ભારતના બે ‘દુશ્મન’ દેશ વચ્ચે થશે ટક્કર, IPL 2025 દરમિયાન થશે મુકાબલો
ભારત અને પાકિસ્તાન વચ્ચેના તણાવને કારણે પડોશી દેશો વચ્ચેની શ્રેણી મુલતવી રાખવામાં આવી હતી, પરંતુ હવે તે ફરી શરૂ થવાની આશા વધી ગઈ છે. સરકાર તરફથી પરવાનગી મળ્યા બાદ, બંને પડોશી દેશો 5 મેચની T20 શ્રેણી રમશે.
ઓપરેશન સિંદૂર પછી ભારત અને પાકિસ્તાન વચ્ચે યુદ્ધ જેવી સ્થિતિ સર્જાઈ હતી. જેની સીધી અસર ક્રિકેટ પર પણ પડી હતી. બંને દેશોમાં યોજાઈ રહેલી IPL અને PSLને સ્થગિત કરવી પડી. પરંતુ હવે પરિસ્થિતિમાં સુધારો થયો છે અને 17 મેથી IPL અને PSL ફરી શરૂ થવા જઈ રહ્યા છે. આ દરમિયાન, બીજી શ્રેણી મુશ્કેલીમાં હોય તેવું લાગતું હતું પરંતુ હવે તે શ્રેણી થવાની શક્યતા વધી ગઈ છે. સરકારની પરવાનગી મળ્યા બાદ બાંગ્લાદેશ ક્રિકેટ ટીમ પાકિસ્તાનનો પ્રવાસ કરશે. તમને જણાવી દઈએ કે હાલમાં બંને દેશો સાથે ભારતના સંબંધો સારા નથી ચાલી રહ્યા.
પાકિસ્તાન-બાંગ્લાદેશ વચ્ચે T20 શ્રેણી
બાંગ્લાદેશ ક્રિકેટ ટીમ પાંચ મેચની T20 શ્રેણી રમવા માટે પાકિસ્તાન જશે. સરકારે આ માટે પરવાનગી આપી દીધી છે. બાંગ્લાદેશ ક્રિકેટ બોર્ડ (BCB)એ ગુરુવારે (15 મે) કહ્યું કે તેમને પાકિસ્તાનના પ્રવાસ માટે સરકાર તરફથી લીલી ઝંડી મળી ગઈ છે. ટીમ ત્યાં પાંચ મેચની T20 શ્રેણી રમશે.
કેટલાક ખેલાડીઓ પાકિસ્તાનનો જવા માંગતા નથી !
BCBના એક અધિકારીએ ક્રિકબઝને આ વાતની પુષ્ટિ કરતા કહ્યું, “અમને સરકાર તરફથી પરવાનગી મળી ગઈ છે, જોકે અમને હજુ સુધી સત્તાવાર પત્ર મળ્યો નથી, પરંતુ જ્યાં સુધી મને ખબર છે, સરકારે સૈદ્ધાંતિક રીતે નિર્ણય લીધો છે કે તેઓ અમને પાકિસ્તાનના પ્રવાસની મંજૂરી આપશે. સરકાર તરફથી પરવાનગી પત્ર મળ્યા પછી, અમે અમારા ખેલાડીઓ સાથે વાત કરીશું કારણ કે અમને જાણવા મળ્યું છે કે કેટલાક ખેલાડીઓ સુરક્ષા કારણોસર પાકિસ્તાનનો પ્રવાસ કરવા માંગતા નથી. અમે કોઈપણ ખેલાડી પર દબાણ નહીં લાવીએ”.
ટીમ 14 મેના રોજ UAE જવા રવાના થશે
પાકિસ્તાન પ્રવાસ પહેલા બાંગ્લાદેશ ટીમ UAE સામે બે મેચની T20 શ્રેણી રમશે. આ માટે બાંગ્લાદેશની ટીમ 14 મેના રોજ યુએઈ જવા રવાના થઈ હતી. બાંગ્લાદેશની ટીમ 17 અને 19 મેના રોજ શારજાહમાં યુએઈ સામે T20 મેચ રમશે. આ પછી ટીમ પાકિસ્તાન જવા રવાના થશે. તમને જણાવી દઈએ કે પાકિસ્તાન સુપર લીગના શેડ્યૂલમાં સુધારા બાદ, પાકિસ્તાન ક્રિકેટ બોર્ડે 13 મેના રોજ બાંગ્લાદેશ ક્રિકેટ બોર્ડને આગામી પ્રવાસ માટે નવું શેડ્યૂલ મોકલ્યું હતું.
પહેલી T20 મેચ 27 મેના રોજ રમાશે
આ શ્રેણી એવા સમયે રમાશે જ્યારે ભારતમાં IPL 2025ના પ્લેઓફ રાઉન્ડ મેચ રમાઈ રહી છે. BCBને મોકલવામાં આવેલા સુધારેલા શેડ્યૂલ મુજબ, બાંગ્લાદેશ અને પાકિસ્તાન વચ્ચેની પહેલી T20 મેચ 27 મેના રોજ રમાશે. અગાઉ આ T20 શ્રેણી 25 મેથી 3 જૂન સુધી રમવાની હતી, પરંતુ પીએસએલ સ્થગિત થયા બાદ તેને બે દિવસ લંબાવવામાં આવી હતી. શ્રેણીની છેલ્લી મેચ હવે 5 જૂને રમાશે. નવા શેડ્યૂલ મુજબ, પ્રથમ ત્રણ મેચ 27, 29 મે અને 1 જૂને ફૈસલાબાદમાં રમાશે, જ્યારે છેલ્લી બે T20 મેચ 3 અને 5 જૂને લાહોરમાં રમાશે.
આ પણ વાંચો: Breaking News : IND vs ENG ઈંગ્લેન્ડ પ્રવાસ માટે ટીમ ઈન્ડિયાની જાહેરાત, 27 મહિના પછી સ્ટાર બોલરની ટીમમાં વાપસી
