Breaking News: IPL 2026 શરુ થવાના 14 દિવસ પહેલા દિલ્હી કેપિટલ્સને મોટો ઝટકો, દિગ્ગજ ખેલાડીએ છોડી ટીમ
દિલ્હી કેપિટલ્સે ગયા વર્ષે આ દિગ્ગજ ખેલાડીઓને ટીમમાં મેન્ટર તરીકે સામેલ કર્યો હતો, અને ટીમે થોડા સમય માટે સારું પ્રદર્શન પણ કર્યું હતું. છતાં દિલ્હી કેપિટલ્સે ફક્ત એક પોઈન્ટથી પ્લેઓફ માટે ક્વોલિફાય થવાથી ચૂકી ગયું હતું. હવે આ દિગ્ગજ ખેલાડીએ દિલ્હીની ટીમને છોડી દીધી છે.
બધી ટીમો IPL 2026 માટે લગભગ તૈયાર છે. ટીમ કેમ્પ ચાલી રહ્યા છે, નવી જર્સીનું અનાવરણ થઈ રહ્યું છે, કેટલાક ખેલાડીઓ રિપ્લેસમેન્ટ તરીકે જોડાઈ રહ્યા છે, અને કોચિંગ સ્ટાફમાં કેટલાક ફેરફારો થઈ રહ્યા છે. પરંતુ આ બધા વચ્ચે, એક અનુભવી ખેલાડી દિલ્હી કેપિટલ્સ કેમ્પમાંથી વિદાય લઈ રહ્યો છે.
કેવિન પીટરસને દિલ્હી છોડ્યું
IPL 2026 શરૂ થવાના માત્ર 14 દિવસ પહેલા ઈંગ્લેન્ડના ભૂતપૂર્વ બેટ્સમેન કેવિન પીટરસને જાહેરાત કરી છે કે તે આ સિઝનમાં દિલ્હી કેપિટલ્સનો ભાગ રહેશે નહીં. કેવિન પીટરસન ગયા વર્ષે જ દિલ્હીમાં મેન્ટર તરીકે જોડાયો હતો. જો કે તે આ સિઝનમાં કોમેન્ટ્રી કરતો જોવા મળશે.
: Kevin Pietersen will not be the team mentor for Delhi Capitals in the IPL 2026! (Cricbuzz) pic.twitter.com/UaVWREmUdw
— CricketGully (@thecricketgully) March 14, 2026
પોસ્ટ કરી આપી જાણકારી
ઈંગ્લેન્ડના પૂર્વ કેપ્ટન અને દિગ્ગજ બેટ્સમેન કેવિન પીટરસને 14 માર્ચે સોશિયલ મીડિયા પોસ્ટમાં આ જાહેરાત કરી હતી. રસપ્રદ વાત એ છે કે, તેણે હિન્દીમાં પોસ્ટ લખી હતી, જેમાં તેણે જણાવ્યું હતું કે તે આ વખતે આ કામ માટે આટલો સમય ફાળવી શકશે નહીં. જોકે તે IPL દરમિયાન જોવા મળશે, પરંતુ તે દિલ્હીના ખેલાડીઓને મેદાન પર માર્ગદર્શન આપવાને બદલે કોમેન્ટ્રી બોક્સમાંથી મેચ અપડેટ્સ પ્રદાન કરશે.
समाचार
मैं आईपीएल के इस सीजन में दिल्ली कैपिटल्स के लिए मेंटर नहीं बन सकता।
मैं उस समय के लिए प्रतिबद्ध नहीं हो सकता, जो काम की आवश्यकता है।
सभी खिलाड़ियों को इस सीजन के लिए शुभकामनाएं! ❤️
हालांकि मैं आपको कॉम बॉक्स में वापस देखूंगा! आईपीएल दुनिया की सबसे अच्छी लीग है…
— Kevin Pietersen (@KP24) March 14, 2026
પીટરસને દિલ્હી કેમ છોડ્યું?
દિલ્હી કેપિટલ્સ તરફથી રમી ચૂકેલા પીટરસને પોતાની પોસ્ટમાં કહ્યું, “હું IPLની આ સિઝનમાં દિલ્હી કેપિટલ્સનું માર્ગદર્શન કરી શકીશ નહીં. હું આ કામ માટે જરૂરી સમય આપી શકતો નથી. આ સિઝનમાં બધા ખેલાડીઓને શુભકામનાઓ. જોકે, હું તમને ફરીથી કોમેન્ટ્રી બોક્સમાં મળીશ! IPL વિશ્વની શ્રેષ્ઠ લીગ છે અને હું તમને બધાને ટૂંક સમયમાં જોવા માટે ઉત્સુક છું!”
દિલ્હી કેપિટલ્સનું પ્રદર્શન કેવું રહ્યું?
ગયા સિઝનમાં દિલ્હી કેપિટલ્સના મેન્ટર તરીકે કેવિન પીટરસનને નિયુક્ત કરવામાં આવ્યો હતો, પરંતુ ફ્રેન્ચાઇઝનું પ્રદર્શન એવરેજ રહ્યું હતું. ટુર્નામેન્ટમાં સારી શરૂઆત બાદ કેપિટલ્સે રીધમ ગુમાવી દીધી. જોકે, ટીમ આખરે પ્લેઓફ ક્વોલિફિકેશનમાં માત્ર એક પોઈન્ટથી ચૂકી ગઈ અને 15 પોઈન્ટ સાથે પાંચમા સ્થાને રહી.
Breaking News: એક પણ મેચ ન રમે તો પણ કેમ મળે છે કરોડો રૂપિયા, જાણો BCCI-IPL નો શું છે નિયમ?
