લોકસભામાં વિપક્ષના નેતા રાહુલ ગાંધીએ બુધવારે બજેટ પરની ચર્ચામાં બોલતા માત્ર અમેરિકા પર જ નહીં પરંતુ કેન્દ્રની મોદી સરકાર પર પણ શાબ્દિક હુમલો કર્યો. રાહુલે દાવો કર્યો કે, અમેરિકા સાથેના ટ્રેડ ડીલમાં કેન્દ્ર સરકારે દેશને વેચી માર્યો, ખેડૂતોના હિતોને પણ અમેરિકાના ચરણે ધરી દીધા છે. યુએસએને સરેન્ડર થઈને ટ્રેડ ડીલ અમેરિકાના દબાણ હેઠળ કરાયો છે. રાહુલ ગાંધીએ એમ પણ કહ્યું કે અમેરિકાની નજર ભારતના ડેટા પર છે. આપણો ડેટા વેચાઈ ગયો છે, ખેડૂતો વેચાઈ ગયા છે. દેશને વેચી નાખવામાં આવ્યો છે. આની સામે સંસદીય બાબતોના મંત્રી કિરેન રિજિજુએ રાહુલ ગાંધીને વળતો જવાબ આપતા કહ્યું કે, કોઈ માઈનો લાલ પેદા નથી થયો જે આ દેશને વેચી મારે, અત્યાર સુધીના વડાપ્રધાનમાં નરેન્દ્ર મોદી સૌથી મજબૂત વડાપ્રધાન હોવાનું તેમણે સંસદમાં કહ્યું હતું.

વિરોધ પક્ષના નેતા રાહુલ ગાંધીએ અંદાજપત્ર પરની ચર્ચા કરતા કહ્યું કે, જો ભારત ગઠબંધન યુએસ પ્રમુખ ડોનાલ્ડ ટ્રમ્પ સાથે વાટાઘાટો કરે, તો હું તમને કહીશ કે અમે શું કરીશું. પ્રથમ, અમે રાષ્ટ્રપતિ ટ્રમ્પને કહીશું, “આ સમીકરણમાં સૌથી મહત્વપૂર્ણ વસ્તુ ભારતીય ડેટા છે. શું તમે તમારા ડોલર બચાવવા માંગો છો ? અમે તમારા મિત્રો છીએ. અમે તમારી પ્રશંસા કરીએ છીએ. અમે તમારા ડોલર બચાવવામાં તમારી મદદ કરવા માંગીએ છીએ, પરંતુ કૃપા કરીને યાદ રાખો કે જો તમે તમારા ડોલર બચાવવા માંગતા હો, તો તમારા ડોલર બચાવી શકે તેવી સૌથી મોટી સંપત્તિ ભારતીય લોકો છે.”

#WATCH | संसद में लोकसभा में नेता प्रतिपक्ष और कांग्रेस सांसद राहुल गांधी ने कहा, “…मैं कह रहा हूं कि आपने भारत बेच दिया है। क्या आपको भारत बेचने में शर्म नहीं आती? आपने हमारी मां, भारत माता को बेच दिया है। मज़ेदार बात यह है कि मुझे पता है कि आम हालात में प्रधानमंत्री भारत को… pic.twitter.com/ad15lBfWEa

— ANI_HindiNews (@AHindinews) February 11, 2026

રાહુલે કહ્યું, “રાષ્ટ્રપતિ ટ્રમ્પ, જો તમે આ ડેટાની એક્સેસ ઇચ્છતા હો, તો કૃપા કરીને સમજો કે તમે અમારી સાથે સમાન શરતો પર વાત કરો. તમે અમારી સાથે તમારા સેવકો તરીકે વાત નહીં કરો. બીજી વાત અમે કહીશું કે, ટ્રમ્પ, કૃપા કરીને સમજો કે અમારી ઉર્જા સુરક્ષા અમારી છે.” ગમે તે થાય, અમે અમારી ઉર્જા સુરક્ષાનું રક્ષણ કરીશું. ત્રીજી વાત અમે કહીશું કે, રાષ્ટ્રપતિ ટ્રમ્પ, અમે સમજીએ છીએ કે તમારી પાસે મતદાતા આધાર છે, કૃષિ મતદાતા આધાર છે. અમે સમજીએ છીએ કે તમારે તમારા ખેડૂતોનું રક્ષણ કરવાની જરૂર છે, પરંતુ અમે અમારા ખેડૂતોનું પણ રક્ષણ કરીશું.

#WATCH | Delhi: Union Parliamentary Affairs Minister Kiren Rijiju says, “While giving a speech on the budget, Rahul Gandhi is making allegations without any argument, without any evidence and without giving any notice… His entire speech, whatever wrong things he has said,… pic.twitter.com/VnaqzKDK8O

— ANI (@ANI) February 11, 2026

અધ્યક્ષની ખુરશીમાં બેઠેલા જગદંબિકા પાલને કહ્યું, મને ખબર છે કે તમે પૂર્વ કોંગ્રેસી છો

લોકસભામાં પોતાના સંબોધન દરમિયાન વિપક્ષના નેતા રાહુલ ગાંઘીએ, અવારનવાર ઉદ્યોગપતિના નામ લીધા હતા. જે ના લેવા માટે અધ્યક્ષની ખુરશીમાં બેઠેલા જગદંબિકા પાલે ટકોર કરી હતી. આમ છતા રાહુલ ગાંધી અવારનવાર ઉદ્યોગપતિના નામ ઉચ્ચારવામાં આવતા, રેકોર્ડ પરથી દૂર કરવામાં આવ્યા હતા. આ સમયે રાહુલ ગાંધીએ જગદંબિકા પાલને કહ્યું કે મને ખબર છે, તમે પૂર્વ કોંગ્રેસી છો. આ બાબતે અધ્યક્ષ સ્થાને બેઠેલા જગદંબિકા પાલે પણ વળતો શાબ્દિક પ્રહાર કરતા કહ્યું કે, એ સમયે તમે મારી વાત માની હોત તો આજે તમે જ્યાં બેઠા છો ત્યાં ના બેઠા હોત. જો કે રાહુલ ગાંધીએ તેમના સંબોધન દરમિયાન એપસ્ટીન ફાઈલનો પણ ઉલ્લેખ કર્યો હતો.

રાહુલ ગાંધીનુ સંબોધન પૂર્ણ થાય બાદ સંસદિય બાબતોના પ્રધાન કિરેન રિજ્જુજીએ, કહ્યું કે, દેશમાં કોઈ માઈનો લાલ પેદા નથી થયો જે દેશને વેચી શકે. અત્યાર સુધીના વડાપ્રધાનમાં એક માત્ર નરેન્દ્ર મોદી જ વડાપ્રધાન તરીકે સૌથી મજબૂત નેતા છે.

લોકસભાનો એ વીડિયો કિરેન રિજિજુએ કર્યો શેર, કોંગ્રેસની મહિલા સાંસદોએ કેવી રીતે પીએમની બેઠક પાસે મચાવ્યો હતો હોબાળો