Breaking News: પાકિસ્તાન સુપર લીગ છોડી IPLમાં રમશે આ ખેલાડી, KKR માં મુસ્તફિઝુર રહેમાનનું સ્થાન લેશે

ઝિમ્બાબ્વેના ફાસ્ટ બોલર બ્લેસિંગ મુઝારાબાની IPL 2026 માં KKR તરફથી રમશે. તે ટીમમાં મુસ્તફિઝુર રહેમાનનું સ્થાન લેશે. બ્લેસિંગ મુઝારાબાનીનો KKR સાથે કરાર થઈ ગયો છે. કોલકાતા નાઈટ રાઈડર્સે 13 માર્ચે આ સમાચાર જાહેર કર્યા હતા. IPL 2026 28 માર્ચે શરૂ થશે. KKR એ જાહેરાત કરી કે મુઝારાબાની 17 માર્ચે ફ્રેન્ચાઈઝીમાં જોડાશે.

PSL છોડી IPL માં રમશે મુઝરાબાની

IPLમાં જોડાતા પહેલા બ્લેસિંગ મુઝારબાની પાકિસ્તાન સુપર લીગ (PSL) સાથે સંકળાયેલો હતો. બ્લેસિંગ મુઝારબાની PSLમાં ઇસ્લામાબાદ યુનાઇટેડ ટીમનો ભાગ હતો. જોકે, તેણે IPL 2026 માં KKR માં જોડાવા માટે PSL માંથી પોતાનું નામ પાછું ખેંચી લીધું. બ્લેસિંગ મુઝારબાની ગયા મહિને PSL હરાજીમાં અનસોલ્ડ રહ્યો હતો. જોકે, ઇસ્લામાબાદ યુનાઇટેડે ત્યારબાદ તેને શમર જોસેફના સ્થાને સાઈન કર્યો હતો.

બીજી વાર IPLમાં રમશે

બ્લેસિંગ મુઝારાબાનીનો IPLમાં બીજીવાર ભાગ લેશે. મુઝારાબાની અગાઉ IPL 2025માં રોયલ ચેલેન્જર્સ બેંગ્લોર તરફથી રમ્યો હતો. RCB એ પણ તેને કામચલાઉ રિપ્લેસમેન્ટ તરીકે સાઇન કર્યો હતો.

A new Blessing in Purple & Gold pic.twitter.com/p31V3LsGfm

— KolkataKnightRiders (@KKRiders) March 13, 2026

મુઝરાબાનીએ મુસ્તાફિઝુરનું સ્થાન લીધું

બ્લેસિંગ મુઝારાબાની 17 માર્ચે IPL 2026 માટે કોલકાતા પહોંચશે. આ વર્ષની શરૂઆતમાં KKR એ બાંગ્લાદેશી ફાસ્ટ બોલર મુસ્તફિઝુર રહેમાનનો કરાર રદ કર્યો હતો, તેને લીગમાંથી બાકાત રાખ્યો હતો. KKR એ મુસ્તફિઝુરને ₹9.20 કરોડમાં સાઈન કર્યો હતો. KKR 29 માર્ચે વાનખેડે સ્ટેડિયમ ખાતે મુંબઈ ઈન્ડિયન્સ સામે IPL 2026 અભિયાનની શરૂઆત કરશે.

KKR માં મુખ્ય બોલરની ભૂમિકા ભજવશે

IPL 2026 શરૂ થવા પહેલા કોલકાતા નાઈટ રાઇડર્સને મોટો ફટકો પડ્યો છે. તેમનો મુખ્ય ફાસ્ટ બોલર હર્ષિત રાણા ઈજાને કારણે આખી સિઝનમાંથી બહાર થઈ ગયો છે. એવામાં બ્લેસિંગ મુઝારાબાનીના ટીમમાં સામેલ થવાથી તેમની બોલિંગ યુનિટ બેલેન્સ થઈ જશે.

Breaking News: IPL 2026 પહેલા કોલકાતા નાઈટ રાઈડર્સને મોટો ઝટકો, સ્ટાર ખેલાડી થયો આખી સિઝનમાંથી બહાર