રાંચીમાં જોવા મળી ‘MahiRat’ દોસ્તી, કોહલી માટે ડ્રાઇવર બન્યો ધોની – જુઓ વીડિયો
સામાન્ય રીતે ટીમ ઇન્ડિયાના બે ભૂતપૂર્વ કેપ્ટન અને ખૂબ જ નજીકના મિત્રો મહેન્દ્રસિંહ ધોની અને વિરાટ કોહલીને એકસાથે જોવા માટે ચાહકોને આઈપીએલમાં આરસીબી અને સીએસકેની મેચ સુધી રાહ જોવી પડતી હોય છે. પરંતુ આ વખતે, ક્રિકેટ ચાહકોને આઈપીએલ પહેલા વિરાટ કોહલી અને એમએસ ધોનીને એકસાથે જોવાની તક મળતા રાજી રાજી થઈ ગયા હતા.
ભારતીય ક્રિકેટ ટીમના ચાહકો, દક્ષિણ આફ્રિકા સામે ટેસ્ટ શ્રેણીની હારમાંથી બહાર નીકળવામાં મુશ્કેલી અનુભવી રહ્યા છે. ઘરઆંગણે ટેસ્ટ શ્રેણીમાં ક્લીન સ્વીપથી દુખી થઈ ઉઠયા છે. પરંતુ આવા સમયે, ક્રિકેટ ચાહકોએ એક એવો વીડિયો અને ફોટો જોયો છે જેણે તેમને દક્ષિણ આફ્રિકા સામેની હારનો ગમ ભૂલાવીને ખુશ કરી દીધા છે. આ ખુશીનું કારણ વિરાટ કોહલી અને એમએસ ધોની છે. રાંચીમાં વનડે મેચ પહેલા, ધોનીએ કોહલીને તેના ઘરે ડિનર માટે આમંત્રણ આપ્યું, અને પછી ધોનીએ ખુદ વિરાટને મુકવા જતા કાર ચલાવી હતી.
વનડે મેચ પહેલા ધોનીના ઘરે કોહલીનું ડિનર
ગઈકાલ 27 નવેમ્બરની સાંજે, સોશિયલ મીડિયા પર અચાનક ‘MahiRat’ (માહી + વિરાટ) ની લહેર ફેલાઈ ગઈ. ધોની અને વિરાટને એકસાથે જોવા માટે ચાહકોને ઘણીવાર IPLની મેચ સુધી રાહ જોવી પડે છે, પરંતુ આ વખતે, નવી IPL સીઝન શરૂ થાય તે પહેલાં જ, ચાહકોને બે દિગ્ગજ કેપ્ટન અને ભારતીય ક્રિકેટના નજીકના મિત્રોને એકસાથે જોવાની તક મળી. ધોનીએ દક્ષિણ આફ્રિકા સામે ODI રમવા માટે રાંચીમાં રહેલા વિરાટને તેના ફાર્મહાઉસ પર આમંત્રણ આપ્યું હતું અને આ પ્રસંગે તેની ખાસ SUV, રેન્જ રોવર પણ મોકલી હતી.
MahiRat Reunion ❤️ pic.twitter.com/ewj9z0pJdp
— (@mithravibes) November 27, 2025
કોહલીને છોડવા જાતે જ ગયો ધોની
વિરાટ કોહલી ધોનીના ઘરે પહોંચતાની સાથે જ ચાહકો અને મીડિયાની ભીડ એકઠી થઈ ગઈ, અને બધાએ વીડિયો બનાવવાનું શરૂ કર્યું, જે પછી સોશિયલ મીડિયા પર વાયરલ થયા. પરંતુ સૌથી ખાસ દ્રશ્ય થોડા સમય પછી બન્યું, જ્યારે કોહલી હોટેલ પરત ફરી રહ્યો હતો. આ ખાસ હતું કારણ કે, ધોની વિરાટને છોડવા ગયો હતો. આ વખતે, ધોની પોતે તેની રેન્જ રોવર ચલાવી રહ્યો હતો, અને કોહલી તેની સાથે આગળની સીટ પર બેઠો હતો.
After all it’s MahiRat Bonding. Grown up watching it and respected always. No Insecurity btw them.pic.twitter.com/tVoBqeY7is
— Fearless (@ViratTheLegend) November 27, 2025
ત્યારબાદ, આ ઘટનાના વીડિયો અને ફોટા સોશિયલ મીડિયા પર વાયરલ થયા, અને દરેકને જૂના દિવસો યાદ આવવા લાગ્યા જ્યારે તેઓ ટીમ ઈન્ડિયા માટે સાથે રમતા હતા, ‘MahiRat’ ની મિત્રતાનો ઉલ્લેખ કરતા. આ ખાસ ડિનર માટે ટીમ ઈન્ડિયાનો સ્ટાર વિકેટકીપર રિષભ પંત પણ ધોનીના ઘરે પહોંચ્યો હતો અને તેને જોવા માટે પણ ચાહકોની ભારે ભીડ એકઠી થઈ ગઈ હતી.
આ પણ વાંચોઃ WPL Auction: 276 ખેલાડીઓમાંથી ફક્ત 67 ખેલાડીઓનું નસીબ ચમક્યું, જાણો કોણ કઈ ટીમમાં થયું સામેલ
