Bharat Gaurav Train Nepal : નેપાળમાં પશુપતિનાથના દર્શન કરવા ટ્રેનથી જઇ શકશો, IRCTCએ શરુ કરી ટ્રેન, જાણો રુટ, સુવિધાઓ અને પેકેજ!

IRCTC એ નેપાળના પશુપતિનાથ મંદિર માટે ભારત ગૌરવ ટ્રેન શરૂ કરી છે. જે ઇન્દોરથી ઉપડશે અને નેપાળ જશે. આ નવી ભારત ગૌરવ ટ્રેનનો રૂટ એવો છે કે તમને ફક્ત નેપાળના મુખ્ય પર્યટન સ્થળો જ નહીં પરંતુ ભારતના જ્યોતિર્લિંગોની પણ મુલાકાત લેવાની તક મળશે. આ ટ્રેન પશુપતિનાથ નેપાળ દર્શન યાત્રા પેકેજ હેઠળ ચલાવવામાં આવી રહી છે. આ 10 દિવસની ટૂર પેકેજ છે. જે તમને ટ્રેન મુસાફરી, રહેવાની વ્યવસ્થા, ભોજન અને સ્થાનિક પ્રવાસની સુવિધાઓ સામેલ છે.

ભારત ગૌરવ ટ્રેનનો રૂટ શું હશે?

ભારત ગૌરવ ટૂરિસ્ટ ટ્રેન તમને નેપાળના પ્રખ્યાત સ્થળો પર લઈ જશે. આમાં કાઠમંડુ, પશુપતિનાથ, પોખરા, ચિતવન નેશનલ પાર્ક અને મનકામના (અથવા મનોકામના) મંદિરનો સમાવેશ થાય છે. સૌથી અગત્યનું આ ટૂર પેકેજમાં મનકામના મંદિર સુધી પહોંચવા માટે રોપવેનો સમાવેશ થાય છે. આનો અર્થ એ છે કે આ પેકેજ તમને લગભગ બધી સુવિધાઓ પૂરી પાડશે. વધુમાં ચિતવન નેશનલ પાર્કમાં જીપ સફારીનો પણ સમાવેશ કરવામાં આવ્યો છે. આનો અર્થ એ છે કે આ પેકેજમાં ફક્ત મંદિરની મુલાકાત જ નહીં પરંતુ જોવાલાયક સ્થળો અને આનંદ માણવા માટેની સંપૂર્ણ વ્યવસ્થા પણ શામેલ છે.

ભારત ગૌરવ ટ્રેન ક્યાં ક્યાં જશે?

• કાઠમંડુ
• પશુપતિનાથ
• પોખરા
• ચિતવન નેશનલ પાર્ક
• મનકામના મંદિર

પેકેજ શું છે?

ભારત ગૌરવ નેપાળ ટ્રેન પેકેજોને ત્રણ શ્રેણીઓમાં વહેંચવામાં આવ્યા છે. જેથી દરેક બજેટના લોકો યાત્રાનો આનંદ લઈ શકે

• થર્ડ એસી (3AC) કમ્ફર્ટ – પ્રતિ વ્યક્તિ આશરે 62,710 રૂપિયા
• સેકન્ડ એસી ડિલક્સ (2AC) – પ્રતિ વ્યક્તિ આશરે 76,550 રૂપિયા
• ફર્સ્ટ એસી સુપિરિયર (1AC) – પ્રતિ વ્યક્તિ આશરે 90,400 રૂપિયા

પેકેજમાં આ સુવિધાઓ છે શામેલ

• 3-સ્ટાર હોટલમાં રહેવાની સુવિધાશાકાહારી ભોજન
• પર્યટન માટે એસી બસ સેવા
• ટ્રાવેલ ઈન્શ્યોરન્સ
• ટૂર ગાઇડની મદદ
• સફાઈ અને સુરક્ષાની ખાસ વ્યવસ્થા

ટ્રેનનો રૂટ શું હશે?

મુસાફરો માટે સરળ સુવિધા માટે આ ટ્રેન મધ્યપ્રદેશના ઘણા સ્ટેશનો પર ઉપલબ્ધ રહેશે. ઇન્દોર, ઉજ્જૈન, શુજલપુર, સિહોર, રાણી કમલાપતિ, ઇટારસી, નરસિંહપુર, જબલપુર, કટની અને સતના રોકાશે.

ટ્રેનનો સમય શું છે?

આઈઆરસીટીસી અનુસાર, ભારત ગૌરવ ટ્રેન 12 જૂન, 2026 ના રોજ ઇન્દોરથી ઉપડશે. આ પ્રવાસ 9 દિવસ અને 10 રાતનો હશે. ટ્રેન પેકેજ મુસાફરોની સુવિધાને ધ્યાનમાં રાખીને કાળજીપૂર્વક તૈયાર કરવામાં આવ્યું છે. એકંદરે આ ટ્રેન સાહસિક અને ધાર્મિક બંને પ્રકારના પ્રવાસીઓને આકર્ષિત કરશે.

ટિકિટ કેવી રીતે બુક કરવી?

ટ્રેનની બુકિંગ માટે IRCTCની ઓફિશિયલ વેબસાઇટ પર જઈને સંપૂર્ણ માહિતી, સીટ ઉપલબ્ધતા અને પેકેજ ડિટેલ ચેક કર્યા બાદ બુકિંગ કરી શકાય છે.

 નોધ: મુસાફરી કરતાં પહેલાં રેલવે સંબંધિત માહિતી જાણી લેવી. અહીં આપવામાં આવેલી માહિતી રિપોર્ટ્સના આધારે તૈયાર કરવામાં આવેલી છે. ટ્રેન ટિકિટ બૂક કરતા પહેલા સંબંધિત વેબસાઇટની મુલાકાત લેવી.

આ પણ વાંચો, Railway Rules : સ્લીપર કોચની ટિકિટ સાથે પણ AC કોચમાં મુસાફરી કરી શકાશે, રેલવેના નિયમો જાણો કઈ રીતે?