Breaking News: ક્યારેય ન ગમે તેવો રેકોર્ડ…! પાર્થિવ પટેલનો વર્ષો જૂનો કીર્તિમાન તોડી રહાણે બન્યો ‘નંબર-1’
IPLના ઇતિહાસમાં અજિંક્ય રહાણેના નામે એક એવો આંકડો નોંધાયો છે કે, જે સાંભળીને કોઈપણ ખેલાડી ચોંકી જાય. રાજસ્થાન સામેની મેચમાં આઉટ થતાની સાથે જ રહાણેએ પાર્થિવ પટેલ અને ગૌતમ ગંભીર જેવા દિગ્ગજોને પાછળ છોડી દીધા છે.
કોલકાતા નાઈટ રાઈડર્સના વર્તમાન કેપ્ટન અજિંક્ય રહાણેના નામે આઈપીએલનો એક શરમજનક રેકોર્ડ નોંધાઈ ગયો છે. તે દેશની પ્રતિષ્ઠિત લીગમાં ઓપનર તરીકે સૌથી વધુ વખત શૂન્ય પર આઉટ થનાર પ્રથમ ખેલાડી બની ગયો છે. 37 વર્ષીય રહાણે પહેલા આ અનિચ્છનીય શરમજનક રેકોર્ડ ભારતના જ પૂર્વ વિકેટકીપર બેટ્સમેન પાર્થિવ પટેલના નામે નોંધાયેલો હતો, જે આઈપીએલમાં ઇનિંગની શરૂઆત કરતા 11 વખત શૂન્ય રને પેવેલિયન પરત ફર્યો હતો.
ત્રીજા સ્થાને બે ખેલાડીઓના નામ આવે છે. આ બંને ખેલાડી શિખર ધવન અને ગૌતમ ગંભીર છે. ધવન અને ગંભીર ઇનિંગની શરૂઆત કરતા અનુક્રમે 10-10 વખત શૂન્ય પર આઉટ થયા છે. ત્યારબાદ ચોથો ખેલાડી ડેવિડ વોર્નર છે. વોર્નર આઈપીએલમાં ઓપનર તરીકે નવ વખત શૂન્ય પર પેવેલિયન પરત ફર્યો છે.
આઈપીએલમાં ઓપનર તરીકે સૌથી વધુ વખત શૂન્ય પર આઉટ થનાર ખેલાડીઓ:
- 12 વખત – અજિંક્ય રહાણે
- 11 વખત – પાર્થિવ પટેલ
- 10 વખત – શિખર ધવન
- 10 વખત – ગૌતમ ગંભીર
- 09 વખત – ડેવિડ વોર્નર
બર્ગરનો શિકાર બન્યો ‘રહાણે’
રાજસ્થાન રોયલ્સ સામેના મુકાબલામાં રહાણેને નાન્દ્રે બર્ગરે પેવેલિયનનો રસ્તો બતાવ્યો હતો. આઉટ થતા પહેલા રહાણેએ ઇનિંગની શરૂઆત કરતા કુલ બે બોલનો સામનો કર્યો હતો. તેનો શાનદાર કેચ વિકેટની પાછળ ધ્રુવ જુરેલે પકડ્યો હતો.
રહાણેની IPL કારકિર્દી
રહાણેએ આઈપીએલમાં કુલ 205 મેચ રમી છે. આ દરમિયાન તેના બેટથી 190 ઇનિંગ્સમાં 30.32ની સરેરાશથી 5184 રન નીકળ્યા છે. રહાણેના નામે 2 સદી અને 34 અડધી સદી નોંધાયેલી છે. 105 રનની રમાયેલી સદીની ઇનિંગ તેની એક મેચમાં રમાયેલી સર્વોચ્ચ ઇનિંગ છે.
Breaking News: ચેન્નાઈના હારવા પાછળ ‘કાળો જાદુ’ જવાબદાર? SRH સામેની મેચ બાદ વાયરલ થયેલા લેટર પાછળનું ‘રહસ્ય’ શું?
