Ravindra Jadeja: રવિન્દ્ર જાડેજા છોડી રહ્યો છે ચેન્નાઈ સુપર કિંગ્સ ? CSKના વીડિયો બાદ મચી ગયો હંગામો, જાણો કેમ
રવિન્દ્ર જાડેજા ના કોઈ મેચ રમી રહ્યો છે, ના કોઈ સ્પેશિયલ દિવસ છે. તો પછી CSK એ અચાનક જાડેજાનો વીડિયો કેમ પોસ્ટ કર્યો? જે બાદ ફેન્સના મનમાં અનેક સવાલો ઉભા થયા છે, જેમાં સૌથી મોટો સવાલ એ છે કે શું જાડેજા ચેન્નાઈ છોડી રહ્યો છે?
IPL 2026 સિઝન અને ઓક્શન શરૂ થવામાં હજુ ઘણો સમય બાકી છે. આ બધા વચ્ચે IPL ફ્રેન્ચાઈઝી સોશિયલ મીડિયા પર સતત સક્રિય છે. ક્યારેક ટેસ્ટ, ODI, કે T20 શ્રેણીમાં ટીમ ઈન્ડિયાના પ્રદર્શનની ચર્ચા કરે છે, તો ક્યારેક ICC મહિલા વર્લ્ડ કપમાં ભારતીય ટીમની જીતની સફળતાની ઉજવણી કરે છે. આ બધા વચ્ચે, પાંચ વખતની ચેમ્પિયન ચેન્નાઈ સુપર કિંગ્સે તેમના સ્ટાર ભારતીય ઓલરાઉન્ડર રવિન્દ્ર જાડેજાનો વીડિયો પોસ્ટ કરીને સોશિયલ મીડિયા પર હંગામો મચાવ્યો છે. પરંતુ તેનું કારણ શું છે? જાડેજાનો વીડિયો કેમ હંગામાનું કારણ બન્યો છે?
CSKએ જાડેજાનો વીડિયો પોસ્ટ કર્યો
ચેન્નાઈ સુપર કિંગ્સે શુક્રવાર, 7 નવેમ્બરના રોજ તેમના ઈન્સ્ટાગ્રામ અને X એકાઉન્ટ્સ પર રવિન્દ્ર જાડેજાનો એક વીડિયો પોસ્ટ કર્યો. જાડેજાએ ન તો ટીમ ઈન્ડિયાની જર્સી પહેરી છે કે ન તો ચેન્નાઈની. તે નોર્મલ શર્ટ અને જીન્સમાં બેટ પકડીને જોવા મળે છે. જાડેજા તલવારની જેમ બેટ ફેરવી રહ્યો છે, જેમ તે મેચ દરમિયાન અડધી સદી કે સદી ફટકાર્યા પછી ઉજવણી કરતી વખતે કરે છે. બેકગ્રાઉન્ડમાં એક ફિલ્મનો ઓડિયો વાગી રહ્યો છે.
Very good Thalapathy….. Super. Super. Super ⚔️#WhistlePodu pic.twitter.com/7fcUJA4lI1
— Chennai Super Kings (@ChennaiIPL) November 7, 2025
ફેન્સમાં વધ્યો ઉત્સાહ
CSKએ આ વીડિયો પોસ્ટ કરતાની સાથે જ ચાહકો ઉત્સાહિત થઈ ગયા અને કોમેન્ટ સેક્શન જવાબોથી ભરાઈ ગયું. પરંતુ પ્રશ્ન એ છે કે, આ વીડિયોમાં એવું શું છે જેના કારણે ફોલોઅર્સ તરફથી આટલી તીવ્ર પ્રતિક્રિયા આવી? આ IPL હરાજી પહેલા ટ્રેડને લગતી અટકળો અને અફવાઓને કારણે છે. હકીકતમાં, શુક્રવારે, એક અહેવાલમાં દાવો કરવામાં આવ્યો હતો કે રાજસ્થાન રોયલ્સ અને ચેન્નાઈ સુપર કિંગ્સ વચ્ચે સંજુ સેમસન અંગે ચર્ચા ફરી શરૂ થઈ છે. અહેવાલમાં એવો પણ દાવો કરવામાં આવ્યો હતો કે ચેન્નાઈ સેમસન માટે તેના ટોચના ખેલાડીઓમાંથી એકનો ટ્રેડ કરવા તૈયાર છે.
CSK જાડેજાને ટ્રેડ કરશે?
આ રિપોર્ટમાં કોઈ નામનો ઉલ્લેખ કરવામાં આવ્યો નથી, પરંતુ અન્ય મીડિયા રિપોર્ટ્સ રવિન્દ્ર જાડેજાને સંભવિત ખેલાડી તરીકે ઈશારો કરી રહ્યા છે. આ રિપોર્ટ્સ સામે આવ્યાના થોડા સમય પછી, CSK એ જાડેજાનો આ વીડિયો પોસ્ટ કરીને બધાને આશ્ચર્યચકિત કરી દીધા. પોસ્ટમાં કોઈ ટ્રેડનો ઉલ્લેખ નથી, પરંતુ સોશિયલ મીડિયા યુઝર્સ તેને એક સંકેત તરીકે અર્થઘટન કરી રહ્યા છે કે CSK તેના સ્ટાર ઓલરાઉન્ડર અને ભૂતપૂર્વ કેપ્ટનને ટ્રેડ કરવા માટે તૈયાર નથી અને તે ફ્રેન્ચાઈઝી સાથે જ રહેશે.
સેમસન-જાડેજાના ટ્રેડને લઈ ચર્ચા
આ પહેલીવાર નથી જ્યારે સેમસન અને જાડેજા વચ્ચેના ટ્રેડ અંગે અટકળો સામે આવી હોય. થોડા મહિના પહેલા પણ આવી જ ચર્ચાઓ થઈ હતી, પરંતુ પરિસ્થિતિ વધુ આગળ વધી ન હતી. તે સમયે, અહેવાલો સૂચવતા હતા કે CSK સેમસનને હસ્તગત કરવા તૈયાર હતું પરંતુ રાજસ્થાનની જાડેજાના ટ્રેડની માંગને નકારી કાઢી હતી. હવે, આ અહેવાલો ફરીથી સામે પર આવ્યા છે. જોકે, IPL રીટેન્શન વિન્ડો ક્લોઝિંગ અને ઓકશન વચ્ચે કંઈપણ બદલાઈ શકે છે. તેથી, આગામી દિવસોમાં આ ટ્રેડ અંગે ઉત્સુકતા વધુ રહેશે.
આ પણ વાંચો: સંજુ સેમસન દિલ્હી કેપિટલ્સ નહીં, પરંતુ CSKમાં જોડાશે ? IPL ઓક્શન પહેલા ચાર ટીમો સાથે ચાલી રહી છે ચર્ચા
