Travel Tips : જો તમે પણ રાત્રે પરિવાર સાથે લાંબી મુસાફરી કરી રહ્યા છો, તો આ વાતનું જરુર ધ્યાન રાખજો

વીકએન્ડ હોય કે, કોઈ ફરવા જવાનો પ્લાન બનાવ્યો હોય ત્યારે લોકો ફરવા જતા હોય છે. મોટાભાગે લોકો રાત્રિનો સમય પસંદ કરે છે. આ સમયે તેનો દિવસ બચી જાય છે અને સવારે તેના ફરવાના સ્થળે પહોંચી જાય છે. તેમજ મોટાભાગે શનિવાર અને રવિવારની રજા ઓફિસમાં હોય છે. ત્યારે લોકો શુક્રવારની રાત્રિ ફરવા માટે નીકળી જાય છે. એટલે તેને શનિવાર અને રવિવાર 2 દિવસ ફરવાનો સમય મળે.

રાત્રિ દરમિયાન મુસાફરી માટે આ વાતનું ધ્યાન રાખો

તો આજે તમને જણાવીશું કે, તમે રાત્રિ દરમિયાન મુસાફરીનો પ્લાન બનાવી રહ્યા છો. તો કઈ વાતનું ધ્યાન રાખશો.સૌથી પહેલા રાત્રિ દરમિયાન ફરવા જઈ રહ્યા છો તો કારને વ્યવસ્થિત ચેક કરી લો. જેમાં લાઈટથી લઈ ફોગ લેમ્પ,એન્જિન ઓઈલની માત્રા પણ ચેક કરી લેવી જોઈએ. તેમજ ગાડીના ટાયરની હવા પણ ચેક કરાવી લેવી જરુરી છે એટલે કે, રાત્રિના સમયે તમને કોઈ પરેશાનીનો સામનો કરવો પડે નહિ.

ઓવર સ્પીડનું ધ્યાન રાખવું જરુરી

સૌથી મહત્વની વાત એ છે કે, રાત્રિના સમયે ગાડી ચલાવતી વખતે ઓવર સ્પીડનું ધ્યાન રાખવું જરુરી છે. કારણ કે, એક તો તમે ટુર પર જઈ રહ્યા છો ત્યારે અજાણ્યા રસ્તાઓ વિશે જાણ હોતી નથી. કેટલીક વખત રસ્તાઓમાં ખાડા હોય છે. આવા સમયે જો તમારી ગાડીની સ્પીડ વધારે છે તો અકસ્માત સર્જાય શકે છે.

રાત્રિના સમયે હાઈવે પર ગાડી ચલાવતી વખતે સુમસામ કે પછી અવાવરુ જગ્યા પર ગાડી રોકવી નહિ, જો જરુર પડે તો કોઈ પેટ્રોલ પમ્પ કે પછી ઢાબા , રેસ્ટોરન્ટમાં ગાડી રોકવાનું રાખો. એક વાત જરુર યાદ રાખો કે, ગાડી ઉભી રાખતી વખતે પાર્કિંગ ઈન્ડિકેટરનો ઉપયોગ જરુર કરજો.

આજકાલ નવી કારોમાં મોબાઈલ ચાર્જિગની સુવિધાઓ આપવામાં આવતી હોય છે. પરંતુ રાત્રિના સમયે પાવર બેંક સાથે રાખો. કારણ કે, ફોનની બેટરી પૂર્ણ થાય તો જરુર પડે તો તમે પાવર બેંકનો ઉપયોગ કરી શકો છો. જો આ તમામ વાતનું ધ્યાન રાખશો તો તમારી મુસાફરી એકદમ સરળ રહેશે. જ્યારે પરિવાર સાથે રાત્રિ મુસાફરી કરી રહ્યા છો ત્યારે આ વાતનું ખુબ જ ધ્યાન રાખજો.