T20 World Cup 2024: ઈંગ્લેન્ડે વર્લ્ડ કપ માટે ટીમની જાહેરાત કરી, 13 મહિના બાદ ઘાતક બોલરની વાપસી
ન્યુઝીલેન્ડ, દક્ષિણ આફ્રિકા અને ભારત બાદ હવે ઈંગ્લેન્ડે પણ ટીમની જાહેરાત કરી છે. કોણીની ઈજાના કારણે એક વર્ષ સુધી ક્રિકેટથી દૂર રહેલા જોફ્રા આર્ચરની ઈંગ્લેન્ડની ટીમમાં વાપસી થઈ છે. ટીમની કમાન જોસ બટલરના હાથમાં છે. ઈંગ્લેન્ડની ટીમમાં સામેલ મોટેભાગના બેટ્સમેન હાલ IPLમાં ધમાલ મચાવી રહ્યા છે.
ઈંગ્લેન્ડે T20 વર્લ્ડ કપ માટે ટીમની જાહેરાત કરી દીધી છે. 15 સભ્યોની ટીમની કમાન જોસ બટલરના હાથમાં રહેશે. ઈંગ્લેન્ડની ટીમની ખાસ વાત એ છે કે જોફ્રા આર્ચરની 13 મહિના બાદ વાપસી થઈ છે. જોફ્રા આર્ચર ઈજાના કારણે ક્રિકેટથી દૂર હતો. ટીમમાં તેની પસંદગીનો મતલબ એ છે કે તે હવે આ વર્ષે પ્રથમ વખત મેચ રમતો જોવા મળશે.
જોફ્રા આર્ચર 13 મહિના બાદ ઈંગ્લેન્ડની ટીમમાં પરત ફર્યો
જોફ્રા આર્ચર કોણીની ઈજાને કારણે આંતરરાષ્ટ્રીય ક્રિકેટથી દૂર હતો. તેને આ ઈજામાંથી બહાર આવતાં એક વર્ષનો સમય લાગ્યો હતો. તેની રિકવરી હજુ ચાલુ છે. જોફ્રા આર્ચરે માર્ચ 2023માં ઈંગ્લેન્ડ માટે તેની છેલ્લી મેચ રમી હતી. જોફ્રા આર્ચરની જેમ ક્રિસ જોર્ડન પણ લાંબા સમય બાદ ઈંગ્લેન્ડની ટીમમાં વાપસી કરતો જોવા મળ્યો છે. તેણે તેની છેલ્લી આંતરરાષ્ટ્રીય મેચ સપ્ટેમ્બર 2023માં રમી હતી.
ઈંગ્લેન્ડની બેટિંગ મજબૂત
ઈંગ્લેન્ડની બેટિંગની વાત કરીએ તો તેના તમામ બેટ્સમેન શાનદાર ફોર્મમાં છે. અને ટીમમાં પસંદ કરાયેલા તમામ બેટ્સમેનો IPL 2024માં રન અને સદી ફટકારી રહ્યા છે. ઈંગ્લેન્ડે જોસ બટલર, વિલ જેક્સ, ફિલ સોલ્ટ, જોની બેરસ્ટોને બેટ્સમેન તરીકે સ્થાન આપ્યું છે. તે બધા ટોપ ઓર્ડરમાં હશે. આ સિવાય હેરી બ્રુક, લિયામ લિવિંગસ્ટન, મોઈન અલી અને સેમ કરન જેવા મજબૂત ખેલાડીઓ છે જે ટીમને નીચલા ક્રમમાં બેટિંગમાં તાકાત આપે છે.
Our ICC Men’s T20 World Cup squad looking
Who are you most looking forward to seeing? #EnglandCricket | @T20WorldCup pic.twitter.com/48Q6pO2CzE
— England Cricket (@englandcricket) April 30, 2024
આર્ચર-જોર્ડનની વાપસી સાથે પેસ એટેકમાં સુધારો
મોઈન અલી અને સેમ કરન ઓલરાઉન્ડરની ભૂમિકામાં હશે. આ સાથે જ જોફ્રા આર્ચર અને ક્રિસ જોર્ડનના આવવાથી ટીમની ફાસ્ટ બોલિંગની તાકાત વધી છે. આદિલ રાશિદ અને ટોમ હાર્ટલી ઈંગ્લેન્ડના સ્પિન એટેકનું નેતૃત્વ કરશે.
T20 વર્લ્ડ કપ 2024 માટે ઈંગ્લેન્ડની ટીમ:
જોસ બટલર (કેપ્ટન), મોઈન અલી, જોફ્રા આર્ચર, જોની બેરસ્ટો, હેરી બ્રૂક, સેમ કુરાન, બેન ડકેટ, ટોમ હાર્ટલી, વિલ જેક્સ, ક્રિસ જોર્ડન, લિયામ લિવિંગ્સ્ટન, આદિલ રશીદ, ફિલ સોલ્ટ, રીસ ટોપલી, માર્ક વુડ.
આ પણ વાંચો : IPL 2024: KKRના ખેલાડી પર BCCI દ્વારા મોટી કાર્યવાહી, એક મેચ માટે સસ્પેન્ડ, એક પૈસો પણ નહીં મળે