રોહિત શર્મા બાદ હવે સ્મૃતિ મંધાનાની કેપ્ટનશીપમાં ટીમ ઈન્ડિયાએ રચ્યો ઈતિહાસ, 15 જાન્યુઆરી બની ખાસ
ભારતીય ક્રિકેટના ઈતિહાસમાં 15 જાન્યુઆરીનો દિવસ ખાસ બની ગયો છે. 15 જાન્યુઆરી એ ભારતની પુરુષ અને મહિલા બંને નેશનલ ટીમ માટે ખૂબ જ ખાસ સાબિત થયો છે. 15 જાન્યુઆરીએ એવું તો શું થયું કે આ દિવસ ભારતીય ક્રિકેટ માટે ખાસ બની ગયો? જાણો આ આર્ટિકલમાં.
ભારતીય ક્રિકેટના ઈતિહાસમાં 15મી જાન્યુઆરીનો દિવસ ખૂબ જ ખાસ બની ગયો છે. આ દિવસે ભારતીય પુરુષ અને મહિલા ટીમ દ્વારા મોટો રેકોર્ડ બનાવવામાં આવ્યો છે.
ભારતીય મહિલા ટીમે 15 જાન્યુઆરીએ રાજકોટના સૌરાષ્ટ્ર ક્રિકેટ એસોસિએશન સ્ટેડિયમ ખાતે આયર્લેન્ડ સામે ODI મેચમાં કેટલાક રેકોર્ડ બનાવ્યા હતા. જેમાં એક મોટો રેકોર્ડ પણ સામેલ છે.
ભારતીય મહિલા ક્રિકેટ ટીમે 15મી જાન્યુઆરીએ એક સિદ્ધિ હાંસલ કરી હતી જે ભારતીય પુરૂષ ટીમે બે વર્ષ પહેલા આ જ તારીખે હાંસલ કરી હતી.
વાસ્તવમાં, ભારતીય મહિલા ટીમે આ મેચમાં આયર્લેન્ડને 304 રનના માર્જિનથી હરાવ્યું હતું. ODI ક્રિકેટના ઈતિહાસમાં ભારતની આ સૌથી મોટી જીત છે.
બે વર્ષ પહેલા 15 જાન્યુઆરીએ ભારતીય પુરુષ ટીમે પણ ODI ક્રિકેટના ઈતિહાસમાં સૌથી મોટી જીત હાંસલ કરી હતી. ટીમ ઈન્ડિયાએ શ્રીલંકાને 317 રનના માર્જિનથી હરાવ્યું હતું.
એટલે કે ભારતીય પુરુષ અને મહિલા બંને ટીમોએ એક જ તારીખે તેમની ODI ઈતિહાસની સૌથી મોટી જીત હાંસલ કરી છે. એવામાં 15 જાન્યુઆરીનો દિવસ ભારતીય ક્રિકેટ માટે ખૂબ જ ખાસ બની ગયો છે. (All Photo Credit : PTI / X / BCCI)
Published On - 7:45 pm, Wed, 15 January 25