આજની SRH vs GT વચ્ચેની મેચની હાર જીત IAS નક્કી કરશે, રસપ્રદ રહેશે મુકાબલો
હૈદરાબાદમાં આજે સનરાઈઝ હૈદરાબાદ અને ગુજરાત ટાઈટન્સ વચ્ચે મેચ રમાશે, પરંતુ તે મેચમાં 'IAS' ના પ્રદર્શન પર સૌ કોઈની નજર રહેશે. કારણ કે IASનું પ્રદર્શન જ મેચની હાર જીતનો ફેંસલો લઈ શકે છે.
IPL 2025 ની 19મી મેચ સનરાઇઝર્સ હૈદરાબાદ અને ગુજરાત ટાઇટન્સ વચ્ચે છે. હૈદરાબાદમાં રમાનારી આ મેચમાં, બધાની નજર ‘IAS’ ના પ્રદર્શન પર છે. હવે તમે વિચારતા હશો કે આ ‘IAS’ કોણ છે? અહીં ‘IAS’ નો અર્થ સરકારી અધિકારી નથી, પણ ક્રિકેટ ક્ષેત્રની બહાર પણ સારા મિત્રો રહેલા એવા ત્રણ ખેલાડીઓ છે. હૈદરાબાદ અને ગુજરાત વચ્ચેની મેચમાં, રમનારા ખેલાડીઓમાંથી, આપણે ઈશાન માટે I, અભિષેક માટે A અને શુભમન માટે S વિશે વાત કરી રહ્યા છીએ.
IPL 2025 માં પહેલીવાર જોવા મળશે આ નજારો
આ ત્રિપુટીમાંથી, ઈશાન અને અભિષેક સનરાઈઝર્સ હૈદરાબાદ તરફથી રમતા જોવા મળશે. જ્યારે શુભમન ગિલ ગુજરાત ટાઇટન્સમાં ભાગ લેશે. અને તે ગુજરાત ટાઇટન્સ ટીમનો કેપ્ટન પણ છે. IPL 2025 માં આ પહેલી વાર છે, જ્યારે ઈશાન અને અભિષેક બન્ને શુભમન સામે રમતા જોવા મળશે. SRH અને GT વચ્ચેની મેચમાં આ ખેલાડીઓનું પ્રદર્શન મહત્વપૂર્ણ રહેશે, કારણ કે ટીમને સારી શરૂઆત આપવાની જવાબદારી તેમના ખભા પર રહેશે.
IAS નું પ્રદર્શન નબળું
IPL 2025 માં અત્યાર સુધીના પ્રદર્શનની વાત કરીએ તો, ઈશાન, અભિષેક અને શુભમનનું પ્રદર્શન અત્યાર સુધી કંઈ ખાસ રહ્યું નથી. સનરાઇઝર્સ માટે ઇશાને તેની પહેલી જ ઇનિંગમાં સદી ફટકારી હતી પરંતુ તેની આગામી 3 ઇનિંગ નિષ્ફળ રહી હતી. અભિષેક શર્માની હાલત વધુ ખરાબ છે. તે 4 ઇનિંગ્સમાં 50 રન પણ બનાવી શક્યો નથી. આ સમયગાળા દરમિયાન તેણે ફક્ત 33 રન બનાવ્યા છે. શુભમન ગિલની વાત કરીએ તો, તેણે પણ 3 ઇનિંગ્સમાં ફક્ત 85 રન બનાવ્યા છે, જેમાં તેનો સર્વોચ્ચ સ્કોર 38 રન રહ્યો છે.
શુભમન અને ઈશાન પણ રૂમમેટ
ટીમ ઈન્ડિયા માટે સાથે રમતી વખતે, ઈશાન કિશન અને શુભમન ગિલ એકબીજાના રૂમમેટ પણ રહ્યા છે. રોહિત શર્માને આપેલા ઇન્ટરવ્યુમાં બંનેએ પોતે સ્વીકાર્યું છે કે તેઓ રૂમમેટ છે. બંનેના ઇન્ટરવ્યુનો વીડિયો બીસીસીઆઈ દ્વારા જ સોશિયલ મીડિયા પર શેર કરવામાં આવ્યો હતો.
આઈપીએલ સાથે જોડાયેલ તમામ સમાચાર વાંચવા અહીં ક્લિક કરો
