વિશ્વના સૌથી મોટા ફિલ્મ સ્ટુડિયોની સ્થાપના કરનાર રામોજી રાવના પરિવાર વિશે જાણો, જેમણે એવો કોઈ બિઝનેસ નહિ હોય તેમાં સફળતા ન મળી હોય
ચેરુકુરી રામોજી રાવનો જન્મ 16 નવેમ્બર 1936ના રોજ પેડાપરુપુડીમાં થયો છે. તેના દાદાએ તેમનું નામ રામૈયા રાખ્યું હતુ. રામોજી રાવે કોઈ પણ ક્ષેત્રમાં પગ રાખ્યો તમામમાં સફળતા મેળવી છે. પરંતુ આજે રામોજી રાવ આપણી સાથે નથી પરંતુ આજે તેના પરિવાર વિશે વાત કરીશું.
જેમણે ભારતીય મીડિયામાં ક્રાંતિ લાવી. તેમના સમૃદ્ધ યોગદાનથી પત્રકારત્વ અને ફિલ્મની દુનિયા પર મોટી છાપ છોડી છે.રામોજી ફિલ્મ સિટીને વિશ્વનો સૌથી મોટો ફિલ્મ શૂટિંગ સ્ટુડિયો માનવામાં આવે છે.તમને જણાવી દઈએ કે રામોજી ફિલ્મ સિટી હૈદરાબાદની સ્થાપના 1996માં રામોજી રાવે કરી હતી.
આજે આપણે એક એવા વ્યક્તિના પરિવાર વિશે વાત કરીશું કે, જેમણે એવો કોઈ બિઝનેસ બાકી નહિ હોય તેમાં ઝંપલાવ્યું ન હોય. રામોજી રાવ આ નામ સૌ કોઈએ સાંભળ્યું હશે.
એક સામાન્ય ખેડૂત પરિવારમાં જન્મ લેવાથી લઈને દેશના મીડિયા અને મનોરંજન ઉદ્યોગમાં સૌથી મોટા ઉદ્યોગસાહસિક બનવા સુધીની તેમની સફર અનોખી રહી છે. શનિવારે 87 વર્ષની વયે તેમણે અંતિમ શ્વાસ લીધા હતા. તો આજે આપણે રામોજી રાવના પરિવાર વિશે જાણીશું.
રામોજી રાવે B.Sc મેળવવા માટે ગુડીવાડા મ્યુનિસિપલ હાઈસ્કૂલ અને પછી ગુડીવાડા કોલેજમાં અભ્યાસ કર્યો. તેણે પોતાનું શિક્ષણ પૂરું કર્યા પછી દિલ્હીમાં એક એડવર્ટાઈઝિંગ એજન્સીમાં કારકિર્દી શરૂ કરી હતી.રામોજીએ ઓગસ્ટ 1961માં રમાદેવી સાથે લગ્ન કર્યા હતા. તેમને બે પુત્ર હતા. તેમાંથી નાના પુત્રનું નિધન થઈ ચુક્યું છે.
રામોજી રાવે પ્રિયા ફૂડ્સ દ્વારા ઉત્પાદિત અથાણાંની પ્રિયા બ્રાન્ડનું નામ છે અને યુએસ જેવા વિદેશી દેશોમાં પણ લોકપ્રિય છે. જો તમે ફિલ્મ સીટીની મુલાકાત લેવા જાવ છો તે દરમિયાન તમને રામોજી રાવની એક ફિલ્મ પણ દેખાડવામાં આવે છે.
ચેરુકુરી રામોજી રાવનો જન્મ 16 નવેમ્બર 1936ના રોજ કૃષ્ણા જિલ્લાના પેડાપારુપુડી, મદ્રાસ પ્રેસિડેન્સી, ભારતના એક ખેડૂત પરિવારમાં થયો હતો. રામોજી રાવના નાના પુત્ર ચેરુકુરી સુમનનું 7 સપ્ટેમ્બર 2012ના રોજ લ્યુકેમિયાના કારણે અવસાન થયું હતું.ચેરુકુરી રામોજી રાવનું હૈદરાબાદમાં 8 જૂન 2024ના રોજ 87 વર્ષની વયે અવસાન થયું છે.
રામોજી રાવને પદ્મ વિભૂષણ (2016) સહિત તેલુગુ સિનેમા અને મીડિયામાં તેમના યોગદાન માટે ઘણા સન્માન અને પુરસ્કારો પ્રાપ્ત થયા છે. આ સિવાય તેમને રામીનેની ફાઉન્ડેશન એવોર્ડ અને ફિલ્મફેર લાઈફટાઈમ અચીવમેન્ટ એવોર્ડ પણ મળ્યો છે.
એસ.એસ. રાજામૌલીની પ્રખ્યાત 'બાહુબલી' તેમજ આરઆરઆર સહિત અનેક ફિલ્મો અને કેટલીક બોલિવુડ બ્લોકબસ્ટર ફિલ્મોનું શૂટિંગ હૈદરાબાદમાં આવેલા રામોજી ફિલ્મ સિટીમાં કરવામાં આવ્યું છે.
રામોજી રાવની રામોજી ફિલ્મ સિટીમાં દર વર્ષ દેશ વિદેશથી પ્રવાસીઓ મુલાકાત લે છે. હોલીવુડના સ્ટુડિયો જેવો જ સ્ટુડિયો બનાવવાની ઈચ્છા ધરાવતા રામોજી રાવે હૈદરાબાદમાં 1996માં રામોજી ફિલ્મ સિટીની સ્થાપના કરી. રામોજી ફિલ્મ સિટીને ગિનીસ વર્લ્ડ રેકોર્ડ્સ દ્વારા વિશ્વની સૌથી મોટી ફિલ્મ સિટી તરીકે ઓળખવામાં આવી છે. આ ફિલ્મ સીટી આગળ વિદેશ પણ ટુંકુ પડે છે.
રાવજીની સૌથી મોટી સિદ્ધિ 1996માં બનેલી રામોજી ફિલ્મ સિટી માનવામાં આવે છે, જે 1666 એકરમાં ફેલાયેલી છે. રામોજી ફિલ્મ સિટી માત્ર એક ફિલ્મ સ્ટુડિયો નથી, પરંતુ તે પ્રવાસીઓ માટે આકર્ષણનું કેન્દ્ર પણ છે. તેમાં ફિલ્મ અને ટેલિવિઝનના નિર્માણ માટે વિશાળ ફિલ્મ સેટ, બગીચા, હોટેલ અને વિશ્વ કક્ષાની સુવિધાઓ છે. આ ફિલ્મ સીટીમાં અનેક ફિલ્મોનું શૂટિંગ થયું છે.
એક મીડિયા દિગ્ગજ તરીકે રામોજી રાવનો તેલુગુ રાજકારણ પર મહત્ત્વનો પ્રભાવ હતો. તેમના ઘણા રાજ્ય અને રાષ્ટ્રીય નેતાઓ સાથે ખૂબ સારા સંબંધો હતા જેઓ મહત્વપૂર્ણ મુદ્દાઓ પર તેમની સલાહ લેતા હતા.
પત્રકારત્વ, સાહિત્ય, સિનેમા અને શિક્ષણમાં તેમના ઉત્કૃષ્ટ યોગદાન માટે ભારત સરકારે તેમને 2016માં દેશના બીજા સર્વોચ્ચ નાગરિક પુરસ્કાર પદ્મ વિભૂષણથી સન્માનિત કર્યા.
રામોજી રાવે અનેક લોકોને રોજગારી પુરી પાડી છે.કુદરતી આફતો પછી ઈનાડુ રિલીફ ફંડમાંથી એકત્ર કરાયેલા નાણાંથી ઘણા રાજ્યોમાં અનેક મકાનો અને શાળાઓ બનાવવામાં આવી છે.
હૈદરાબાદમાં આવેલ રામોજી ફિલ્મ સિટી ખાતે રામોજી રાવના પાર્થિવ દેહના અંતિમ સંસ્કાર કરવામાં આવ્યાં છે