હાર્દિક પંડ્યાની હોમ ટીમ બરોડાએ T20માં સૌથી વધુ સ્કોર બનાવવાના તમામ રેકોર્ડ તોડી નાખ્યા
તમામ સ્કોરને પાછળ છોડીને બરોડાની ટીમે નવો રેકોર્ડ બનાવ્યો છે. બરોડાની ટીમે T20 ક્રિકેટના ઈતિહાસમાં સૌથી મોટો સ્કોર બનાવ્યો છે. બરોડાની ઈનિંગમાં કુલ 37 સિક્સર ફટકારવામાં આવી હતી.
સૈયદ મુશ્તાક અલી T20 ટ્રોફીના ગ્રુપ B મેચમાં બરોડાએ સિક્કિમ સામે પ્રથમ બેટિંગ કરીને ઈતિહાસ રચ્યો હતો. બરોડાના બેટ્સમેનોએ કરેલા ઘોંઘાટનો સિક્કિમના બોલરો પાસે કોઈ જવાબ નહોતો. બરોડાના બેટ્સમેનો તેમની સ્ટ્રાઈક રેટ જોઈને કેટલી નિર્દયતાથી બેટિંગ કરી રહ્યા હતા તેનો અંદાજ લગાવી શકો છો. ટોચના 5 બેટ્સમેનમાંથી કોઈનો સ્ટ્રાઈક રેટ 200થી નીચે નહોતો.
બરોડાના ટોપ ઓર્ડરના 5માંથી 4 બેટ્સમેનોએ ફિફ્ટી પ્લસ રન બનાવ્યા હતા. સૌથી વધુ રન ભાનુ પાનિયાએ બનાવ્યા હતા, જે 51 બોલમાં 134 રન બનાવ્યા બાદ અણનમ રરહ્યો હતો. 262.75ની સ્ટ્રાઈક સાથે રમાયેલી તેની ઈનિંગમાં 15 સિક્સ અને 5 ફોરનો સમાવેશ થાય છે. આ સિવાય શિવાલિક શર્માએ 17 બોલમાં 323થી વધુના સ્ટ્રાઈક રેટથી 55 રન બનાવ્યા હતા. સોલંકીએ 312થી વધુના સ્ટ્રાઈક રેટથી 50 રન બનાવ્યા હતા. સૌથી પહેલા ઓપનર અભિમન્યુ સિંહે 17 બોલમાં 311થી વધુના સ્ટ્રાઈક રેટથી 53 રન બનાવ્યા હતા. (All Photo Credit : X / INSTAGRAM )
