IND vs ENG : મોહમ્મદ શમી ફરી બહાર? બીજી T20 પહેલા આવ્યા ખરાબ સમાચાર
ઈજાના કારણે સ્ટાર ફાસ્ટ બોલર મોહમ્મદ શમી 14 મહિનાથી વધુ સમયથી આંતરરાષ્ટ્રીય ક્રિકેટથી દૂર છે. તેને T20 સિરીઝ માટે ટીમમાં જગ્યા આપવામાં આવી છે અને આશા છે કે આ સિરીઝમાં બોલિંગ દ્વારા તે ચેમ્પિયન્સ ટ્રોફી માટે સંપૂર્ણ રીતે તૈયાર થઈ જશે. જો કે પહેલી મેચમાં શમીને પ્લેઈંગ 11 માં સ્થાન ના મળ્યું. જેથી તે કમબેક ન કરી શક્યો. હવે શમીને લઈ વધુ એક સમાચાર આવ્યા છે કે, તેનું બીજી T20માં પણ રમવું મુશ્કેલ છે.
અનુભવી ફાસ્ટ બોલર મોહમ્મદ શમીને ટીમ ઈન્ડિયાની બ્લુ જર્સીમાં ફરી એકવાર રમતા જોવાની રાહ વધી રહી છે. એડીની ઈજા અને પછી ઘૂંટણમાં સોજાને કારણે લગભગ 14 મહિના સુધી આંતરરાષ્ટ્રીય ક્રિકેટથી દૂર રહેલા શમીને ઈંગ્લેન્ડ સામેની T20 શ્રેણી માટે ટીમ ઈન્ડિયામાં જગ્યા મળી ગઈ છે, પરંતુ તે પ્રથમ મેચમાં રમી શક્યો નહોતો. હવે એવું માનવામાં આવે છે કે તેની વાપસીમાં હજુ થોડો સમય લાગી શકે છે અને તે બીજી T20 મેચમાં પણ રમી શકશે નહીં.
એક રિપોર્ટમાં દાવો કરવામાં આવ્યો છે કે સ્ટાર ફાસ્ટ બોલર શમી બીજી T20 મેચમાંથી પણ બહાર બેસી શકે છે. આ મેચ શનિવારે 25 જાન્યુઆરીએ ચેન્નાઈના એમએ ચિદમ્બરમ સ્ટેડિયમમાં રમાશે. એવું માનવામાં આવે છે કે શમી હજુ પણ સંપૂર્ણ રીતે ફિટ નથી. તેને પ્રથમ T20 મેચમાં પ્લેઈંગ ઈલેવનમાં સ્થાન ન મળવાને કારણે તેની ફિટનેસ પર સવાલો ઉઠી રહ્યા હતા અને હવે આ રિપોર્ટ દ્વારા આ દાવાઓને મજબૂતી મળી રહી છે.
એક રિપોર્ટમાં દાવો કરવામાં આવ્યો છે કે સ્ટાર ફાસ્ટ બોલર શમી બીજી T20 મેચમાંથી પણ બહાર બેસી શકે છે. આ મેચ શનિવારે 25 જાન્યુઆરીએ ચેન્નાઈના એમએ ચિદમ્બરમ સ્ટેડિયમમાં રમાશે. એવું માનવામાં આવે છે કે શમી હજુ પણ સંપૂર્ણ રીતે ફિટ નથી. તેને પ્રથમ T20 મેચમાં પ્લેઈંગ ઈલેવનમાં સ્થાન ન મળવાને કારણે તેની ફિટનેસ પર સવાલો ઉઠી રહ્યા હતા અને હવે આ રિપોર્ટ દ્વારા આ દાવાઓને મજબૂતી મળી રહી છે.
હવે સત્ય શું છે તે તો શમી અને ભારતીય ટીમનું મેનેજમેન્ટ જ કહી શકે છે. જો કે, આ 5 મેચની શ્રેણી છે અને તેથી તે પણ શક્ય છે કે મેનેજમેન્ટ તરત જ બોલિંગનો ભાર શમી પર નાખવા માંગતું નથી. જો આપણે કોલકાતા T20 પર નજર કરીએ તો અહીં ભારતીય ટીમને વધારાના પેસરની જરૂર નહોતી કારણ કે 3 સ્પિનરોએ મોટી ભૂમિકા ભજવી હતી.
ચેન્નાઈની સ્પિન ફ્રેન્ડલી પિચ પર પણ આ જ સ્થિતિ યથાવત રહેવાની શક્યતા છે. આવી સ્થિતિમાં શમી માટે અહીં રમવું મુશ્કેલ લાગે છે. એવી પણ શક્યતા છે કે ચેમ્પિયન્સ ટ્રોફીને ધ્યાનમાં રાખીને તેને થોડો વધુ આરામ આપવામાં આવી રહ્યો છે. (All Photo Credit : X / PTI)