Breaking News : પૃથ્વી શોનું નસીબ ચમક્યું આ ટીમનો કેપ્ટન બન્યો, આ કારણે તેને કમાન મળી

26 વર્ષના બેટ્સમેન પૃથ્વી શો આગામી રણજી ટ્રોફીની પહેલી મેચ માટે મહારાષ્ટ્ર ટીમનો કેપ્ટન બનાવવામાં આવ્યો છે. મહારાષ્ટ્રની ટીમ પોતાના અભિયાનની શરુઆત સર્વિસેજ વિરુદ્ધ કરશે.

Nirupa Duva | Updated on: Oct 05, 2026 | 8:20 AM

પર્સનલ લાઈફ ઉથલ-પાથલ વચ્ચે 26 વર્ષના બેટ્સમેન પૃથ્વી શોના કરિયરમાં એક મોટો વળાંક આવ્યો છે. ઘરેલું ક્રિકેટમાં મહારાષ્ટ્ર માટે રમી રહેલા પૃથ્વી શો આગામી રણજી ટ્રોફીની પહેલી મેચ માટે મહારાષ્ટ્રની સીનિયર પુરુષ ટીમના કેપ્ટન નિયુક્ત કરવામાં આવ્યો છે. મહારાષ્ટ્રની ટીમ પોતાના અભિયાનની શરુઆત 11થી દિલ્લી પાલમ એ સ્ટેડિયમમાં સર્વિસેજ વિરુદ્ધ કરશે. અહી પૃથ્વી શો ટોસ માટે મેદાનમાં ઉતરશે.

પૃથ્વી શોને આ કારણે કેપ્ટન બનાવવામાં આવ્યો

મહારાષ્ટ્રના કેપ્ટન ઋતુરાજ ગાયકવાડ પહેલી મેચ માટે હાજર રહેશે નહી. ઋતુરાજ ગાયકવાડને ઓસ્ટ્રેલિયા એ વિરુદ્ધ રમાનારી 3 મેચની અનઓફિશિયલ વનડે સીરિઝ માટે ઈન્ડિયા એ ટીમનો કેપ્ટન બનાવવામાં આવ્યો છે. આ સીરિઝ પોડુચેરીમાં 6,9 અને 11 ઓક્ટોમ્બરના રોજ રમાશે. 11 ઓક્ટોમ્બરના રોજ રમાનારી મેચના કારણે ગાયકવાડ રણજી ટ્રોફીના પહેલા પ્રવાસમાં ભાગ લઈ શકશે નહી. યુવા ઓલરાઉન્ડર અર્શિન કુલકર્ણી પણ ઈન્ડિયા એ ટીમનો ભાગ હોવાના કારણે સર્વિસેસ વિરુદ્ધ પહેલી મેચ રમશે નહી. જેના કારણે પૃથ્વી શોને તક મળી છે.

તમને જણાવી દઈએ કે, પૃથ્વી શો 2025-26ની ઘરેલું સીઝન પહેલી મુંબઈ છોડી મહારાષ્ટ્રની ટીમમાં જોડાયો હતો. તેમણે પહેલી સીઝનમાં બેટિંગથી શાનદાર છાપ છોડી હતી. તેમણે પોતાની ડેબ્યુ સીઝનમાં 7 મેચની 11 ઈનિગ્સમાં 537 રન બનાવ્યા હતા. તે આ સીઝનમાં મહારાષ્ટ્ર માટે સૌથી વધારે રન બનાવનાર બેટ્સમેન રહ્યો હતો. આગામી મેચમાં શોની સાથે ટીમમાં અનુભવી અનિકેત બાવને,વિક્કી ઓશ્તવાલ,રાજવર્ધન હંગરગેકર અને મુકેશ ચૌધરી જેવા ખેલાડીઓ પણ સામેલ છે.

કેપ્ટનશીપનો શાનદાર ટ્રૈક રેકોર્ડ

રેડ બોલ અને વ્હાઈટ બોલ બંને ફોર્મેટમાં પૃથ્વી શોનો કેપ્ટનશીપનો ટ્રૈક રેકોર્ડ શાનદાર રહ્યો છે. 2018માં પૃથ્વી શોએ ભારતીય અંડર 19 ટીમને પોતાની કેપ્ટનશીપમાં વર્લ્ડકપ જીતાડ્યો હતો. જેમાં ફાઈનલમાં ભારતે ઓસ્ટ્રેલિયાને 8 વિકેટથી હરાવ્યું હતુ. રણજી ટ્રોફી 2021-22માં મુંબઈની કેપ્ટનશીપ કરતા તેમણે ટીમને ફાઈનલમાં પહોંચાડી હતી. ટીમ મધ્યપ્રદેશ વિરુદ્ધ ટીમ બીજા સ્થાને રહી. તેણે મુંબઈને વિજય હજારે ટ્રોફીનો ખિતાબ પણ અપાવ્યો, તે સિઝનમાં તેણે કુલ 827 રન બનાવ્યા, જેમાં 227 રનની અણનમ ઇનિંગનો સમાવેશ થાય છે. હવે, તે પહેલી વાર મહારાષ્ટ્ર ટીમનું નેતૃત્વ કરશે.