IND vs SA : રાયપુરમાં રહ્યા ફ્લોપ, વિશાખાપટ્ટનમમાં 4-4 વિકેટ લઈ કુલદીપ-કૃષ્ણાએ કર્યો કમાલ
છેલ્લી મેચમાં સૌથી વધુ રન આપનાર બે ભારતીય બોલરોએ શ્રેણીની નિર્ણાયક મેચમાં મજબૂત વાપસી કરી હતી. આ બંને બોલરોએ સમાન વિકેટો તો લીધી છે, સાથે જ એક બોલરે જે કમાલ કર્યો તે અન્ય બોલરે 10 ઓવર બાદ કરી બતાવ્યો. બંને બોલરોએ આફ્રિકાની બેટિંગને ઘ્વસ્ત કરીને તેમને મોટો સ્કોર કરતા અટકાવી દીધા.
દક્ષિણ આફ્રિકા સામેની ODI શ્રેણીની પ્રથમ બે મેચમાં ટીમ ઈન્ડિયાની બોલિંગ બહુ સારી ના રહી. જોકે, જ્યારે ટીમ ઈન્ડિયાએ ત્રીજી મેચમાં ટોસ જીતીને પ્રથમ ફિલ્ડિંગ કરવાનો નિર્ણય લીધો, ત્યારે ભારતીય બોલરોએ શાનદાર પ્રદર્શન કર્યું. ખાસ કરીને પ્રસિદ્ધ કૃષ્ણા અને કુલદીપ યાદવે જોરદાર બોલિંગ કરી દક્ષિણ આફ્રિકાની ઇનિંગને પાટા પરથી ઉતારી દીધી અને તેમને મોટો સ્કોર કરતા અટકાવી દીધા.
વિશાખાપટ્ટનમમાં કુલદીપ-પ્રસિદ્ધ ચમક્યા
ટીમ ઈન્ડિયાએ શનિવાર, 6 ડિસેમ્બરના રોજ વિશાખાપટ્ટનમમાં શ્રેણીની છેલ્લી ODIમાં પ્રથમ બોલિંગ કરી. પહેલી જ ઓવરમાં વિકેટ ગુમાવવા છતાં, દક્ષિણ આફ્રિકાએ શાનદાર બેટિંગ કરી, ઓપનર ક્વિન્ટન ડી કોકે શાનદાર સદી ફટકારી. ડી કોકે ખાસ કરીને પ્રસિદ્ધ કૃષ્ણાને નિશાન બનાવ્યો અને છગ્ગા-ચોગ્ગા ફટકાર્યા.
29મી ઓવરમાં પ્રસિદ્ધે કર્યો કમાલ
પ્રસિદ્ધને અગાઉની બંને મેચમાં માર પડ્યો હતો, જેના કારણે તેના માટે વધુ વિકેટ લેવી જરૂરી હતી. આ વખતે પણ તેણે પોતાની પહેલી ત્રણ ઓવરમાં 29 રન આપ્યા હતા. પરંતુ જ્યારે ટીમ ઈન્ડિયા મુશ્કેલીમાં હતી, ત્યારે પ્રસિદ્ધે છ બોલમાં જ ઇનિંગ ભારતના ફેવરમાં લાવી દીધી. ઇનિંગની 29મી ઓવરમાં પ્રસિદ્ધે પહેલા મેથ્યુ બ્રેટ્ઝકીને આઉટ કર્યો અને પછી છેલ્લા બોલે એડન માર્કરામને આઉટ કર્યો, જેણે પાછલી મેચમાં સદી ફટકારી હતી. ત્યારબાદ પ્રસિદ્ધે 33મી ઓવરમાં ડી કોકને ક્લીન બોલ્ડ કર્યો.
39મી ઓવરમાં કુલદીપે મચાવ્યો કહેર
કુલદીપ યાદવે પણ પ્રસિદ્ધના ઉદાહરણને અનુસરીને આવી જ સિદ્ધિ મેળવી. પ્રસિદ્ધની 29મી ઓવર પછી માત્ર દસ ઓવરમાં, કુલદીપે 39મી ઓવરમાં તેનું પુનરાવર્તન કર્યું. કુલદીપ યાદવે ત્રણ બોલમાં ડેવાલ્ડ બ્રેવિસ અને માર્કો જેન્સનને આઉટ કરીને દક્ષિણ આફ્રિકાની ઇનિંગ પર વિરામ લગાવી દીધો. ત્યારબાદ, પ્રસિદ્ધની જેમ, કુલદીપે પણ 43મી ઓવરમાં કોર્બિન બોશને આઉટ કરીને મોટા સ્કોરની કોઈપણ આશાનો અંત લાવ્યો.
વિશાખાપટ્ટનમમાં કુલદીપનો કમાલ
આ બે ભારતીય બોલરોએ નિર્ણાયક મેચમાં દક્ષિણ આફ્રિકાની વિસ્ફોટક બેટિંગ લાઇન-અપને તોડી પાડી. ખાસ કરીને કુલદીપે વિશાખાપટ્ટનમ મેદાન પર પોતાની સફળતા ચાલુ રાખી, 10 ઓવરમાં માત્ર 41 રન આપીને ચાર વિકેટ લીધી. આ સાથે, તે આ મેદાન પર 10 થી વધુ ODI વિકેટ લેનાર પ્રથમ બોલર બન્યો. કુલદીપે હવે આ મેદાન પર માત્ર પાંચ ઇનિંગ્સમાં 13 વિકેટ લીધી છે.
પ્રસિદ્ધની ચાર વિકેટ
પ્રસિદ્ધની વાત કરીએ તો, તેણે જ દક્ષિણ આફ્રિકાની ઇનિંગ્સનો અંત લાવ્યો હતો. 48મી ઓવરમાં પ્રસિદ્ધે કેશવ મહારાજને ક્લીન બોલ્ડ કર્યો, જેના કારણે દક્ષિણ આફ્રિકા 270 રનમાં ઓલઆઉટ થઈ ગયું. પ્રસિદ્ધ થોડો મોંઘો સાબિત થયો, પરંતુ તેણે 9.5 ઓવરમાં ચાર વિકેટ લીધી. રવિન્દ્ર જાડેજા અને અર્શદીપ સિંહે પણ એક-એક વિકેટ લીધી.
આ પણ વાંચો: Breaking News : ટીમ ઈન્ડિયા માટે સારા સમાચાર, શુભમન ગિલ ફિટ, T20 શ્રેણીમાં રમવા માટે તૈયાર
ક્રિકેટ સહિત રમતગમતના દરેક સમાચાર વાંચવા અહીં ક્લિક કરો
