Breaking News : રાષ્ટ્રપતિ પુતિનનું ભારતમાં સ્વાગત, એરપોર્ટ પર PM મોદી ખુદ લેવા પહોંચ્યા, જુઓ Video
રશિયાનાં રાષ્ટ્રપતિ વ્લાદિમિર પુતિનની ભારત મુલાકાતને વિશેષ બનાવતા પીએમ નરેન્દ્ર મોદી ખુદ તેમને લેવા માટે દિલ્હીના પાલમ એરપોર્ટ પર પહોંચ્યા. સામાન્ય રીતે રાષ્ટ્રીય મહેમાનોનું સ્વાગત પ્રોટોકોલ અનુસાર અધિકારીઓ અથવા મંત્રીઓ કરે છે, પરંતુ આ વખત પીએમ મોદીએ સ્વયં પહોંચીને ભારત-રશિયા મિત્રતાનું અનોખું પ્રતિક રજૂ કર્યું.
પુતિનના વિમાનના ઉતરવાની જાણ થતાં જ પીએમ મોદી લાલ જાજમ પાથરાયેલા સ્વાગત સ્થળે પહોંચ્યા હતા. એરપોર્ટ પર સુરક્ષા વ્યવસ્થાઓ કડક બનાવવામાં આવી હતી અને સ્વાગત માટે સંપૂર્ણ પ્રોટોકોલ સાથે ગાર્ડ ઓફ ઓનરની તૈયારીઓ જોવા મળી રહી હતી. પુતિનના વિમાનથી બહાર આવતા પીએમ મોદી તેમને વ્યક્તિગત રીતે આવકારી દેશના સન્માનને એક નવી ઊંચાઈ પર લઈ ગયા.
પીએમ મોદીના આ પગલાને રાજદ્વારી સંદેશા તરીકે પણ જોવામાં આવી રહ્યું છે. વિશ્વ રાજનીતિમાં ચાલી રહેલી તાસીર વચ્ચે, ભારત રશિયાના સંબંધોને કેટલી મહત્ત્વ આપે છે તેનો શક્તિશાળી સંદેશ આ સ્વાગતમાં સ્પષ્ટ દેખાયો. નિષ્ણાતોનું માનવું છે કે પીએમ મોદીનું એરપોર્ટ સુધી પહોંચવું બંને દેશો વચ્ચેની વિશ્વાસપૂર્ણ અને દાયકાઓ જૂની વ્યૂહાત્મક મિત્રતાને પુનઃસ્થાપિત કરે છે.
#WATCH | Prime Minister Narendra Modi receives Russian President Vladimir Putin, at the Palam Technical Airport in Delhi
President Putin is on a two-day State visit to India. He will hold the 23rd India-Russia Annual Summit with PM Narendra Modi in Delhi on December 5
(Source:… pic.twitter.com/rpJaipVqmF
— ANI (@ANI) December 4, 2025
આ ક્ષણને કેદ કરવા માટે એરપોર્ટ પર મીડિયા અને અધિકારીઓની ભારે હાજરી જોવા મળી રહી હતી. પુતિન અને પીએમ મોદી વચ્ચે ટૂંક સમયમાં દ્વિપક્ષીય ચર્ચાઓ શરૂ થવાની છે જેમાં રક્ષા, ઊર્જા, વેપાર અને ટેકનોલોજી જેવા મુદ્દાઓ પર તથા વૈશ્વિક પરિસ્થિતિને ધ્યાનમાં રાખીને વિશેષ ચર્ચા થવાની અપેક્ષા છે.
પુતિનનું સ્વાગત કરવા પીએમ મોદી ખુદ એરપોર્ટ જતાં નજરે જોયેલી આ ક્ષણ આજે ભારત-રશિયા મિત્રતાના ઈતિહાસમાં એક સશક્ત પ્રતીક તરીકે નોંધાઈ રહી છે. જ્યાં માત્ર પ્રોટોકોલ નહીં, પરંતુ મિત્રતા અને વિશ્વાસે આગેવાની લીધી.
એવુ તો શું છે દિલ્હીના હૈદરાબાદ હાઉસમાં કે, PM મોદી વિદેશી મહેમાનોને ત્યાં જ મળે છે.. !
