શ્રીલંકા પ્રવાસ માટે ટીમ ઈન્ડિયાની જાહેરાત, સૂર્યકુમાર યાદવ બન્યો T20 કેપ્ટન

શ્રીલંકા સામેની ODI અને T20 શ્રેણી માટે ટીમ ઈન્ડિયાની જાહેરાત કરવામાં આવી છે. આગામી વર્ષની ચેમ્પિયન્સ ટ્રોફી પહેલા ટીમ ઈન્ડિયાએ માત્ર બે વનડે શ્રેણી રમવાની છે, જેમાં પ્રથમ શ્રેણી શ્રીલંકા પ્રવાસ પર રમાશે. જેના માટે ટીમની જાહેરાત કરવામાં આવી છે, જેમાં સૂર્યકુમાર યાદવને T20 ટીમનો કેપ્ટન બનાવવામાં આવ્યો છે.

Smit Chauhan | Updated on: Jul 18, 2024 | 8:23 PM

શ્રીલંકા પ્રવાસ માટે ટીમ ઈન્ડિયાની જાહેરાત કરવામાં આવી છે. સૂર્યકુમાર યાદવને T20નો કેપ્ટન બનાવવામાં આવ્યો છે. મોટા સમાચાર એ છે કે હાર્દિક પંડ્યા હવે T20 ટીમનો વાઇસ કેપ્ટન પણ નથી. તેમના સ્થાને શુભમન ગિલને આ જવાબદારી સોંપવામાં આવી છે. શુભમન ગિલને ODI ટીમનો વાઇસ કેપ્ટન પણ બનાવવામાં આવ્યો છે. વનડે સીરીઝની વાત કરીએ તો રોહિત શર્મા કમાન સંભાળશે. વિરાટ કોહલી પણ વનડે શ્રેણીમાં જોવા મળશે. મુખ્ય કોચ ગૌતમ ગંભીરના કોચિંગ હેઠળ ટીમ ઈન્ડિયાની આ પ્રથમ શ્રેણી હશે.

ભારતની T20 ટીમ

સૂર્યકુમાર યાદવ (કેપ્ટન), શુભમન ગિલ (વાઈસ-કેપ્ટન), યશસ્વી જયસ્વાલ, રિંકુ સિંહ, રિયાન પરાગ, રિષભ પંત, સંજુ સેમસન, હાર્દિક પંડ્યા, શિવમ દુબે, અક્ષર પટેલ, વોશિંગ્ટન સુંદર, રવિ બિશ્નોઈ, અર્શદીપ સિંહ, ખલીલ અહેમદ, મોહમ્મદ સિરાજ.

ભારતની ODI ટીમ

રોહિત શર્મા (કેપ્ટન), શુભમન ગિલ (વાઈસ-કેપ્ટન), વિરાટ કોહલી, કેએલ રાહુલ, રિષભ પંત, શ્રેયસ અય્યર, શિવમ દુબે, કુલદીપ યાદવ, મોહમ્મદ સિરાજ, વોશિંગ્ટન સુંદર, અર્શદીપ સિંહ, રિયાન પરાગ, અક્ષર પટેલ, ખલીલ અહેમદ, હર્ષિત રાણા.

Indian team for the Sri Lanka ODI & T20I series announced#INDvsSL #SLvsIND #TeamIndia #BCCI #TV9News #TV9Gujarati pic.twitter.com/0TmMsNJS74

— Tv9 Gujarati (@tv9gujarati) July 18, 2024

ભારત-શ્રીલંકા T20-ODI શ્રેણીનું શેડ્યૂલ

ટીમ ઈન્ડિયાનો શ્રીલંકા પ્રવાસ 27 જુલાઈથી શરૂ થશે, જ્યાં પ્રથમ 3 મેચની T20 શ્રેણી રમાશે. બીજી T20 28મી જુલાઈએ અને ત્રીજી 30મી જુલાઈએ રમાશે. આ પછી, 3 મેચની વનડે શ્રેણી પણ રમાશે, જે 2 ઓગસ્ટથી શરૂ થશે. શ્રેણીની આગામી મેચો 4 અને 7 ઓગસ્ટે રમાશે. સમગ્ર પ્રવાસ માત્ર 2 સ્થળો પર યોજાશે. ટી-20 શ્રેણીની મેચો પલ્લેકલેમાં રમાશે જ્યારે વનડે શ્રેણી કોલંબોમાં રમાશે.