ચીફ માર્કેટિંગ અને સેલ્સ ઓફિસર રૂવેન કેસ્પર, દિલ્હી સોકર એસોસિએશનના પ્રમુખ અને ભારતીય ફૂટબોલ ક્લબ સુદેવા દિલ્હી એફસીના સહ-સ્થાપક અને પ્રમુખ અનુજ ગુપ્તા તથા ભારતીય ટેનિસ આઈકોન સાનિયા મિર્ઝા હાજર રહેશે. PM નરેન્દ્ર મોદીનું સંબોધન 22 નવેમ્બર, 2024 ના રોજ રાત્રે 9 વાગ્યે (IST) તમામ TV9 નેટવર્ક બ્રોડકાસ્ટ અને ડિજિટલ પ્લેટફોર્મ પર લાઈવ બતાવવામાં આવશે.
Published On - 9:09 pm, Tue, 19 November 24