Himachal Pradesh: હિમાચલમાં ફરી તબાહીનું જોખમ! 2 દિવસ ભારે વરસાદની આગાહીને પગલે રેડ એલર્ટ જાહેર, શિમલા અને મંડીમાં 2 દિવસ શાળાઓ બંધ

Himachal Pradesh: મંગળવારે હિમાચલ પ્રદેશના કેટલાક વિસ્તારોમાં વરસાદ પડ્યો હતો. સ્થાનિક હવામાન કચેરીએ (Met Department) રાજ્યના 12માંથી 8 જિલ્લાઓમાં રાત્રિ દરમિયાન ભારે વરસાદની આગાહી કરતા રેડ એલર્ટ જાહેર કર્યું. શિમલાના ડેપ્યુટી કમિશનર આદિત્ય નેગી અને મંડીના ડેપ્યુટી કમિશનર અરિંદમ ચૌધરીએ આ ચેતવણીને ધ્યાનમાં રાખીને આજે અને ગુરુવારે પોતપોતાના વિસ્તારોમાં તમામ શાળા અને કોલેજો બંધ રાખવાનો આદેશ આપ્યો છે. બિલાસપુરના ડેપ્યુટી કમિશનર આબિદ હુસૈન સાદીકે પણ કહ્યું કે આજે તમામ શૈક્ષણિક સંસ્થાઓ બંધ રહેશે.

(Credit- ANI)

બે દિવસ ભારે વરસાદની શક્યતા

જો કે મંગળવારે વરસાદને કારણે કોઈ જાનહાનિની ​​કોઈ માહિતી નથી. આ મહિનાની શરૂઆતમાં, શિમલામાં ભૂસ્ખલન અને વરસાદ સંબંધિત ઘટનાઓમાં લગભગ 80 લોકોના મોત થયા છે. IMD એ બે દિવસ ભારે વરસાદની આગાહી કરતા ઓરેન્જ એલર્ટ જાહેર કર્યું છે, જ્યારે 25 અને 26 ઓગસ્ટે ભારે વરસાદની આગાહી કરતા યલો એલર્ટ જાહેર કરવામાં આવ્યું છે.

આ પણ વાંચો: PM Modi: BRICS બિઝનેસ ફોરમમાં PM મોદીએ કહ્યું, ભારત વિશ્વનું ગ્રોથ એન્જિન બનશે, વિશ્વના દેશોને પણ કરી અપીલ

અત્યાર સુધીમાં 227 લોકોના મોત થયા

આ સિવાય IMDએ રાજ્યમાં 28 ઓગસ્ટ સુધી વરસાદની સંભાવના વ્યક્ત કરી છે. જણાવી દઈએ કે 24 જૂને ચોમાસાની શરૂઆત થઈ ત્યારથી હિમાચલમાં વરસાદ સંબંધિત ઘટનાઓમાં 227 લોકોના મોત થયા છે, જ્યારે 38 લોકો હજુ પણ લાપતા છે.

10000 કરોડનું નુકસાન

તે જ સમયે 12,000થી વધુ મકાનોને સંપૂર્ણ અથવા આંશિક રીતે નુકસાન થયું છે. આંકડાઓ અનુસાર, રાજ્યને લગભગ 8,100 કરોડ રૂપિયાનું નુકસાન થયું છે. તે જ સમયે, મુખ્ય પ્રધાન સુખવિંદર સિંહ સુખુનો દાવો છે કે આ નુકસાન 10,000 કરોડનું છે.

રાષ્ટ્રીય તમામ સમાચાર વાંચવા માટે અહીં ક્લિક કરો