ICC T20 WC 2026: આ પાકિસ્તાની બોલર તેની બોલિંગ સ્ટાઈલને લઈને થયો ટ્રોલ, લોકોએ કહ્યુ પથ્થરબાજી કરે છે ગેંદબાજી?

હાલમાં T20 વર્લ્ડ કપમાં પાકિસ્તાની સ્પિનર ઉસ્માન તારીકની બોલિંગ એક્શનને લઈને સવાલ ઉઠી રહ્યા છે. અમાન્ય બોલિંગ એક્શનના આરોપો વચ્ચે સોશિયલ મીડિયા પર તેને ટ્રોલ કરવામાં આવી રહ્યો છે. તેની બોલિંગ સ્ટાઈલને લઈને તેના પર ચકિંગનો પણ આરોપ લાગી રહ્યો છે તો બીજી તરફ લોકો કહી રહ્યા છે કે આ બોલિંગ તો એવી રીતે કરે છે જાણે પથ્થર ફેંકી રહ્યો હોય . ત્યારે હવે તેની બોલિંગને લઈને સવાલ ઉઠી રહ્યા છે કે તે ગેંદબાજી કરી રહ્યો છે કે પથ્થરબાજી?

Mina Pandya | Updated on: May 15, 2026 | 5:14 PM

ICC T20 વર્લ્ડ કપ 2026 માં પાકિસ્તાની બોલર ઉસ્માન તારીકની બોલિંગ એક્શનને લઈને હંગામો મચી ગયો છે. બોલિંગ એક્શનને લઈને સવાલ ઉઠી રહ્યા છે. ભારતીય ક્રિકેટર શ્રીવત્સ ગોસ્વામીએ પણ તારીક ઉસ્માનની બોલિંગ પર સવાલ ઉઠાવ્યા છે. કો સ્પીનર અશ્વિને તેની બોલિંગ એક્શનનું સમર્થન કર્યુ છે. 15 ફેબ્રુઆરીએ કોલંબોમાં રમાનારી ભારત પાકિસ્તાનની મેચ પહેલા પાકિસ્તાની બોલર ઉસ્માન તારીકની બોલિંગ ચર્ચાનો વિષય બની ગઈ છે. સોશિયલ મીડિયા પર પણ તેની જ ચર્ચા છેડાઈ રહી છે. અનેક લોકો તેની બોલિંગ સ્ટાઈલને શંકાસ્પદ ગણાવી રહ્યા છે. જ્યારે કેટલાક ખેલાડીઓ તેનુ સમર્થન કરી રહ્યા છે. RCB (રોયલ ચેલેન્જર્સ બેંગલોર) ના પૂર્વ ખેલાડી શ્રીવત્સ ગોસ્વામીએ અમેરિકા વિરુદ્ધ પાકિસ્તાનની મેચ દરમિયાન આ પાકિસ્તાની બોલરની શબ્દો ચોર્યા વિના ટીકા કરી. ગોસ્વામીએ X પર પોસ્ટ શેર કરી અને તારીકના રન અપમાં લોંગ પોઝને લઈને સવાલ...