IPL 2022ની ફ્લોપ XIમાં રોહિત શર્માથી લઈને વિરાટ કોહલીના નામ, જુઓ સંપુર્ણ યાદી
IPL 2022: લીગમાં ફ્લોપ XIમાં મુંબઈ ઈન્ડિયન્સ (MI)ના કેપ્ટન રોહિત શર્મા અને રોયલ ચેલેન્જર્સ બેંગ્લોર (RCB) વિરાટ કોહલી સહિત ઘણા મોટા નામો સામેલ છે.
ઈન્ડિયન પ્રીમિયર લીગ (IPL 2022) સીઝનમાં ઘણા નવા ચહેરાઓને તેમની શાનદાર રમતના કારણે ઓળખ મળી. આ યાદીમાં મુંબઈ ઈન્ડિયન્સ (Mumbai Indians)ના તિલક વર્મા, પંજાબ કિંગ્સ (Punjab Kings) ના અર્શદીપ સિંહ અને લખનૌ સુપરજાયન્ટ્સ (Lucknow Super Giants)ના આયુષ બદોની જેવા નામ સામેલ છે. તે જ સમયે મુંબઈ ઈન્ડિયન્સના કેપ્ટન રોહિત શર્મા અને રોયલ ચેલેન્જર્સ બેંગ્લોર (RCB) વિરાટ કોહલી જેવા મોટા બેટ્સમેન માટે આ સીઝન નિરાશાજનક રહી છે. આ સિવાય જો બોલરોની વાત કરીએ તો ચેન્નાઈ સુપર કિંગ્સ (CSK)ના કેપ્ટન રવિન્દ્ર જાડેજા અને મુંબઈ ઈન્ડિયન્સના ફાસ્ટ બોલર જસપ્રિત બુમરાહ જેવા મોટા નામ ખરાબ ફોર્મ સાથે સંઘર્ષ કરી રહ્યા છે.
IPL 2022ની સિઝનમાં ઘણા મોટા નામો અપેક્ષા મુજબ પ્રદર્શન કરવામાં નિષ્ફળ રહ્યા છે. તો ચાલો તે 11 ખેલાડીઓ પર એક નજર કરીએ જેઓ અમારી IPL 2022 ફ્લોપ-11માં સામેલ છે.
રોહિત શર્માઃ મુંબઈ ઈન્ડિયન્સ (MI) ના કેપ્ટન રોહિત શર્મા માટે અત્યાર સુધીની સિઝન ઘણી નિરાશાજનક રહી છે. 34 વર્ષીય રોહિત શર્મા આ સિઝનમાં 8 મેચમાં 19.13 ની એવરેજથી માત્ર 153 રન જ બનાવી શક્યો છે. કેપ્ટન રોહિત શર્માના ખરાબ ફોર્મની અસર તેની ટીમ પર પણ પડી રહી છે. મુંબઈ ઈન્ડિયન્સ (MI) 8 મેચ પછી પણ પોતાની જીતની રાહ જોઈ રહી છે.
ઈશાન કિશનઃ IPL 2022 મેગા ઓક્શનમાં સૌથી મોંઘા વેચનાર ઈશાન કિશને આ સિઝનની સારી શરૂઆત કરી હતી. પરંતુ પોતાનું ફોર્મ જાળવી શક્યો ન હતો. મુંબઈ ઈન્ડિયન્સ (MI)ના વિકેટકીપર બેટ્સમેને અત્યાર સુધીની મેચોમાં માત્ર 199 રન બનાવ્યા છે. કિશનનો આ સિઝનમાં સર્વોચ્ચ સ્કોર 81 રહ્યો છે.
વિરાટ કોહલીઃ IPL 2022ની સિઝનમાં રોયલ ચેલેન્જર્સ બેંગ્લોર (RCB)ના બેટ્સમેન વિરાટ કોહલીનું ફોર્મ ખૂબ જ ખરાબ રહ્યું છે. કોહલીએ અત્યાર સુધી 9 મેચમાં 16ની એવરેજથી 128 રન બનાવ્યા છે. આ ઉપરાંત કોહલી આ સિઝનમાં સતત 2 મેચમાં ગોલ્ડન ડકનો શિકાર બન્યો છે. તમને જણાવી દઈએ કે IPL ઈતિહાસમાં સૌથી વધુ 6,411 રન બનાવવાનો રેકોર્ડ વિરાટ કોહલીના નામે છે.
મોઈન અલીઃ ચેન્નાઈ સુપર કિંગ્સ (CSK)નો ઓલરાઉન્ડર મોઈન અલી આ સિઝનમાં બેટ અને બોલ બંનેમાં ફ્લોપ રહ્યો છે. મોઈન અલી 5 મેચમાં 17.40ની એવરેજથી માત્ર 87 રન જ બનાવી શક્યો છે. તે જ સમયે 8 ઓવરમાં 68 રન આપ્યા પછી તે એક પણ વિકેટ લેવામાં નિષ્ફળ રહ્યો છે.
કેરોન પોલાર્ડઃ મુંબઈ ઈન્ડિયન્સ (MI)ના સ્ટાર ઓલરાઉન્ડર કિરોન પોલાર્ડનું બેટ પણ આઈપીએલ 2022ની સિઝનમાં શાંત થઈ ગયું છે. પોલાર્ડે 8 મેચમાં 127.78ની સ્ટ્રાઈક રેટથી 115 રન બનાવ્યા છે. જ્યારે બોલિંગમાં પણ પોલાર્ડ 3 વિકેટ લેવામાં સફળ રહ્યો છે.
રવિન્દ્ર જાડેજાઃ ચેન્નાઈ સુપર કિંગ્સ (CSK)નો કેપ્ટન રવિન્દ્ર જાડેજા પણ બોલ અને બેટથી લડતો જોવા મળ્યો છે. જાડેજાએ 8 મેચમાં 112 રન બનાવ્યા છે. આ સાથે જ જાડેજા બોલિંગમાં માત્ર 5 વિકેટ જ લેવામાં સફળ રહ્યો છે.
રોવમન પોવેલઃ IPL 2022 સીઝનમાં દિલ્હી કેપિટલ્સ (DC) ટીમ તરફથી રમી રહેલા વેસ્ટ ઈન્ડિઝના ખેલાડી રોવમેન પોવેલ પણ અત્યાર સુધી કંઈ ખાસ કરી શક્યા નથી. રોવમેન પોવેલે હવે 7 મેચમાં 11.17ની એવરેજથી માત્ર 67 રન બનાવ્યા છે.
રોમારિયો શેફર્ડઃ IPL મેગા ઓક્શનમાં સનરાઈઝર્સ હૈદરાબાદ (SRH)ની ટીમે કેરેબિયન ખેલાડી રોમારિયો શેફર્ડને 7.75 કરોડમાં ખરીદ્યો. પરંતુ સનરાઈઝર્સ હૈદરાબાદ (SRH) ટીમે તેને માત્ર 2 મેચમાં રમવાની તક આપી છે. રોમારિયો શેફર્ડે આ 2 મેચમાં 32 રન બનાવ્યા છે. જ્યારે બોલિંગમાં 8 ઓવર નાંખવાની તક મળી છે. આ 8 ઓવરમાં રોમારિયો શેફર્ડે 75 રન આપીને 2 વિકેટ લીધી છે.
પેટ કમિન્સઃ આ યાદીમાં કાંગારૂ ફાસ્ટ બોલર પેટ કમિન્સનું નામ પણ સામેલ છે. કમિન્સે ભલે 1 મેચમાં 14 બોલમાં ફિફ્ટી ફટકારી હતી. પરંતુ તેણે બાકીની મેચોમાં બોલ અને બેટથી નિરાશ કર્યા છે. કમિન્સે આ સિઝનમાં 15.5 ઓવર ફેંકી છે. પરંતુ તેની 15.5 ઓવરમાં 12ની ઈકોનોમીમાં 190 રન બન્યા હતા.
શાર્દુલ ઠાકુરઃ દિલ્હી કેપિટલ્સ (DC)ની ટીમે મેગા ઓક્શનમાં ફાસ્ટ બોલર શાર્દુલ ઠાકુરને 10.25 કરોડમાં ખરીદ્યો હતો. પરંતુ તેની આ સિઝન અપેક્ષા મુજબ રહી નથી. શાર્દુલને અત્યાર સુધી 7 મેચમાં માત્ર 4 વિકેટ મળી છે. આ દરમિયાન તેની ઈકોનોમી 9.60ની રહી છે. વરૂણ ચક્રવર્તીઃ કોલકાતા નાઈટ રાઈડર્સ (KKR) ઓફ સ્પિનર વરુણ ચક્રવર્તી માટે આ સિઝન ખૂબ જ ખરાબ રહી છે. ચક્રવર્તીએ આ સિઝનમાં અત્યાર સુધી 8 મેચમાં માત્ર 4 વિકેટ લીધી છે. જ્યારે તેમની 28 ઓવરમાં 247 રન આપ્યા છે. આ દરમિયાન ચક્રવર્તીનો ઈકોનોમી રેટ 8.82 રહ્યો છે.
આ પણ વાંચો : IPL 2022: રિકી પોન્ટિંગે હોટલમાં કરી તોડફોડ, જાણો કેમ ગુસ્સે ભરાયો ખેલાડી
Latest News Updates
