IND vs SL: ભારતીય ટીમે શ્રીલંકા સામેની ત્રીજી અને છેલ્લી ODI 39 રને જીતી લીધી હતી. આ સાથે જ હરમનપ્રીત કૌર (harmanpreet kaur)ની કપ્તાનીવાળી ટીમ ઈન્ડિયાએ આ સિરીઝ 3-0થી જીતી લીધી છે. ટીમ ઈન્ડિયાએ હરમનપ્રીત કૌર અને પૂજા વસ્ત્રાકર (pooja vastrakar)ની અડધી સદીના આધારે પ્રથમ બેટિંગ કરતા 255 રન બનાવ્યા હતા. જોકે શ્રીલંકાની ટીમ માત્ર 47.3 ઓવરમાં 216 રન બનાવીને ઓલઆઉટ થઈ ગઈ હતી. હરમનપ્રીતને તેની શાનદાર ઇનિંગ્સ માટે પ્લેયર ઓફ ધ મેચ અને પ્લેયર ઓફ ધ સિરીઝનો એવોર્ડ આપવામાં આવ્યો હતો. પૂજા અને હરમનપ્રીતે 97 રનની ભાગીદારી નોંધાવી હતી
કેપ્ટન મિતાલી રાજની નિવૃત્તિ બાદ પ્રથમ વખત વનડે સિરીઝ રમી રહેલા ભારતે પ્રથમ બે મેચમાં જીત સાથે ત્રણ મેચની સિરીઝમાં 2-0ની લીડ મેળવી હતી. આ પહેલા ભારતે ટી20 ઈન્ટરનેશનલ સિરીઝ પણ 2-1થી જીતી હતી. આ જ લક્ષ્યાંકનો પીછો કરતા ભારતીય ટીમ બીજી ODIમાં વધુ પડતી આત્મવિશ્વાસથી ભરેલી દેખાતી હતી કારણ કે, ટીમે સોમવારે 10 વિકેટથી એકતરફી જીત નોંધાવી હતી. રમતના તમામ વિભાગોમાં ભારતનો દબદબો હતો. શ્રીલંકાના સમગ્ર પ્રવાસ દરમિયાન હરમનપ્રીત કૌરની આગેવાની હેઠળની ટીમ તરફથી સમાન પ્રદર્શનની અપેક્ષા રાખવામાં આવી હતી.
શ્રીલંકા તરફથી નિલાક્ષી ડી સિલ્વા સૌથી વધુ સ્કોરર રહી હતી જેણે 59 બોલમાં 48 રન બનાવ્યા હતા. તેમના સિવાય કેપ્ટન ચમારી અટાપટ્ટુએ 44, હસિની પરેરાએ 39 અને હર્ષિતા સમરવિક્રમાએ 22 રન બનાવ્યા હતા. ભારતીય ટીમ તરફથી રાજેશ્વરી ગાયકવાડે 10 ઓવરમાં 36 રન આપીને ત્રણ વિકેટ ઝડપી હતી. મેઘના સિંહ અને પૂજા વસ્ત્રાકરને બે-બે જ્યારે કેપ્ટન હરમનપ્રીત કૌર, દીપ્તિ શર્મા અને હરલીન દેઓલને એક-એક સફળતા મળી હતી.
પૂજાએ વર્લ્ડ રેકોર્ડ પોતાના નામે કર્યો
પહેલા ટોસ હાર્યા બાદ બેટિંગ કરવાનું પસંદ કરતી ભારતીય ટીમે એક સમયે 124 રનમાં પોતાની છ વિકેટ ગુમાવી દીધી હતી. જો કે, આ પછી પૂજા વસ્ત્રાકર આઠમા નંબરે આવી હતી અને તેણે અડધી સદીની ઇનિંગ રમીને ટીમને સન્માનજનક સ્કોર સુધી પહોંચાડી હતી. આ ઇનિંગ સાથે પૂજાએ વર્લ્ડ રેકોર્ડ પોતાના નામે કરી લીધો છે. પૂજા આઠ કે તેનાથી નીચેના નંબર પર સૌથી વધુ અર્ધશતક લગાવનારી મહિલા ક્રિકેટર બની ગઈ છે.
હાર્દિક પંડ્યાના કારણે ટીમનું વાતાવરણ બગડી રહ્યું છે, મુંબઈ ઈન્ડિયન્સના કેપ્ટન પર મોટો હુમલો
