IND vs SA 2nd T20 : સાઉથ આફ્રિકાએ જીત્યો ટોસ, ભારતીય ટીમ કરશે પહેલા બેટિંગ

ભારત અને સાઉથ આફ્રિકા વચ્ચે રમાઈ રહેલી 4 મેચની T20 સીરીઝની બીજી મેચમાં સાઉથ આફ્રિકાએ ટોસ જીતીને પ્રથમ બોલિંગ કરવાનો નિર્ણય લીધો છે એટલે કે ભારતીય ટીમ પહેલા બેટિંગ કરશે. સાઉથ આફ્રિકાના કેપ્ટન એઇડન માર્કરમે આ વખતે પણ પ્રથમ બોલિંગ કરવાનો નિર્ણય લીધો છે. બંને ટીમોની પ્લેઈંગ ઈલેવનની વાત કરીએ તો, ટીમ ઈન્ડિયાએ તેની પ્લેઈંગ-11માં કોઈ ફેરફાર કર્યો નથી.

ટીમ ઈન્ડિયાની પ્લેઈંગ-11

અભિષેક શર્મા, સંજુ સેમસન, સૂર્યકુમાર યાદવ (કેપ્ટન), તિલક વર્મા, હાર્દિક પંડ્યા, રિંકુ સિંહ, અક્ષર પટેલ, રવિ બિશ્નોઈ, વરુણ ચક્રવર્તી, અર્શદીપ સિંહ, અવેશ ખાન.

સાઉથ આફ્રિકા પ્લેઇંગ-11

એઇડન માર્કરમ (કેપ્ટન), રેયાન રિકલ્ટન, રીઝા હેન્ડ્રીક્સ, ટ્રિસ્ટન સ્ટબ્સ, હેનરિક ક્લાસેન (wk), ડેવિડ મિલર, માર્કો જેન્સન, એન્ડિલ સિમેલેન, ગેરાલ્ડ કોએત્ઝી, કેશવ મહારાજ, નાકાબાયોમઝી પીટર.

ભારતીય ટીમ સેન્ટ જ્યોર્જ પાર્ક સ્ટેડિયમમાં સાઉથ આફ્રિકા સામે T20 સીરીઝની બીજી મેચ રમી રહી છે. ભારતીય ટીમ આ સિરીઝમાં હાલમાં 1-0થી આગળ છે. ભારતીય ટીમે પ્રથમ મેચ 61 રને જીતી લીધી હતી, હવે ભારતીય ટીમ આ મેચ જીતીને સિરીઝ પર પકડ મજબૂત કરવા ઉતરશે. જો કે, આ મેદાન પર સાઉથ આફ્રિકાનો દબદબો છે. સાઉથ આફ્રિકાની ટીમ છેલ્લા 12 વર્ષથી આ મેદાન પર એકપણ T20 મેચ હારી નથી.

હેડ ટુ હેડ રેકોર્ડ

બંને વચ્ચે અત્યાર સુધીમાં 28 T-20 મેચ રમાઈ છે. જેમાં ભારતે 16 મેચ જીતી છે અને સાઉથ આફ્રિકાએ 11 મેચ જીતી છે. જ્યારે એક મેચ અનિર્ણિત રહી હતી. આ સિવાય સેન્ટ જ્યોર્જ પાર્કમાં બંને ટીમો વચ્ચે આ બીજી ટક્કર હશે. આ પહેલા તેઓ ગયા વર્ષે ડિસેમ્બરમાં સામસામે આવ્યા હતા, ત્યારે સાઉથ આફ્રિકાએ 5 વિકેટે જીત મેળવી હતી.