Good Return : બાબા રામદેવની આ કંપનીના શેરો પર રોકાણકારોની ભારે ખરીદી, રેકોર્ડ હાઈ પર પહોચી કિંમત
બાબા રામદેવની આ કંપનીના શેરમાં ભારે ખરીદી જોવા મળી હતી. ટ્રેડિંગ દરમિયાન, શેરની કિંમત 7 ટકા વધી અને 1,797.95ની રેકોર્ડ હાઈ સપાટીએ પહોંચી ગઈ છે. તમને જણાવી દઈએ કે પતંજલિ ફૂડ્સ ખાદ્ય તેલ, ફૂડ અને એફએમસીજી અને વિન્ડ એનર્જી પ્રોડક્શન સેક્ટરમાં પતંજલિ, રૂચી ગોલ્ડ, મહાકોશ, ન્યુટ્રેલા વગેરે જેવી બ્રાન્ડ્સ દ્વારા હાજર છે.
સપ્તાહના બીજા કારોબારી દિવસે મંગળવારે અને 06 ઓગસ્ટના રોજ શેરબજારમાં ભારે ઉતાર-ચઢાવ જોવા મળ્યો હતો. તે જ સમયે, આગામી ક્વાર્ટરમાં ગ્રામીણ માંગમાં વધારો થવાની અપેક્ષાઓ વચ્ચે, યોગગુરુ બાબા રામદેવની કંપનીના શેર ખરીદવા માટે ધસારો હતો.
ટ્રેડિંગ દરમિયાન, શેરની કિંમત 7 ટકા વધી અને 1,797.95 રૂપિયાની રેકોર્ડ ઊંચી સપાટીએ પહોંચી હતી. આ સાથે, ખાદ્ય તેલ કંપની પતંજલિ ફૂડ્સનો સ્ટોક 2 જુલાઈ, 2024ના રોજ તેની અગાઉની ટોચની 1,769.15 રૂપિયાને વટાવી ગયો હતો. તે જ સમયે, તે 4 જૂને રૂ.1,170.10ની 52 સપ્તાહની નીચી સપાટીથી 54 ટકા ઊછળ્યો છે.
ફાસ્ટ-મૂવિંગ કન્ઝ્યુમર ગુડ્સ (FMCG) કંપની પતંજલિ ફૂડ્સે જૂન 2024 ક્વાર્ટરમાં નફામાં 200 ટકાનો વધારો નોંધાવ્યો છે. આ સમયગાળા દરમિયાન કંપનીનો નફો વધીને 262.9 કરોડ રૂપિયા થયો છે, જે એક વર્ષ અગાઉના સમયગાળામાં રૂ. 87.8 કરોડ હતો.
એબિટડા માર્જિન 6.07 ટકા હતું. જોકે, જૂન ક્વાર્ટરમાં કંપનીનું ચોખ્ખું વેચાણ 7.6 ટકા ઘટીને રૂ. 7,173 કરોડ થયું હતું, જે એક વર્ષ અગાઉના સમાન સમયગાળામાં રૂ. 7,767 કરોડ હતું. કંપનીના મેનેજમેન્ટને બ્રાન્ડેડ ખાદ્ય તેલના વેચાણમાં સુધારો જોવા મળી રહ્યો છે.
કંપનીના બોર્ડ ઓફ ડિરેક્ટર્સે 1 જુલાઈ, 2024ના રોજ પતંજલિ આયુર્વેદ લિમિટેડ (PAL)ના હોમ એન્ડ પર્સનલ કેર (HPC) વ્યવસાયના સંપાદનને મંજૂરી આપી હતી, જે અગ્રણી FMCG કંપનીમાં પરિવર્તનની ગતિને વેગ આપે છે.
HPC બિઝનેસે FY24માં રૂ. 2,771 કરોડની આવક પહોંચાડી હતી. કંપનીએ જણાવ્યું હતું કે HPC બિઝનેસ હસ્તગત કરવાની આ વ્યૂહાત્મક પહેલ અગ્રણી બ્રાન્ડ્સ સાથે કંપનીના FMCG પ્રોડક્ટ પોર્ટફોલિયોને મજબૂત બનાવશે.
તમને જણાવી દઈએ કે પતંજલિ ફૂડ્સ ખાદ્ય તેલ, ફૂડ અને એફએમસીજી અને વિન્ડ એનર્જી પ્રોડક્શન સેક્ટરમાં પતંજલિ, રૂચી ગોલ્ડ, મહાકોશ, ન્યુટ્રેલા વગેરે જેવી બ્રાન્ડ્સ દ્વારા હાજર છે.
નોંધ: શેરબજારમાં જાણકારી વગર રોકાણ ન કરો. કોઈપણ શેરમાં રોકાણ કરતા પહેલા તમારે તમારા નાણાકીય સલાહકાર સાથે એકવાર વાત કરવી જોઈએ. જો તમે આવું ન કરો તો તમારે આર્થિક નુકસાન સહન કરવું પડી શકે છે.