બરાબર 25 વર્ષ પહેલા આખું ક્રિકેટ જગત આ ઈતિહાસનું સાક્ષી બન્યું હતું, જ્યારે દિગ્ગજ ભારતીય લેગ સ્પિનર અનિલ કુંબલેએ દિલ્હીના ફિરોઝ શાહ કોટલા મેદાનમાં પાકિસ્તાની બેટ્સમેનોને શરણે જવા મજબૂર કર્યા હતા.
બરાબર 25 વર્ષ પહેલા આખું ક્રિકેટ જગત આ ઈતિહાસનું સાક્ષી બન્યું હતું, જ્યારે દિગ્ગજ ભારતીય લેગ સ્પિનર અનિલ કુંબલેએ દિલ્હીના ફિરોઝ શાહ કોટલા મેદાનમાં પાકિસ્તાની બેટ્સમેનોને શરણે જવા મજબૂર કર્યા હતા.
7 ફેબ્રુઆરી 1999ના રોજ, ભારત અને પાકિસ્તાન વચ્ચે ટેસ્ટ શ્રેણીની બીજી મેચ દિલ્હીમાં રમાઈ હતી. ભારતીય ટીમે પ્રથમ બેટિંગ કરીને 252 રન બનાવ્યા હતા. જવાબમાં પાકિસ્તાનની ટીમ માત્ર 172 રનમાં જ સમેટાઈ ગઈ હતી. કુંબલેએ પ્રથમ દાવમાં 4 વિકેટ ઝડપી હતી. પ્રથમ દાવમાં 80 રનની લીડ લીધા બાદ ભારતીય ટીમે બીજી ઈનિંગમાં 339 રનનો મોટો સ્કોર બનાવ્યો અને પાકિસ્તાનને જીતવા માટે 420 રનનો ટાર્ગેટ આપ્યો.
મેચના ચોથા દિવસે એટલે કે 7 ફેબ્રુઆરીએ ભારતનો બીજો દાવ સમાપ્ત થયો અને પાકિસ્તાની ટીમ બેટિંગ કરવા ઉતરી. શાહિદ આફ્રિદી અને સઈદ અનવરે પ્રથમ વિકેટ માટે 101 રનની ભાગીદારી કરીને ભારતને વિકેટ માટે તડપાવ્યું હતું. ત્યારબાદ કુંબલેએ સૌથી પહેલા આફ્રિદીની વિકેટ લીધી. અહીંથી વિકેટોનો ધમધમાટ શરૂ થયો અને થોડી જ વારમાં કુંબલેએ તમામ 10 વિકેટ લઈને ઈતિહાસ રચી દીધો.
ક્રિકેટના ઈતિહાસમાં માત્ર બીજી વખત કોઈ એક બોલરે એક દાવમાં તમામ 10 વિકેટ લેવાનું કારનામું કર્યું છે. તેના ઘણા વર્ષો પહેલા ઈંગ્લેન્ડના સ્પિનર જિમ લેકરે આ કારનામું કર્યું હતું. કુંબલે પછી, 2021માં, ન્યુઝીલેન્ડના સ્પિનર એજાઝ પટેલે મુંબઈના વાનખેડે સ્ટેડિયમમાં ભારત વિરુદ્ધ આ પરાક્રમનું પુનરાવર્તન કર્યું.
કુંબલેની આ ઐતિહાસિક સિદ્ધિના થોડા વર્ષો પછી, પાકિસ્તાનના દિગ્ગજ ઝડપી બોલર વસીમ અકરમે એક સનસનાટીભર્યો ઘટસ્ફોટ કર્યો હતો, જેણે તેના સાથી ફાસ્ટ બોલર વકાર યુનિસની 'સ્પોર્ટ્સમેનશિપ' પર પ્રશ્નાર્થ મૂક્યો હતો.
તે મેચમાં છેલ્લી જોડી તરીકે પાકિસ્તાનના કેપ્ટન અકરમ અને યુનિસ હાજર હતા. વસીમે કહ્યું કે યુનિસ પોતે રનઆઉટ થવા માંગતો હતો, જેના કારણે કુંબલે તમામ 10 વિકેટો મેળવી શક્યો ન હોત અને આ રીતે તે ઈતિહાસ રચી શક્યો ન હોત. જોકે, વકારનું આ ષડયંત્ર સફળ ન થઈ શક્યું અને તેની પહેલાં વસીમ કુંબલેનો શિકાર બન્યો.