T20 WC Breaking : બાબર આઝમ સૌથી મોટી મેચમાંથી બહાર, સેમિફાઇનલમાં પહોંચવા માટે પાકિસ્તાનનો મોટો નિર્ણય

T20 વર્લ્ડ કપ 2026 ની સેમિફાઇનલ માટેની દોડ હવે તેના અંતિમ તબક્કામાં છે. સુપર 8 રાઉન્ડની અંતિમ મેચો બાકી રહેલી બે ટીમો નક્કી કરશે. પહેલો નિર્ણય ગ્રુપ 2 માં લેવામાં આવશે, જ્યાં પાકિસ્તાન અને ન્યુઝીલેન્ડમાંથી એક ટીમ સ્થાન મેળવશે.

બાબર આઝમને ટીમમાંથી બહાર કરવામાં આવ્યો

સેમિફાઇનલમાં પહોંચવાની આશા સાથે, પાકિસ્તાને તેમના અંતિમ મેચમાં એક મહત્વપૂર્ણ નિર્ણય લીધો, જેમાં સ્ટાર બેટ્સમેન બાબર આઝમને બહાર કરવામાં આવ્યો છે. પાકિસ્તાનને શ્રીલંકા સામે મોટી જીતની સખત જરૂર હતી, અને સતત ખરાબ પ્રદર્શન કરનારા બાબર આઝમને ટીમમાંથી બહાર કરવામાં આવ્યો છે.

BABAR AZAM DROPPED

– No Babar Azam for the must win match vs Sri Lanka in Super 8. pic.twitter.com/Be0QjArwn4

— Johns. (@CricCrazyJohns) February 28, 2026

શ્રીલંકાએ ટોસ જીત્યો, પાકિસ્તાન બેટિંગ ફર્સ્ટ

28 ફેબ્રુઆરી, શનિવારના રોજ પલ્લેકેલેમાં રમાઈ રહેલી ગ્રુપ 2 ની છેલ્લી મેચમાં, શ્રીલંકાએ ટોસ જીતીને પ્રથમ બોલિંગ કરવાનો નિર્ણય લીધો હતો. T20 વર્લ્ડ કપ 2026 ટુર્નામેન્ટમાંથી પહેલાથી જ બહાર થઈ ગયેલા શ્રીલંકાએ આ મેચ માટે પ્લેઈંગ ઈલેવનમાં બે ફેરફાર કર્યા હતા.

શ્રીલંકાની ટીમમાં બે ફેરફાર

કુસલ મેન્ડિસ ઈજાને કારણે બહાર થઈ ગયો હતો, જ્યારે દુષણ હેમંથને આરામ આપવામાં આવ્યો હતો. તેમના સ્થાને કામિલ મિશારા અને જાનિથ લિયાનાગેને સ્થાન આપવામાં આવ્યું હતું. જોકે, પાકિસ્તાની ટીમમાં સૌથી મોટા ફેરફારો થયા હતા.

પાકિસ્તાનની પ્લેઈંગ ઈલેવન

સલમાન અલી આગા (કેપ્ટન), સાહિબજાદા ફરહાન, ફખર ઝમાન, ખ્વાજા નફે, ઉસ્માન ખાન (વિકેટકીપર), શાદાબ ખાન, મોહમ્મદ નવાઝ, શાહીન આફ્રિદી, નસીમ શાહ, અબરાર અહેમદ અને ઉસ્માન તારિક.

શ્રીલંકાની પ્લેઈંગ ઈલેવન

દાસુન શનાકા (કેપ્ટન), પથુમ નિસાન્કા, ચરિથ અસલંકા, કામિલ મિશારા, પપવન રત્નાયકે, કામિન્દુ મેન્ડિસ, જેનિથ લિયાનાગે, દુનિથ વેલાલાગે, મહેશ થીક્ષાના, દુષ્મંથા ચમીરા અને દિલશાન મદુશંકા.

T20 WC Breaking : ટીમ ઈન્ડિયા હંમેશા જીતે છે, વેસ્ટ ઈન્ડિઝ પણ ક્યારેય હારતું નથી, કોલકાતામાં 100 % જીતનો કોનો રેકોર્ડ તૂટશે?