Fact Check: જાણો શું છે ‘બેટી બચાઓ, બેટી પઢાઓ અંતર્ગત મેળવો નોકરી અને લેપટોપ’ના SMS ની સાચી હકીકત
એક વાયરલ મેસેજમાં કહેવામાં આવ્યું છે કે કેન્દ્ર સરકાર બેટી બચાવો, બેટી પઢાઓ (Beti Bachao, Beti Padhao) અભિયાન હેઠળ નોકરીઓ, લેપટોપ અને મોબાઈલ ફોન આપી રહી છે
Fact Check: શું તમે કોઈ એવી જાહેરાત જોઈ છે, જેમાં એવું કહેવામાં આવ્યું છે કે કેન્દ્ર સરકાર બેટી બચાવો, બેટી પઢાઓ (Beti Bachao, Beti Padhao) અભિયાન હેઠળ નોકરીઓ, લેપટોપ અને મોબાઈલ ફોન આપી રહી છે. તો અમે તમને જણાવી દઈએ કે આ દાવો સંપૂર્ણપણે ખોટો અને નકલી છે. સરકાર આ યોજના હેઠળ આવું કશું કરી રહી નથી. તો આ દાવાને જરાય માનશો નહીં. PIB ફેક્ટ ચેકે આ માહિતી આપી છે.
દાવામાં શું કહેવામાં આવ્યું છે? PIB ફેક્ટ ચેકે ટ્વિટ કરીને કહ્યું કે એક જાહેરાત બહાર આવી છે, જેમાં કહેવામાં આવ્યું છે કે સરકાર બેટી બચાવો, બેટી પઢાઓ યોજના હેઠળ નોકરી, લેપટોપ અને મોબાઈલ આપી રહી છે. તેણે પોતાના ટ્વિટર હેન્ડલ પર કહ્યું કે આ દાવો ખોટો અને નકલી છે. સરકાર પાસે આવી કોઈ યોજના નથી. આ છેતરપિંડી કરવાનો પ્રયાસ છે. આ યોજના હેઠળ કોઈપણ વ્યક્તિને પૈસા આપવાની સરકારની જોગવાઈ નથી.
તેણે આ જાહેરાતનો ફોટો પણ શેર કર્યો છે. એવું જોવા મળે છે કે લોકોને SMS મોકલવાનું કહેવામાં આવ્યું છે. આમ કરવા માટે, તેમને પૈસા, લેપટોપ સાથે લાલચ આપવામાં આવી છે. જેમાં આપને SMS કરીને તમારું પોતાનું નામ, સરનામું અને કેટલીક અંગત માહિતીઓ મોકલવાનું કહેવામા આવે છે. હકીકતમાં અંગત માહિતીઓ જાહેર કરવાથી ગુનેગારોને તમારી સાથે છેતરપિંડી કરવાની સરળતા રહે છે.
અંગત વિગતો જાહેર કર્યા પછી મોટી નુકસાનીમાં પડી શકો છો. માટે કોઈને પણ તમારી અંગત માહિતી શેર કરશો નહીં. આપેલા આપેલા નંબર પર કોઈ પણ જાતની તમારી અંગત માહિતી મોકલશો નહી. આવી ખોટી ભ્રામક અફવાહોમાં આવી જવું નહીં તેમજ અન્યોને પણ જાગૃત કરવા.
एक विज्ञापन का फर्जी दावा है कि ‘बेटी बचाओ, बेटी पढ़ाओ’ अभियान के तहत सरकार द्वारा नौकरियाँ, लैपटॉप और मोबाइल प्रदान किए जा रहे हैं#PIBFactCheck
▶️यह धोखाधड़ी का प्रयास है ▶️इस योजना के तहत किसी को भी व्यक्तिगत रूप से पैसे देने का प्रावधान नहीं हैं
🔗https://t.co/eqBelilD7b pic.twitter.com/eU0iimf2yh
— PIB Fact Check (@PIBFactCheck) October 14, 2021
PIB ફેક્ટ ચેક શું છે? તમને જણાવી દઈએ કે PIB ફેક્ટ ચેક સરકારી નીતિઓ અથવા યોજનાઓ પર ખોટી માહિતીને રદિયો આપે છે. જો તમને કોઈ સરકારી સંબંધિત સમાચાર બનાવટી હોવાની શંકા હોય, તો તમે તેના વિશે PIB ફેક્ટ ચેકને જાણ કરી શકો છો. આ માટે તમે આ મોબાઇલ નંબર 918799711259 અથવા socialmedia@pib.gov.in ઇમેઇલ આઇડી પર મોકલી શકો છો.
આ પણ વાંચો: Basement Vastu Rules : ઘરમાં બેઝમેન્ટ બનાવતા પહેલા જાણી લો તેના મહત્વના વાસ્તુ નિયમો
આ પણ વાંચો: Income Tax: કર્મચારી WORK FROM HOME કરતાં હોય તો HRA કેવી રીતે Claim કરી શકાય? જાણો શું છે નિયમ