IRCTCનું રામભક્તો માટે સ્પેશિયલ પેકેજ, અયોધ્યાથી રામેશ્વરમ સુધીનું 18 દિવસનું ટુર પેકેજ માત્ર આટલા રુપિયામાં
હજુ બાળકોને ઉનાળું વેકેશન ચાલી રહ્યું છે, ત્યારે જો તમે આખા પરિવાર સાથે ક્યાંય ફરવા જવાનો પ્લાન બનાવી રહ્યા છો તો એક વખત આ ટુર પેકેજ જોઈ લેજો.રામભક્તો માટે આ ટુર પેકેજ 18 દિવસ અને 17 રાતનું છે. જેમાં ભગવાન રામના જીવન સાથે જોડાયેલા અનેક સ્થળોની મુસાફરી કરાવવામાં આવશે.
રામભક્તો માટે આઈઆરસીટીસી એક શાનદાર ટુર પેકેજ લાવ્યું છે. આ ટુર પેકેજ 18 દિવસ અને 17 રાતનું છે. જેમાં શ્રદ્ધાળુઓને ભગવાન રામ સાથે જોડાયેલા સ્થળો ફરવાની તક મળશે. આ ટ્રેન શ્રી રામાયણ યાત્રાના નામથી શરુ કરવામાં આવી છે. જે 7 જૂનના રોજ દિલ્હીના સફદરજંગ રેલવે સ્ટેશનથી રવાના થશે.
યાત્રાની શરુઆત શ્રીરામનું જન્મસ્થળ અયોધ્યાથી થશે. શ્રીરામ જન્મભૂમિ મંદિર, હનુમાનગઢી મંદિર અને નંદીગ્રામમાં ભરત મંદિરના દર્શન કરાવવામાં આવશે.
અયોધ્યાથી રવાના થઈ આ ટ્રેન સીતામઢી જશે. જ્યાં તેના જન્મ સ્થળ અને નેપાળના જનકપુર સ્થિત રામ-જાનકી મંદિરના દર્શન કરી ત્યારબાદ ટુર પેકેજમાં આવતા સ્થળો પર લઈ જવામાં આવશે. છેલ્લું સ્થળ રામેશ્વર હશે.
આ ટ્રેનનું છેલ્લું સ્ટોપ રામેશ્વરમ હશે. અહીં રામ ભક્તો પ્રાચીન શિવ મંદિર અને ધનુષકોડીના દર્શન કરી શકશે. હવે આપણે પેકેજની વાત કરીએ તો આ પેકેજ અંદાજે 7600 કિલોમીટરનો રહેશે. જેના માટે એક વ્યક્તિનો ચાર્જ 96 હજાર રુપિયાથી લઈ 1.66 લાખ રુપિયા છે.
જો તમારે તમારા માતા-પિતાને આ ટુર પેકેજમાં મોકલવા છે, તો તમે આઈઆરસીટીસીની વેબસાઈટ પર જઈ આ ટુર પેકેજ બુક કરાવી શકો છો. જેમાં અલગ અલગ ચાર્જ પણ તમને જોવા મળશે.