LIC એ લોન્ચ કર્યો નવો ટેકનોલોજી ફંડ NFO; રોકાણની નવી તક, જાણો એક્સપર્ટની સલાહ

ભારતની સૌથી મોટી વીમા કંપની LIC ના મ્યુચ્યુઅલ ફંડ હાઉસ દ્વારા નવો ફંડ ઓફર (NFO) લોન્ચ કરવામાં આવ્યો છે. આ NFO 20 ફેબ્રુઆરીથી 6 માર્ચ સુધી રોકાણ માટે ખુલ્લો રહેશે. જે રીતે શેરબજારમાં IPO આવે છે, તેવી જ રીતે મ્યુચ્યુઅલ ફંડમાં નવી સ્કીમ માટે NFO લાવવામાં આવે છે. 19 માર્ચ 2026 થી આ ફંડમાં નિયમિત રીતે ખરીદ-વેચાણ શરૂ થઈ શકશે.

રોકાણની મર્યાદા અને SIP ની સુવિધા

આ સ્કીમમાં રોકાણકારો માટે ખૂબ જ રાહત આપવામાં આવી છે,

• લઘુત્તમ રોકાણ: NFO દરમિયાન તમે ઓછામાં ઓછા ₹1,000 થી રોકાણ શરૂ કરી શકો છો.
• SIP ની તક: સ્કીમ ફરી ખુલ્યા પછી, તમે દૈનિક ₹100, માસિક ₹200 અને ત્રિમાસિક ₹1,000 થી SIP શરૂ કરી શકશો.
• એક્ઝિટ લોડ: જો રોકાણકાર 90 દિવસની અંદર 12% સુધીના યુનિટ્સ રિડીમ (પરત) કરે છે, તો કોઈ એક્ઝિટ લોડ લાગશે નહીં. તે પછી 1% શુલ્ક લાગુ થશે.

તમારા પૈસા ક્યાં રોકાશે?

LIC નો આ નવો ફંડ માત્ર આઈટી સર્વિસ પૂરતો સીમિત નહીં રહે, પરંતુ વ્યાપક ટેકનોલોજી ઇકોસિસ્ટમમાં રોકાણ કરશે,

• સેમિકન્ડક્ટર: ચિપ બનાવતી કંપનીઓમાં રોકાણ
• ડેટા સેન્ટર્સ: ઇન્ટરનેટ અને ડેટા સ્ટોરેજ ઓપરેટર્સમાં તક.
• ડિજિટલ કોમર્સ: ઓનલાઈન બિઝનેસ અને ઈન્ટરનેટ પ્લેટફોર્મ.
• ઇક્વિટી એલોકેશન: આ ફંડ કુલ મૂડીના ઓછામાં ઓછા 80% ટેકનોલોજી સંબંધિત કંપનીઓમાં રોકાણ કરશે.

એક્સપર્ટ વ્યૂ: શું તમારે રોકાણ કરવું જોઈએ?

ઓપ્ટિમા મની મેનેજરના CEO પંકજ મથપાલના જણાવ્યા મુજબ, રોકાણકારોએ આ ફંડમાં સાવચેતી રાખવી જોઈએ.

• થીમેટિક ફંડનું જોખમ: આ એક સેક્ટર ફંડ (ટેકનોલોજી) હોવાથી તે દરેક રોકાણકાર માટે નથી. જેઓ અર્થતંત્રને સારી રીતે સમજે છે અને ક્યારે રોકાણ કરવું કે ક્યારે બહાર નીકળવું તે જાણે છે, તેમના માટે જ આ યોગ્ય છે.
• વૈવિધ્યકરણ: મોટાભાગના સામાન્ય ઇક્વિટી ફંડ્સમાં પહેલેથી જ ટેકનોલોજી સેક્ટરમાં મોટું રોકાણ હોય છે. તેથી, અલગથી સેક્ટર જોખમ લેતા પહેલા વિચારી લેવું જોઈએ.

નોંધ: અહીં આપવામાં આવેલી માહિતી ફક્ત જાણકારી માટે છે. TV9 Gujarati કોઈપણ રીતે શેરમાં કે IPO માં પૈસા લગાવવાની કે વેચવાની સલાહ આપતું નથી. શેરબજારમાં રોકાણ સંભવિત જોખમ સાથે સંકળાયેલું છે. રોકાણ કરતા પહેલા તમારા નાણાંકીય સલાહકાર અથવા માર્કેટ એક્સપર્ટની સલાહ જરૂરથી લો.

શું કોલ્ડ ડ્રિંક પીવાથી એસિડિટી અને ગેસમાં રાહત મળે છે ? પેટના નિષ્ણાંત ડોક્ટરે જણાવ્યું તેનું ચોંકાવનારું સત્ય, વાંચવા માટે અહીં ક્લિક કરો