ન્યુઝીલેન્ડ સામેની વનડે શ્રેણીની પ્રથમ મેચ પહેલાં ભારતીય ટીમે ઓકલેન્ડના ઇડન પાર્કમાં જોરશોરથી પ્રેક્ટિસ કરી હતી. ખેલાડીઓને ચાર જૂથમાં વહેંચીને ફિલ્ડિંગ પ્રેક્ટિસ કરાવવામાં આવી હતી. લગભગ 30 મિનિટ ચાલેલી આ પ્રેક્ટિસમાં ખેલાડીઓએ મેદાનના અલગ-અલગ ખૂણામાંથી આવતા બોલને પકડવા અને ઝડપથી પાછા બોલ ફેંકવા પર ધ્યાન આપ્યું હતું. આ રીતે ટીમ નવા મેદાનના આકાર અને પરિસ્થિતિથી પરિચિત થવા માગતી હતી.

ઇડન પાર્ક કેમ છે પડકારજનક?

ઓકલેન્ડનું ઇડન પાર્ક અન્ય ક્રિકેટ મેદાન કરતાં અલગ આકાર ધરાવે છે. અહીં ફ્લડલાઇટ્સની ગોઠવણી પણ અલગ છે. ખાસ કરીને મેદાનના બાઉન્ડ્રી વિસ્તારોમાં ફિલ્ડિંગ કરવી મુશ્કેલ બની શકે છે. મેદાનનીબાઉન્ડ્રી અને બોલની દિશાને ધ્યાનમાં રાખીને ખેલાડીઓએ ઝડપથી યોગ્ય સ્થાન સુધી પહોંચવું પડશે. આ સ્થિતિમાં ડબલ રન રોકવા પણ મોટો પડકાર બની શકે છે.

Final preps before action in Auckland

#NZvIND ODIs loading!

#TeamIndia https://t.co/gSiiWLNakX

— BCCI (@BCCI) November 3, 2026

ફિલ્ડિંગમાં શું ધ્યાન રાખવું પડશે?

ભારતીય ટીમના ભૂતપૂર્વ ફિલ્ડિંગ કોચ આર શ્રીધરે પણ ઇડન પાર્કની વિશેષતાઓ સમજાવી છે. તેના મતે અહીં ફિલ્ડિંગ કરતી વખતે બોલની ગતિ અને મેદાનનું યોગ્ય મૂલ્યાંકન કરવું જરૂરી છે. ખેલાડીઓએ બોલ તરફ સીધી દિશામાં દોડવું જોઈએ. આ માટે ઝડપ, ચપળતા અને યોગ્ય સમયે કૂદવાની ક્ષમતા મહત્ત્વપૂર્ણ બને છે.

ભારતની કેચિંગમાં પણ સુધારાની જરૂર

ભારતીય ટીમ માટે ચિંતાનો બીજો વિષય તાજેતરની કેચિંગ છે. છેલ્લી 18 વનડેમાં ભારતીય ખેલાડીઓએ કુલ 27 કેચ છોડ્યા છે. ટીમની કેચિંગ ટકાવારી 77.5 ટકા રહી છે. કુલદીપ યાદવે 11 મેચમાં પાંચ કેચ છોડ્યા છે, જ્યારે કેએલ રાહુલે 16 મેચમાં ચાર કેચ છોડ્યા છે. બીજી તરફ, રોહિત શર્માએ સૌથી વધુ 15 કેચ પકડ્યા છે અને માત્ર બે જ કેચ છોડ્યા છે. ઓકલેન્ડમાં એક જ પ્રેક્ટિસ સેશન બાદ ભારતીય ખેલાડીઓએ પવન, ઠંડી અને મેદાનની પરિસ્થિતિઓને ઝડપથી અનુકૂળ થવું પડશે. આથી પહેલી મેચમાં ટીમની ફિલ્ડિંગ પર ખાસ નજર રહેશે.

IND vs NZ: શુભમન ગિલ માટે ન્યુઝીલેન્ડ કેમ છે ખાસ ? 7 વર્ષ જૂની યાદો વાગોળતાં થયો ભાવુક