Breaking News : દર્શન કરવા આવ્યા ને દરિયામાં ફસાઈ કાર! ભાવનગરના ઊંચા કોટડા દરિયાકિનારે અફરાતફરી, જુઓ Video

ભાવનગર જિલ્લાના મહુવા નજીક આવેલા ઊંચા કોટડા દરિયાકિનારે એક અસામાન્ય ઘટના સામે આવી છે. ચામુંડા માતાજીના દર્શને આવતા શ્રદ્ધાળુઓની એક કાર ભરતીના પાણીમાં ફસાઈ ગઈ હતી, જેના કારણે ત્યાં હાજર યાત્રાળુઓમાં દોડધામ મચી ગઈ હતી. આ ઘટનાએ દરિયાકિનારે પાર્કિંગની અપૂરતી સુવિધાઓ અને તંત્રની કામગીરી સામે ગંભીર સવાલો ઊભા કર્યા છે.

પ્રાપ્ત માહિતી અનુસાર, ચામુંડા માતાજીના દર્શન માટે મોટી સંખ્યામાં શ્રદ્ધાળુઓ ઊંચા કોટડા આવે છે. જોકે, યોગ્ય પાર્કિંગ સુવિધાના અભાવે અનેક યાત્રાળુઓ પોતાના વાહનો દરિયાકિનારે પાર્ક કરવા મજબૂર બને છે. અમાસ અને એકમના કારણે દરિયામાં ભરતી અને ઓટનું પ્રમાણ વધ્યું હતું, જેના પરિણામે કિનારે પાર્ક કરેલી કાર અચાનક વધેલા દરિયાના પાણીમાં ઘેરાઈ ગઈ અને ફસાઈ ગઈ હતી.

કાર પાણીમાં ફસાતા તેને બહાર કાઢવા માટે તાત્કાલિક ટ્રેક્ટરની મદદ લેવામાં આવી હતી. ટ્રેક્ટર સાથે કારને બાંધીને ભારે જહેમત બાદ તેને સુરક્ષિત રીતે પાણીમાંથી બહાર કાઢવામાં આવી હતી. આ ઘટનાએ યાત્રાળુઓની સુરક્ષા અને સુવિધા માટે દરિયાકિનારે યોગ્ય પાર્કિંગ વ્યવસ્થા ઊભી કરવાની અનિવાર્યતા ફરી એકવાર ચર્ચામાં લાવી છે. તંત્ર દ્વારા આ દિશામાં તાત્કાલિક પગલાં ભરવામાં આવે તે જરૂરી છે.

એકસાથે ત્રણ દીપડા દેખાતા ભયનો માહોલ, સાબરકાંઠાના ઈડરમાં દીપડાની અવરજવર વધી