પહેલા ધોરણની આ બાળકી ધોરણ 7ના બાળકોને ભણાવી શકે છે, વારાણસીની દ્રષ્ટિનું નામ ઈન્ડિયા બુક ઓફ રેકોર્ડમાં નોંધાયું
કેટલાક બાળકો એવા છે જેઓ તેમની બુદ્ધિમત્તા અને જ્ઞાનના ઉત્કૃષ્ટ પ્રદર્શન માટે વિશ્વમાં જાણીતા છે. ખૂબ નાની ઉંમરમાં મોટા કામ કરીને તેઓ પોતાની ઓળખ સામાન્ય બાળકો કરતા અલગ બનાવે છે.
કેટલાક બાળકો એવા છે જેઓ તેમની બુદ્ધિમત્તા અને જ્ઞાનના ઉત્કૃષ્ટ પ્રદર્શન માટે વિશ્વમાં જાણીતા છે. ખૂબ નાની ઉંમરમાં મોટા કામ કરીને તેઓ પોતાની ઓળખ સામાન્ય બાળકો કરતા અલગ બનાવે છે. આવું જ એક નામ વારાણસીની દ્રષ્ટિ મિશ્રાનું સામે આવ્યું છે. દ્રષ્ટિ મિશ્રા વિશે જાણીને તમને પણ લાગશે કે તે સામાન્ય બાળકો જેવી નથી. દ્રષ્ટિની ગણિતમાં એટલી સારી પકડ છે કે, તેણે માત્ર 5 વર્ષની ઉંમરે ઈન્ડિયા બુક ઓફ રેકોર્ડમાં પોતાનું નામ નોંધાવ્યું છે. ધોરણ 1માં અભ્યાસ કરતી દ્રષ્ટિની બૌદ્ધિક ક્ષમતા એવી છે કે તે ધોરણ 7 ના ગણિતના પ્રશ્નો સોલ્વ કરી શકે છે. તેની ચર્ચા આજકાલ દરેક જગ્યાએ થઈ રહી છે.
ઉત્તર પ્રદેશના વારાણસીની રહેવાસી દ્રષ્ટિ મિશ્રાને લોકો હવે ગોડ ગિફ્ટેડ ચાઈલ્ડ કહીને બોલાવે છે. દૃષ્ટિ એક પબ્લિક સ્કૂલમાં પહેલા ધોરણમાં અભ્યાસ કરે છે. તે ધોરણ 6 અને VII ના ગણિતના પ્રશ્નો સોલ્વ કરે છે. આ સિવાય દ્રષ્ટિને તમામ દેશો, તેમની રાજધાની અને ધ્વજની ઓળખ કરતા આવડે છે.
ઈન્ડિયા બુક ઓફ રેકોર્ડ્સમાં નામ સામેલ
દ્રષ્ટિ મિશ્રાનું નામ ઈન્ડિયા બુક ઓફ રેકોર્ડ્સમાં સામેલ છે. વિશ્વના તમામ દેશો, તેમની રાજધાની અને ધ્વજને ઓળખવા બદલ આ 5 વર્ષની બાળકીને ઈન્ડિયા બુક ઓફ રેકોર્ડ્સમાં સન્માનિત કરવામાં આવી છે. તે આટલી નાની ઉંમરે તેના ગામની છોકરીઓને ગણિત શીખવે છે. દ્રષ્ટિના પિતા અશ્વની કુમાર મિશ્રાએ જણાવ્યું કે, તે હંમેશા ક્લાસમાં અન્ય બાળકો કરતા ઝડપી રહી છે. જો કોઈ તેને શીખવવાનો પ્રયત્ન કરે છે, તો તે દરેક વસ્તુ વિશે ઘણા પ્રશ્નો પૂછે છે. તે જ સમયે, તેણીએ જણાવ્યું કે, જ્યારે દેશની યુકેજીમાં અભ્યાસ કરતી હતી, ત્યારે તે ધોરણ 3 અને 4 ના ગણિતના પ્રશ્નો હલ કરતી હતી.
દ્રષ્ટિ IAS બનવા માંગે છે
આટલી નાની ઉંમરે ઈન્ડિયા બુક ઓફ રેકોર્ડમાં નામ નોંધાવનાર દ્રષ્ટિ IAS ઓફિસર બનવા માંગે છે. મીડિયા રિપોર્ટ્સ અનુસાર, સૃષ્ટિના પિતાએ કહ્યું કે, તે હવેથી દુનિયા બદલવાનું સપનું જુએ છે. તે એવી છોકરીઓને પણ ભણાવે છે જેમને ભણતરની સુવિધા નથી.
Latest News Updates
