Sanjay Raut on Modi: ‘એક પુતિન દિલ્હીમાં બેઠા છે જે દરરોજ અમારા પર મિસાઈલ છોડી રહ્યા છે’, – સંજય રાઉતે આપ્યુ નિવેદન

શિવસેનાના સાંસદ સંજય રાઉતે (Sanjay Raut Shiv Sena) ED, CBI અને આવકવેરા વિભાગની કાર્યવાહીને લઈને ભાજપ પર જોરદાર પ્રહારો શરૂ કર્યા છે. હવે સંજય રાઉતે સીધા વડાપ્રધાન નરેન્દ્ર મોદી (PM Narendra Modi) પર નિશાન સાધ્યું છે. રશિયા-યુક્રેન યુદ્ધ શરૂ થઈ ગયું છે. આ યુદ્ધમાં ઘણી મિસાઈલો છોડવામાં આવી રહી છે.  આ અંગે ટિપ્પણી કરતા સંજય રાઉતે બુધવારે ટોણો માર્યો અને કહ્યું, ‘અમારા જેવા લોકો પણ દરરોજ યુદ્ધનો અનુભવ કરી રહ્યા છે. દિલ્હીમાં પુતિન બેઠા છે. તેઓ રોજ અમારા પર મિસાઈલ છોડી રહ્યા છે. ઇડી દ્વારા આ મિસાઇલોનો વરસાદ કરવામાં આવી રહ્યો છે. તેમ છતાં અમે ડગમગ્યા નથી. અમે તેની સામે અડગ ટકી રહ્યા છીએ. એવો કટાક્ષ કરતાં સંજય રાઉતે કહ્યું કે દેશનું વાતાવરણ બદલાઈ ગયું છે. રાઉત દૈનિક લોકમતના ઇનામ વિતરણ સમારોહમાં બોલી રહ્યા હતા. આ દરમિયાન સંજય રાઉતે વિધાનસભામાં વિપક્ષના નેતા દેવેન્દ્ર ફડણવીસ (Devendra Fadnavis BJP) પર પણ આકરા પ્રહારો કર્યા હતા.

દેવેન્દ્ર ફડણવીસે સત્તા છોડતી વખતે કહ્યું હતું કે ‘હું ફરી પાછો આવીશ’ (પુન્હા યિન), તેમના શબ્દોને યાદ કરીને, તેમના વિરોધીઓ તેમની મજાક  ઉડાવવાનો પ્રયત્ન કરતા હોય છે. આ જ વાતનો ઉલ્લેખ કરતા સંજય રાઉતે દેવેન્દ્ર ફડણવીસનો ઉલ્લેખ કર્યો અને કહ્યું, ‘પૂન્હા યિન વાળા અહીં સાંજે આવવાના છે. તો પણ હું અહીં આવીશ. બાજુમાં બેસીશ.

સંજય રાઉત નાગપુર એટલે કે ભાજપના ગઢમાં પ્રવાસે છે

સંજય રાઉત મંગળવારથી નાગપુરના પ્રવાસે છે. શિવસેનાના જનસંપર્ક અભિયાન હેઠળ તેઓ શિવસેનાના કાર્યકરો અને નેતાઓને પ્રેરણા અને માર્ગદર્શન આપવા ત્યાં પહોંચ્યા છે. નાગપુર સહિત વિદર્ભમાં શિવસેનાની પકડ એટલી મજબૂત નથી. તેઓ નાગપુરમાં પાર્ટીને મજબૂત કરવાની રણનીતિ તૈયાર કરવા આવ્યા છે. આ સાથે તેઓ નાગપુરના લોકો સાથે પણ વાતચીત કરી રહ્યા છે અને રાજ્ય સરકારના કામોની માહિતી આપી રહ્યા છે.

Web Stories View more

સરકારી બેંક SBI પાસેથી 5 વર્ષ માટે 13 લાખની કાર લોન પર કેટલી EMI આવશે?

જાહ્નવી કપૂર બની અપ્સરા, ચાહકો એ કહ્યું એક દમ શ્રીદેવી લાગે છે

જલદી વપરાઈ જાય છે તમારા ફોનનું ઈન્ટરનેટ ? તો બસ આટલું કરી લો સેટિંગ

ઈશા અંબાણીએ નાની દીકરીને ખોળામાં લઈને કર્યો ક્યૂટ ડાન્સ, વાયરલ થયો વીડિયો

વિરાટ કોહલીના કપડાં કેમ પહેરે છે અનુષ્કા શર્મા જાણો

Neighbour of Mukesh Ambani : આ છે મુકેશ અંબાણીના પાડોશી, પિતાને અને પત્નીને ઘરની બહાર કાઢ્યા

આ દરમિયાન, સંજય રાઉતે બુધવારે સવારે તે જ મુદ્દાને પુનરાવર્તિત કર્યો હતો કે કેન્દ્રીય તપાસ એજન્સીઓ દ્વારા માત્ર પસંદગીની કાર્યવાહી કરવામાં આવી રહી છે. તેઓએ પીએમ મોદીને ભાજપના નેતાઓના ભ્રષ્ટાચારના પુરાવા પણ આપ્યા છે, તેમની સામે કાર્યવાહી કેમ નથી થતી? શું ભાજપના લોકો રસ્તા પર ભીખ માંગી રહ્યા છે? શું તે બધા દૂધથી ધોયેલા છે? પરંતુ કાર્યવાહી માત્ર મહારાષ્ટ્ર અને પશ્ચિમ બંગાળમાં જ કેમ કરવામાં આવી રહી છે?

આ પણ વાંચો :  સલમાન ખાનને વધુ એક આંચકો, મુંબઈની કોર્ટે NRI પાડોશી પર ગેગ ઓર્ડર માટેની તેમની અરજી ફગાવી