Breaking News: IPL 2026 ના મધ્યમાં અર્જુન તેંડુલકરને મળી એક નવી ટીમ, પાંચ ગણો પગાર પણ મળ્યો

મહાન બેટ્સમેન સચિન તેંડુલકરના પુત્ર અર્જુન તેંડુલકરને હજુ સુધી IPL 2026 માં એકપણ મેચ રમવાની તક મળી નથી. અર્જુન તેંડુલકર આ સિઝનમાં લખનૌ સુપર જાયન્ટ્સનો ભાગ છે અને તેની પહેલી મેચની આતુરતાથી રાહ જોઈ રહ્યો છે. પરંતુ આ રાહ દરમિયાન તેને એક સારા સમાચાર મળ્યા છે.

અર્જુન તેંડુલકરને મળી નવી ટીમ

IPL સિઝનના મધ્યમાં અર્જુન તેંડુલકરને એક નવી ટીમ મળી ગઈ છે, જેના માટે તે થોડા અઠવાડિયામાં જ રમતો જોવા મળશે. આ ટીમ ARCS અંધેરી છે, જેણે T20 મુંબઈ લીગની હરાજીમાં અર્જુન માટે મોટી બોલી લગાવી હતી.

T20 મુંબઈ લીગની હરાજી

શનિવાર, 2 મેના રોજ, મુંબઈ ક્રિકેટ એસોસિએશન (MCA) એ T20 મુંબઈ લીગ માટે ખેલાડીઓની હરાજી યોજી હતી. આ હરાજીમાં અર્જુન તેંડુલકર પર બધાનું ધ્યાન હતું, કારણ કે તેને લીગમાં રમવા માટે ખાસ મંજૂરી આપવામાં આવી છે.

Arjun Tendulkar was picked up for INR 10 lakh and will represent ARCS Andheri in the 2026 T20 Mumbai League season.#ArjunTendulkar #T20MumbaiLeague #CricTracker pic.twitter.com/RnsAyMYYb0

— CricTracker (@Cricketracker) May 2, 2026

અર્જુન તેંડુલકરને મળી ખાસ તક

અર્જુન ડોમેસ્ટિક સર્કિટમાં ગોવા ટીમ માટે રમે છે, જ્યારે T20 મુંબઈ લીગ ફક્ત એવા ખેલાડીઓને જ રમવાની મંજૂરી આપે છે જે MCAનો ભાગ હોય. અર્જુન MCAનો ભાગ જ હોવા છતાં તે મુંબઈ માટે રમ્યો હોવાથી તેને તક આપવામાં આવી છે.

ARCS અંધેરીએ અર્જુન માટે ₹10 લાખની બોલી લગાવી

26 વર્ષીય અર્જુન તેંડુલકરને આ લીગમાં રમવાની તક જ નહીં, પણ તેને એક ટીમ પણ મળી છે. ARCS અંધેરીએ ડાબા હાથના ફાસ્ટ બોલિંગ ઓલરાઉન્ડર માટે ₹10 લાખની બોલી લગાવી, જે તેની બેઝ પ્રાઈસ કરતાં પાંચ ગણી વધારે છે. આ હરાજીમાં તેંડુલકરની બેઝ પ્રાઈસ ₹2 લાખ હતી.

મુશીર ખાનને ₹11 લાખ મળ્યા

અર્જુન તેંડુલકર ઉપરાંત ARCS અંધેરીએ યુવા સ્ટાર બેટ્સમેન મુશીર ખાનને ₹11 લાખમાં ખરીદ્યો. પ્રસાદ પવાર માટે ફ્રેન્ચાઇઝીએ સૌથી વધુ 11.5 લાખ બોલી લગાવી. ફ્રેન્ચાઇઝીએ ટીમ ઈન્ડિયાના વર્લ્ડ ચેમ્પિયન ઓલરાઉન્ડર શિવમ દુબેને પહેલાથી જ ₹20 લાખમાં રિટેન કર્યો હતો.

Breaking News: વુમન્સ T20 વર્લ્ડ કપ માટે ટીમ ઈન્ડિયાની જાહેરાત, હરમનપ્રીત કૌર કરશે ટીમની કપ્તાની