IPL 2022 RR vs MI Live Streaming: રાજસ્થાન અને મુંબઈની ટક્કર ,જાણો તમે ક્યારે, ક્યાં અને કેવી રીતે જોઈ શકો છો
Rajasthan Royals vs Mumbai Indians Live Streaming: આ સિઝનમાં આ બંને ટીમો વચ્ચે એક મેચ રમાઈ ચૂકી છે જેમાં રાજસ્થાનની ટીમે જીત મેળવી હતી.
IPL-2022 (IPL 2022)ની અત્યાર સુધીની સફર મુંબઈ ઈન્ડિયન્સ (Mumbai Indians) માટે ખૂબ જ ખરાબ રહી છે. પાંચ વખતની વિજેતા ટીમે હજુ પોતાનું જીતનું ખાતું ખોલ્યું નથી. ટીમે અત્યાર સુધી આઠ મેચ રમી છે અને તમામમાં હારનો સામનો કરવો પડ્યો છે. રોહિત શર્માની આગેવાની હેઠળની ટીમ હવે શનિવારે તેની આગામી મેચમાં ફોર્મમાં ચાલી રહેલી રાજસ્થાન રોયલ્સ (Rajasthan Royals) ટીમ સામે ટકરાશે. આ બંને ટીમો નવી મુંબઈના ડીવાય પાટિલ સ્ટેડિયમમાં સામસામે ટકરાશે. રાજસ્થાન આ સિઝનની શ્રેષ્ઠ ટીમોમાંથી એક છે. તે હાલમાં બીજા સ્થાને છે. આઠ મેચમાંથી છમાં જીત અને બેમાં હાર થઈ છે. આવી સ્થિતિમાં મુંબઈ માટે આગામી મેચ આસાન રહેવાની નથી.
આ મેચ પહેલા મુંબઈએ પોતાને મજબૂત કરવાનો પ્રયાસ કર્યો છે. આ સિઝનમાં મુંબઈની બોલિંગ સારી રહી નથી. આવી સ્થિતિમાં ટીમે પોતાના જૂના પાર્ટનર ધવલ કુલકર્ણીને ટીમમાં સામેલ કર્યો છે. સમાચાર એજન્સીએ સૂત્રોના હવાલાથી પોતાના અહેવાલમાં આ માહિતી આપી છે. હવે જોવાનું એ રહેશે કે ધવલને રાજસ્થાન સામે તક મળે છે કે નહીં.ધવલ આઈપીએલમાં પણ રાજસ્થાન તરફથી રમી ચૂક્યો છે. મુંબઈ આ સિઝનમાં રાજસ્થાન સામે જીત મેળવીને પોતાની જીતનું ખાતું ખોલવાનો પ્રયાસ કરશે. આ સિઝનમાં મુંબઈ અને રાજસ્થાનની આ બીજી મેચ છે. રાજસ્થાને પ્રથમ મેચ જીતી હતી.
જાણો તમે આ મેચો ક્યારે, કેવી રીતે અને ક્યાં જોઈ શકો છો
મુંબઈ ઈન્ડિયન્સ અને રાજસ્થાન રોયલ્સ વચ્ચે IPL-2022 ની મેચ ક્યારે રમાશે
IPL-2022 ની મેચ મુંબઈ ઈન્ડિયન્સ અને રાજસ્થાન રોયલ્સ વચ્ચે શનિવારે 30 એપ્રિલે રમાશે.
મુંબઈ ઈન્ડિયન્સ અને રાજસ્થાન રોયલ્સ વચ્ચેની મેચ ક્યાં રમાશે?
મુંબઈ ઈન્ડિયન્સ અને રાજસ્થાન રોયલ્સ વચ્ચેની આ મેચ નવી મુંબઈના ડીવાય પાટિલ સ્ટેડિયમમાં રમાશે.
મુંબઈ ઈન્ડિયન્સ અને રાજસ્થાન રોયલ્સ વચ્ચેની મેચ ક્યારે શરૂ થશે?
મુંબઈ ઈન્ડિયન્સ અને રાજસ્થાન રોયલ્સ વચ્ચેની મેચનો ટોસ સાંજે 7 વાગ્યે યોજાશે મેચ 07:30 વાગ્યે શરૂ થશે.
તમે મુંબઈ ઈન્ડિયન્સ અને રાજસ્થાન રોયલ્સ વચ્ચેની મેચનું લાઈવ ટેલિકાસ્ટ ક્યાં જોઈ શકો છો?
મુંબઈ ઈન્ડિયન્સ અને રાજસ્થાન રોયલ્સ વચ્ચેની આ મેચ સ્ટાર સ્પોર્ટ્સ નેટવર્કની ચેનલો પર વિવિધ ભાષાઓમાં જોઈ શકાશે.
હું મુંબઈ ઈન્ડિયન્સ અને રાજસ્થાન રોયલ્સ વચ્ચેનું લાઈવ સ્ટ્રીમિંગ ઓનલાઈન ક્યાં જોઈ શકું?
મુંબઈ ઈન્ડિયન્સ અને રાજસ્થાન રોયલ્સ વચ્ચેની મેચનું ઓનલાઈન લાઈવ સ્ટ્રીમિંગ ડિઝની+હોટસ્ટાર પર સબસ્ક્રિપ્શન સાથે જોઈ શકાય છે. આ સિવાય tv9gujarati.com પર પણ મેચની લાઈવ અપડેટ વાંચી શકાશે.
આ પણ વાંચો :