સૂર્યકુમાર યાદવને લાગ્યો મોટો આંચકો, હવે ટીમ ઈન્ડિયામાં વાપસી મુશ્કેલ
દુલીપ ટ્રોફી 2024 5 સપ્ટેમ્બરથી શરૂ થવા જઈ રહી છે. આ પહેલા એક મોટા સમાચાર સામે આવ્યા છે. ઈજાના કારણે સૂર્યકુમાર યાદવ દુલીપ ટ્રોફીના પ્રારંભિક રાઉન્ડમાંથી બહાર થઈ ગયો છે. ગયા અઠવાડિયે જ તેને હાથની ઈજા થઈ હતી.
ભારતીય ક્રિકેટની 2024-25ની ડોમેસ્ટિક સિઝન 5મી સપ્ટેમ્બરે દુલીપ ટ્રોફી સાથે શરૂ થવા જઈ રહી છે. ટીમ ઈન્ડિયાના ઘણા સ્ટાર ખેલાડીઓ દુલીપ ટ્રોફીના પહેલા રાઉન્ડમાં રમતા જોવા મળશે. આમાંથી કેટલાક ખેલાડીઓની નજર ભારતીય ટેસ્ટ ટીમમાં પુનરાગમન પર છે. આમાં સ્ટાર બેટ્સમેન સૂર્યકુમાર યાદવનું નામ પણ સામેલ છે. પરંતુ દુલીપ ટ્રોફી પહેલા સૂર્યકુમાર યાદવના નસીબે તેને દગો દીધો છે. હાલમાં ટેસ્ટ ટીમમાં તેના પુનરાગમનની તમામ આશાઓ પર પાણી ફરી વળ્યું છે.
સૂર્યકુમાર યાદવને મોટો આંચકો
સૂર્યકુમાર યાદવ ઈજાના કારણે દુલીપ ટ્રોફીના પ્રારંભિક રાઉન્ડમાંથી બહાર થઈ ગયો છે. ગયા અઠવાડિયે કોઈમ્બતુરમાં બુચી બાબુ ટૂર્નામેન્ટમાં મુંબઈ માટે પ્રી-સિઝન મેચ દરમિયાન તેને હાથમાં ઈજા થઈ હતી. તે હજુ સુધી આ ઈજામાંથી બહાર આવી શક્યો નથી. આવી સ્થિતિમાં, સૂર્યકુમારને આરામ કરવાની સલાહ આપવામાં આવી છે અને તે હાલમાં નિયમિત તપાસ માટે બેંગલુરુમાં નેશનલ ક્રિકેટ એકેડમી (NCA)માં છે.
બુચી બાબુ ટૂર્નામેન્ટમાં હાથમાં ઈજા થઈ
બુચી બાબુ ટૂર્નામેન્ટમાં મુંબઈ અને TNCA XI ટીમો વચ્ચે રમાયેલી મેચ દરમિયાન ત્રીજા દિવસે ફિલ્ડિંગ કરતી વખતે સૂર્યકુમારને હાથમાં ઈજા થઈ હતી. આ પછી તેણે મેચની બીજી ઇનિંગમાં પણ બેટિંગ કરી ન હતી. તમને જણાવી દઈએ કે, સૂર્યકુમારે હાલમાં જ ભારતીય ટેસ્ટ ટીમમાં વાપસી કરવાની ઈચ્છા વ્યક્ત કરી હતી. આવી સ્થિતિમાં તેની નજર દુલીપ ટ્રોફીમાં શાનદાર પ્રદર્શન પર હતી. આ કારણોસર, પોતાને તૈયાર કરવા માટે, તેણે પોતાને પ્રી-સીઝન બુચી બાબુ ટુર્નામેન્ટ માટે ઉપલબ્ધ કરાવ્યું. પરંતુ આ ઈજાએ તેની પુનરાગમનની આશાઓને હાલ પુરતી બરબાદ કરી દીધી છે.
Suryakumar Yadav ruled out of the first round of the Duleep Trophy due to Hand injury. (ESPNcricinfo). pic.twitter.com/jOY7soOPVF
— Tanuj Singh (@ImTanujSingh) September 2, 2024
ટીમ ઈન્ડિયા માટે માત્ર 1 ટેસ્ટ રમી છે
સૂર્યકુમાર યાદવને હાલમાં જ T20નો કેપ્ટન બનાવવામાં આવ્યો છે, કારણ કે આ ફોર્મેટમાં તેનું પ્રદર્શન ઘણું સારું રહ્યું છે. પરંતુ અત્યાર સુધી તેને ટેસ્ટમાં માત્ર 1 મેચ રમવાની તક મળી છે. તેણે ગયા વર્ષે ઓસ્ટ્રેલિયા સામે આ મેચ રમી હતી. આ મેચમાં તે માત્ર 8 રન જ બનાવી શક્યો હતો. આ પછી તેને એક પણ ટેસ્ટ મેચ રમવાની તક મળી નથી.
આ પણ વાંચો: 6 ફૂટ 3 ઈંચના 21 વર્ષીય બોલરે પાકિસ્તાનમાં મચાવ્યો આતંક, પાકિસ્તાનના બેટ્સમેનો ઘૂંટણિયે
